ساعتك / عطرك / قصتك / تسريحتك / ممشى خطاك
بسم الله ،،
وبعد غيبه طويله
ارجو المعذره
نص قديم يتجدد هذا المساء
عله يشفع لي
[poem=font="simplified arabic,4,black,bold,normal" bkcolor="transparent" bkimage="" border="none,2,black" type=2 line=0 align=center use=ex num="0,black"]
ياحرف شعري دون المضمون حي الله نباك=في قالب التجديد جيش الفكر رهن اشارتك
أنثر / غلا / لاجل الملا / ولا فلا / تبحث خفاك=دامك سما / بل الضما / بأفكار طيفن زارتك
خاطب / عقل ينفي / الخجل / روح الامل / نور سماك=لو يظًلم أستحث الخيول اللي تنجد غارتك
علم / فتى / إلى متى / ضد وعتى / وأكبح أساك=لاني أنا / ضد الانا / ونفسي عزيزه شارتك
على وعسى / عقب الاسى / وإن مانسى / خيب رجاك=دون أجبره / دم أكبره / فالطيب خطوه سارتك
مايعلن أستنزاف حرفي بالجزيله ذا وذاك=غير الهنوف اللي عيون الغيـد من هي غارتك
خاطبت فكري مطلع ابياتي عشان اسرح معاك=في روعة التصوير قمة مامضى / لحضارتك
يامملكة بلقيس ياعرش الحسن روحي فداك=شوفي خيالي تارتن حولي ومره تارتك
في بحر أحساسك جمعت الشوق وأطموحي رضاك=لانك جمعت الضد في ابيات شاعر جارتك
مهمها وصفتك ما أنوضح عند الملا روعة حلاك=دام العقل يحتار فعقول الخلايق حارتك
ماكان وصفي من خيال إلا حقيقه يوم جاك=سلطان فكري في مدى أفلاك الليالي دارتك
فيكفيني أنك من روى أحساس العطاشا حلو ماك=ويكفيك روحن كلما تطري عليها انهارتك
الله جمع فيك الوصوف النادره وأسخى عطاك=حتى أبتساماتك لحن تعزف سحر قيثارتك
ساعتك / عطرك / قصتك / تسريحتك / ممشى خطاك=حلقتك / فستانك / مع سلسالك / ونظاراتك
حمرتك / مكياجك / كماليت حسنك / ياملاك=لؤلؤك / ياقوتك / ذهبك / اللماسك / أكسسوارتك
روعتك/ طيبك /عفتك / شخصيتك / تضفي بهاك=حتى نجوم الليل تحلم يوم تصبح / جارتك
يعني أحبك / لا / لاني صرت انا اتنفس هواك=من فوق علو الغيم روحي بالاماره طارتك
حلقت بأحساس الجموع اللي يحقق مبتغاك=ونسجت من حلو القصيد خطاب لجل أيمارتك
وشلون أنا ماغليك / يـا.../ لك الله مايبين لي غلاك=وأنتِ العذارى كلهم بالحسن تحت ايدارتك
في أخر الابيات يبقى سر من حلمه وفاك=كانك تبينه حط قلبه دوم رهن اشارتك
[/poem]
[align=center]
وسلامة روسكم
[/align]
رد: ساعتك / عطرك / قصتك / تسريحتك / ممشى خطاك
رد: ساعتك / عطرك / قصتك / تسريحتك / ممشى خطاك
صححححح لسسسسسسسسسسسانك
آعجبتني القصيده آحب هالنوع
لاهنت آخوووي
ولاتحرمنا هالآبداع
رد: ساعتك / عطرك / قصتك / تسريحتك / ممشى خطاك
يسلم راسك
ياعدنان
وصح لسانك مليون واكثر
قصيده جميله وجزله أهنئك عليها
