بسم الله الرحمن الرحيم..
أسعد الله أوقاتكم بكل خير يا كرام ..
اليكم من بحور تصفّحي..
:
:
:
ما كان ليل البارحه ليل .. عادي !
ما كان حتى البوح .. يستأذن البوح
خليت معـك ، اللا إرادي / إرادي
بـ إحساسي اللي صار لك سر مفضوح
لو كان كل الوضع معك ( إعتيادي )
ماكان كل غْموض يصبح لك وْضوح !
ياللـ الغرابه .. كيف صار إنقيادي ؟
يمك / ولو مدري معك وين ابارَوح ؟
حتى ولو طبعي مع الحب ( هادي )
معك انت مااستغرب ولو ينطق اللوح !
ماارضى معاك ، الا بـ حبس إنفرادي
إحبسني بقلبك لـحالي / ومسموح !
جرحي ينادي لك ضمادي / ضمادي
اي والله ضْمادي ولو كلي ، جْروح !
ودي معاك اتكلم .. اشرح وانادي !
ودي ولكن كيف والشرح مشروح ؟
عجزت احدد موقعِك في ( فؤادي )
احد ٍ عرف وسط الجسد موقع الروح ؟!
:
:
:
أتمنى أن تصل إلى ذوائقكم..
لكمـ جلـ محبتيـ
و
تحيتيـ
:عنون:
