-
بساط الريح .~ بقلمي
الايابساط الريح توك جيتني هالحين
بعد ماغاب عني يابساط الريح وشقاني
بعد ماجفت اوراق الغرام بحلمي المسكين
بعد ماودعت شمس الصباح ورود بستاني
أنا اذكر يابساط اني تمنيتك قبل عامين
قبل لاتغرد طيور الشقى في عالي اغصاني
قبل لايعشق الليل الكئيب عيوني الثنتين
قبل لاتسكن دموع الوداع بداخل أعياني
قبل لاتفقد شموع الغرام مسامر الغالين
قبل لاتذوب همسات الحنين بداخل الساني
قبل ماهاجسي يبحر على مركب ولا ادري وين
ألين ابكي وعرف انه على المحبوب وداني
احبه كثر ماسالت دموعه على الخدين
كثر مابكيت له عيني وهو يبكي على شاني
كثر مامر باوراقي قبل لاكمل الشطرين
تصور لي وانا بكتب قصيد بواحًٍٍد(ن)ثاني
الا ياطيفها المجنون جيت منين والا منين
دخلت وعنك ماكني مسكر كل بيباني
انا ماقلت لك تكفى تريحني ولو يومين
ابي ارتاح من ليل الهموم السود واحزاني
على كف القدر نمشي مثل ما الناس به ماشين
وانا كف القدر قدر علي ماشوف خلاني
ولكن يابساط الريح دامك جيتني هالحين
مابيك تروح وانت اللي مشيت وجيتني عاني
ابيك هالحين تاخذني توديني بلادالصين
عشان طيوفها لاجت تدورني ماتلقاني
بقلمي : نشمي الماضي
-
رد: بساط الريح .~ بقلمي
قبل لايعشق الليل الكئيب عيوني الثنتين
قبل لاتسكن دموع الوداع بداخل أعياني
صح لسانك
-
رد: بساط الريح .~ بقلمي
رااااااااااااائعه
صح فكرك ولاهنت
-
رد: بساط الريح .~ بقلمي
صح لسانك يا نشمي
واهلا بك وبقلمك في غرابيل
ننتظر جديدك
تحيتي لك
-
رد: بساط الريح .~ بقلمي
الشاعر نشمي:
صح لسانك مليون واكثر
قلم يجبرنا على ترقب جديده
بكل شوق
تقبل مرور أخوك وياهلا فيك
بيننا
-
رد: بساط الريح .~ بقلمي
الله الله الله
نص في غاية الأبدااع والرووعه
لاهنت يـ الشاعر وصح لسانك
تقديري لك’,,
-
رد: بساط الريح .~ بقلمي
نشمي
صح لسانك ملايين
وحياك ربي بين اهلك واخوانك
سعيدين بانظامك لكوكبة غرابيل
-
رد: بساط الريح .~ بقلمي
صحت ابدانكم جميعا .~
وانا سعيد ايضا با انضمامي اليكم
دمتم بخير
-
رد: بساط الريح .~ بقلمي
نشمي
صح لسانك وقلبك
لاهنت
-
رد: بساط الريح .~ بقلمي
كاسب العز صح بدنك ي بعدي
لاعدمنا طلتك
-
رد: بساط الريح .~ بقلمي
نشمي صح السانك
قصيده جميله
تقبل ودي
-
رد: بساط الريح .~ بقلمي
-
رد: بساط الريح .~ بقلمي
-
رد: بساط الريح .~ بقلمي
مرحبا بك في منتدى غرابيل
قلم رائع يجبرنا على قرائته
صح لسانك وبيض الله وجهك
يا نشمي
