.....( بــنـــت الامــــيـــر )......

[poem=font="Simplified Arabic,6,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black""]

يقول منهو بالزمن يمشي على متن الزمان = قصايدٍ منهو قراها اعجبته وشالها
قصايدٍ فيها خيول الفكر من دون العنان = والطيب اللي يفهم الفكره على موالها
ابدا بعد اسم الاله بسرد صفحات البيان = واقول يالله سهل الجمحه على خيالها
بنشدك يلي تعرف المغزى وتعطيني ضمان = ما تعترف باللي كتب واللي بدعها وشالها
بنشدك عن بنت الامير اللي تربى في امان = عاشت على حلو النعم يا بخت منهو طالها
ملبوسها صاف الحرير ووصفها حلو الثمان = وهروجها عين العقل والطيب فيها فالها
تمشي على وضح النقا تمشي على بيض الجنان = صدرٍ وسيع ويغلبه بالوسع فيها بالها
ان جات تمشي مقبله حمامةٍ شوف العيان = تمخطرت بين العرب ذلت من اللي جالها
وان ادبرت مثل الشجيع اللي كسب مدح اللسان = بعد انتهاء المعركه والسيف جد رجالها
وان هي حكت مثل العزف بالعود والطبل وكمان = تجذب مسامع هالملا باقوالها وافعالها
ولا الشعر مثل الذهب طايح على جيدٍ شنان = ناعم مثل نِعم القطن ومن الحرير خصالها
والعين يوم تشوفها تنسى معاناة الزمان = عين ابرقٍ فوق البسيطه مسكنه بجبالها
مع وسعها حده نظرها والهدب حده يبان = سحر العيون المترفه سلم على دجالها
وان ذرعت بكمومها تحصي عروقٍ باليَدَان = من بيضها كن اللبن يشبه تراه ظلالها
وان ضحكت يا محزمي اكتب وصايايه عشان = غمازتين بخدها ما ترحم اللي قبالها
منزالها فوق الثرى تحت الثريا في مكان = ما شافها كود نظري يا فرحتي بوصالها
تاتيني لا نام البشر واقول انا يا وقت كان = وقف ابحيى لحظتي واشرب هنا فنجالها
ماهي من انساب البشر فيها الحسد والاحتقان = حتى الهوى يلي تشمه ما لزق بجلالها
والشاهد الله يا عرب ماهي على متن الزمان = والطيب اللي يفهم الفكره على موالها
[/poem]

عبدالعزيز العضياني
صح لسانك مليون واكثر
قصيده جميله أبياتها
مرتبه فيها العديد
والعديد
من جزالة المعنى

جزل يا عبدالعزيز


صح قلبك وكلك


وسلمت اناملك


تحيتي لك

عبدالعزيز العضياني
صح لسانك ملايين ولا يكفون

وبيض الله وجهك على هالرائعه


مبدع دائما لاهنت

عبدالعزيز العضياني

تعبتنا مع بنات افكاركـ

والالهـــــــــــــام الشعري

اللي يجيكـ

قريت بنت الأمير اكثر من مره

صح لسانكـ

يا خال وبيض الله وجهك

عبد العزيزالعضياني
صح السانك فكرت قصيدتك
حورية الجنه بنت فكرك
قصيده قمة الجمال
هنيا لك بذلك
تقبل ودي

http://up.g111g.com/up/upfiles/nkm96632.jpg