يموت موتة حي من موت الاموات
بسم الله الرحمن الرحيم
السلام عليكم ورحمة الله وبركاته
اليكم هذه الابيات فرررررش اتمنى ان تنال اعجابكم وذائقتكم الشعريه,,,,,,,,,,,,,,,,,,,,,,,,,,,,
يقول عيد الكسر لله درّه
أروم للجزله واكب الهزيلات
أناعذرته ألف مليون مرّه
ويرجع يكررها علي ألف مرّات
اشوم وأبعد عن بعيدالتشرّه
أخاف يلحقني ملامه وشرهات
قد جزت منه بكل خيره وشرّه
لا يعتذر ويقول ما فات قد مات
صديت عنه وخافقه فيه حرّه
يموت موتة حي من موت الاموات
تدرون أنه كان ب العين قرّه
وقتٍ قضيته صار ضمن الحسوفات
حبه تَعدّى جاز نجم المجرّه
يجري بدمّي داخلٍ بالكريّات
أوّل على رأسي تعلّى مقرّه
محشوم له روحي وذاته من الذات
واليوم اشوفه صار في حجم ذرّه
وعليه بتدور اللّيَال المريرات
وليله كئيب يذوق كيسان مِرّه
والكل يهرج فيه حاسدوشمات
كلن على نهجه ونهجه يسرّه
ياصاحبي خلك على وضع الاسبات
وسلامتكم
