تفسير عاااجل

السلام عليكم ورحمة الله وبركاته

ادري انا مزعجة بس تكرر حلمي بأمي الله يرحمها وأتمنى ألاقي تفسير حق هالحلم
كا في السوبر ماركت اللي بجانب البيت ومعاي احد صديقاتي او بنات أخي المهم كان راعي المحل يعمل لنا عصير وكنت قاعدة اتذوق العصاير واخترت نوع الليمون بس كان طعمه لذيذ وسكره طيب خذنا العصير ورحنا البيت المهم كنا ماخذين معانا من المطعم او انا اللي جايبته معاي دجاج مشوي قعدت اقول في بالي الحين انا جبت الدجاج بس اشلون بخصوص الرز المهم دخلنا البيت دخلت غرفة امي الله يرمها وكانت على السجادة تصلي فقمت وحبيتها على راسها وكانت مخلصة من الصلاة لقيت الغرفة مرتبة بس كان في خشب صغير منثور على الغرفة وعلى السرير وكان على السرير في طفل صغير ابن اخوي اعتقد مع انه ماعنده بس سألتها ليش الغرفة جذي قالت لي مرت اخوج المغربية ( زوجته الثانية ) جات تجوف ولدها وراحت قلت لها ليش مانظفت الغرفة قبل لاتروح قالت لي معليه خليها المهم خليتها ورحت غرفتي مع بنت اخوي الصغيرة اللي عمرها 23 وهي وايد متعلقة فيني وانا احبها وايد تقول جوفي جدتي ( تقصد امي ) رتبت لج اغراضج في الشنط وكان صح الاغراض مرتبة كل شي في شنطة الملابس في شنطة والاحذية اعزكم الله في شنطة والشنط في شنطة وكانت غرفتي مو نفسها اللي انا فيها الحين لا غير احلى فقلت حق بنت اخوي لا انا ابي ارتب الاغراض في الكبت ( الدولاب) مايهم في الشنط وطلعنا ورحنا نتغدى مع الوالدة الله يرحمها كانوا معاي بنات اخوي الكبير وكانت الصينية بعيدة عن امي فزحمتها احذاها وكانت امي طابخة لنا غدا ورز مع دجاج لذيذ وبس رن تلفون البيت وقمت من النوم

اليوم اللي قبله كنت حلمانة في امي تقولي ( اخوج وابوج قالوا لج عن الزوج اللي جايبينه لج ) بس وقمت

اتمنى الاقي تفسير ادري اني طولت بس سامحوني ضروري ابي اعرف

أهلا بك أختي ريم

كم عمرك؟

وهل تعانين من أرق مستمر؟

حالتك الأجتماعية؟

وخيرا بإذن الله.,

مرحبا
عمري 36 سنة
ولا أعاني من أرق ولكنني كثيرة التفكير بالمستقبل
وحالتي الاجتماعية آنسة
وشكرا جزيلا

أهلا بك أختي ريم

يظهر لي من خلال ماسبق أن هناك موضوع تسعين من اجله وقد تأخر تحقيقة سيتم لك ذلك عما قريب والله أعلم..

أما الحلم الثاني:

فهو خاطب يهم بألتقدم لك ولكنه متردد بسبب أمور لم تظهر لي والله أعلم

أ.محمدالمالكي