طـــــــريقـــــــــــــت ي الخاصة فــي إخفـــاء الشــــــــــــــيب ..

طـــــــريقـــــــــــــت ي الخاصة فــي إخفـــاء الشــــــــــــــيب .. http://www.asmilies.com/smiliespic/txtsmall/013.GIF

http://www.asmilies.com/smiliespic/a...a0asmilies.gif

خــــــــواتي الغاليات اللي في المنتدى الطيب .. كيف الحال .. عساكم بخير

حبيت أعرض لكم تجربتي في إخفاء الشيب .. مع إني شاركت بمواضيع كثيره عن الشيب وما عرضت تجربتي ، مب أنانيه مني ، بس حبيت أتأكد قبل، مثلاً أكمل شهر وبعدين أكتب طريقتي الخاصة وإن شاء الله تستفيدون .. بس بعدني ما كملت الشهر ، لآني عجوله كعادتي ، واحب لكم الخير دايماً ، مثل ما تفيدونا نفيدكم بعد ..

ما بطول عليكم ، بس حبيت اوضح إني الحين مبتعده تماماً عن الأصباغ الكيميائيه تماماً لمشكله صارت لي ، ولآني ما أحب أحني لآن الحناء ما تضبط معاي يطلع اللون المعتاد " البرتقالي " ، كأني عيوز باكستانيه بما أن الشيب متركز في الأمام ، ما خليت خلطه في المنتدى ما سويتها أضفت الشاي ، الميراميه القرنفل، مطحون قشر الرمان ، وفي النهايه ما يضبط اللون ما أدري وين المشكله في الحناء ولا لآ ، لآن واايد بنات يضبط معاهم اللون، المشكله الثانيه إنج تخلين الحناء على الأقل 4-6 ساعات مده طويله .. والمشكله الأكبر انه إذا ما ضبط اللون كرري العمليه ، .. وهكذا دواليك كل أسبوعين أو أسبوع مره ,, السالفه ممله وأنا بالي قصيير .. المهم شفت بعض الأخوات ينصحون بالكتم اللي وصى به الرسول -صلى الله عليه وسلم- ( وما ينطق عن الهوى إن هو إلا وحي يوحى) .
وبنات يذمونه أنه ينشف ويسبب التساقط .. قلت بجرب .. يالله خلصينا قولي وفكينا http://forum-static.hawaaworld.com/i...s1/smile20.gif

أنا بكتب وأنتو كيفكم عاد .. والله ما أبغي غير الدعاء الصادق النابع من القلب ولكم الطريقه ..

طبعا بعد ما حنيته وما ضبط اللون طلع برتقالي ناري
اليوم الثاني حطيت 3 ملاعق كتم في علبة زبادي ، نقطتين خل التفاح ، ملعقة زيت الميراميه

ما خليته يخمر ولاشي .. حطيته على طول ولمدة ساعه .. والنتيجه ...http://forum-static.hawaaworld.com/i...s1/smile14.gif
ماتوقعتها الصراحه ، اللون اللي بغيته بالضبط واخيرا صبغ الشيب ( بني غامق) .. للعلم لون شعري مائل للبني .. ولا أسهل ,, قلت خلاص اعتمد هذي الطريقه ما في اسهل منها ، مدتها بسيطه ، تحصلين على اللون اللي يرضيج إن شاء الله ، تكررين العمليه على رااحتج كل 3 اسابيع مره ، وبالتالي تفتكين من الأصباغ اللي تنشف الشعر وتعدمه .. طبعا ما راح تحتاجين إنج تحنينه مثل ما سويت أنا قبل .

وفيه اشياء إضافيه إن شاء الله تعالج الشيب من الجذور استخدمها بعد .. وتطيل اللون في الشعر يعني يثبت .
1- إستخدامي لحبوب زيت كبد الحوت ( سمك القد ) http://www.asmilies.com/smiliespic/g...xs03gif106.gif الغني بفيتامين أ ،لمده لا تقل عن 3 أشهر .

2- بعد إستخدامي للكتم ، استخدم زيت المراميه لتغميق الشعر الأشيب ، يعني في أول اسبوع يوم ورى يوم ، وبعدين تنقصين 3 أومرتين في الأسبوع .

3- بعد الحمام " عزكم الله" ، والشعر مبلول رشي منقوع قشر البطاطس .. أنا حاطته في بخاخ وأرش على فروة الرأس يحافظ على اللون ويغمق الشعر .. " يحفظ في الثلاجه ..