انا واربع بنات...........................
ياجماعة الربع .......
ساحكي لكم قصة واقعيه من وهم الحياة المتقلبه....
في يوم من الايام اتجهت الى سوق الراشد.. وطبعا كلكم مريتوا عليه من قبل او اغلبكم...المهم....اني دخلت وانا متسكب بلحالي مترزز وش حليلي المهم ....دخلت وانا ناوي اخذ غرض واطلع من هالسوق اللي مافيه الا القهر......as soon as i can ...هههههههه...
دخلت لمحل عطور....ناوي اشتري عطر.... (ومستحضرات للجسم)
<<==== مانت بعاقل ياتوم كروز
...المهم لما دخلت قعدة اسولف مع اللي في المحل هو يحاول يقنعني وانا لزمت ياينزل لي في السعر يا ابعطيه ركبه على خشته الين ما ينزل في السعر هالسمرمدي
المهم مع محاولة الشد والجذب بيني وبينه....شوي الا اربع بنات دخلو علينا في المحل....كل وحده تقول نعنبوك يالقمر انزل وابنصير محلك
طبعا انا ماشفت الا هالعبايات الجديده....وهالريحه اللي تطلع البنكرياس وتقوله شم عساك الماحي ....وهالعيون اللي تقول فناجيل دله مبهره بهيل مخلوط مع قهوة هرري .....يالله وش ذا الزين......نعنبوك سبحان اللي خلقكم وسماكم بني ادم وسمى هاللوح اللي قدامي راعي المحل بني ادم سبحان اللي جمعهم بصفة الانسانيه......المهم لايغركم الوصف......
شوي طالعوا وش اللي صار
خلاص بعد ماناظرتهم صديت عنهم.....طبعا انا ثقيل...كخخخخخخخخ...ولا عاد يهموني......قمت وبعدة في طرف المحل....شوي الا كل مالهم يقربون وانا ابعد الين ما حشروني في زاويه تقول بس ....
قامت الطويله وقالت لي وش هالثقل ...طبعا هم 2 طوال ووحده متوسطة الطول ووحده دبدوبه (عاد انا اتشقق على الدبوبه)...ما رديت عليها.....شوي الا الا الدبدوبه تقول تكفى بس نظره....وانا ولا كن قدامك احد...طبعا شاب طموح ...الا وش دخل ام الطموح بهالسالفه....؟؟ ...سويت نفسي ما اسمع....لان مافيه في المحل الا انا وهالقرد اللي تقول داحشينه معدته موز..ومعلقينه في شجرة كنار مع حواجبه من كبرها(راعي المحل) ...شوي الا اللي ماهي طويله تقول لي ممكن لو سمحت واطالع الا معاها ورقه....قلت وش ذا....قالت رقمي ..:D.....قلت لها اسف....شوي الا الطويله الثانيه قالت ممكن استخدم جوالك ......قلت يالله نكسب فيهااجر نعطيها الجوال يمكن تكلم خويها ولاابوهايجي ياخذهم من السوق .....ابد خذته دقيقه ورجعته لي الا لقيتها مخزنه رقمها ...:Dقلت لها nice try ....وحذفت رقمها |1| مانفعت محاولتهم مع واحد ثقيل زيي ....|17|
حاولوا وحاولوا....ولا فيه فائده.......انا ما كنت افكر فيهم انا كنت افكر وشلون اكسر خشت راعي المحل واخليه ينزل في سعر العطر
المهم لم نتفق انا والقرد اللي في المحل.....لما جيت ابطلع قاموا البنات وتقاطوا علشان يشترون لي العطر اللي كنت ابغاه... |15|
قلت لهم لو سمحتوا خليكم في حالكم ....انا ما طلبت صدقه منكم...شديد والهواء ضده في الشوط الاول بس يمكن ينقلب الحال في الشوط الثاني
طلعت من المحل وقلت اللي اولها كذا ينعاف تاليها....خلاص ابطلع من السوق احسن....رحت لسيارتي.....ولما وصلت للسياره لقيتهم يمشون وراي ...اعجبني فيهم روح الاصرار والكفاح على ايصال الهدف المنشود كخخخخ....المهم تذكرت اني ناسي المفاتيح عند راعي المحل....رجعت الا الدبدوبه كانت من ناحيتي وقالت علي الطلاق بالثلاث الا تأخذ رقمي لاتكسحني قدامهم...تكفى والله ماني بسهله ....قلت والله اسف....لو سمحتي روحي بطريقك.....رجعت للمحل.....وخذيت مفاتيحي
لما رجعت لسيارتي لقيت البنات يبكون على الكبوت ..|91|.والدموع اربع اربع....حسيت بذيك اللحظه اني انسان قاسي القلب ...قمت وقربت من البنات وفتحت الكبوت .....وخليتهم يصبون دموعهم في الرديتر...لان ما فيه مويا ...وانتم تعرفون هالايام حر لازم ماء الرديتر يكون فل ..
وخرتهم عن الكبوت وشغلة السياره.....ومشيت وانا اشعر بالنصر ...ومشيت شوي الين ما وصلت المحطه اللي بجنب الراشد اللي هي محطة التسهيلات علشان اعبي بنزين........شوي الا لقيت الدبدوبه متعلقه فوق التنده وهي تقول......اما كذا ولا فلا
لاحظوووووا حنا دخلنا 2003 وكل شي يمكن يحدث
اخوكم
بدر
