لاهيب من برقا ولاهيب من روق
الشوق يدفعني على راعي الشوق
. . . . . . . . . . الغالي اللي كاملن في جماله
مخلوق لكن غير عن كل مخلوق
. . . . . . . . . فارق عن العالم وفرقه لحاله
حايز جميع الحسن و النطق و الذوق
. . . . . . . غزالتن ياحيها من غزاله
مكانها بالعين والقلب مرموق
. . . . . . . والعمر لو يبغاه كله حلاله
سايق على قلبي ولاهو بمسبوق
. . . . . . . . ولاغاب عني لودقيقه خياله
ماهيب من برقا ولاهيب من روق
. . . . . . . سلالتن ياحيها من سلاله
تميزت عن غيرها الوصف وتفوق
. . . . . . . . . وانواع زين الوصف فاقت مجاله
لاتعرف خيانه ولاعارفه بوق
. . . . . . . . ومشيانها طول العمر بانعداله
والزين الاول فيه ماهو بملحوق
. . . . . . . . . . سبحان من هو خالقه ذا الجلاله
برفوق ياخلي على القب برفوق
. . . . . . . . القلب من مااشوف زايد هباله
و غلاك عندي وسط قلبي مع عروق
. . . . . . . . يجري ولاني عنك سالي وداله
شي وحصل مابين عاشق و معشوق
. . . . . . . . ولاينتهي محفوظ في كل حاله
عبرت شين فصدري بطاروق
. . . . . . وانا من الدنيا مابا الا وصاله
تحياتي لكم
رد: لاهيب من برقا ولاهيب من روق
نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي
رد: لاهيب من برقا ولاهيب من روق
عبرت شين فصدري بطاروق
. . . . . . وانا من الدنيا مابا الا وصاله
,
,
عبدالله العتيبي ,,
صح لسانك ولاهنت على هالرائعه
رد: لاهيب من برقا ولاهيب من روق
صح لسااانكـ يا عبدالله..
تحيتيـ
رد: لاهيب من برقا ولاهيب من روق
جزله ومن شاعر جزل
صح قلبك وكلك
وسلمت اناملك
تحيتي لك
رد: لاهيب من برقا ولاهيب من روق
&& عبدالله خلف العتيبي &&
*** لا هيب من برقا ولا هيب من روق ***
قصيدة رائعة بكل مافي الكلمة من معنى
تتناثر حبات اللؤلؤ في قسم الشعر النبطي
فتنسج لنا عقداً ثميناً تتزين به غرابيل الخير والعطاء
كل الشكر والتقدير على هذه القصيدة الخيالية
صح لسانك ودام نبضك
وسنكون هنا دوماً بانتظار جديدك
وفقك الله ورعاك
~ ~ أم تركي ~ ~
