-
تحياتي لمن دمر حياتي
ليه الأمل ماينزرع الا على حدود السراب!
ليه اللقا ماينكتب لعيون عذبها السهر!
ليه الجفا صار الحكم على نهايات العذاب!
ليه الصبر لازم يكون الند الأول للقهر!
((((ليه المشاعر لا صدقت لابد يقتلها الغياب!))))
وليه العيون اللي فرحت بالحب بكاها الدهر!
ليه الحقائق زايفة...!ليه الأماني من ضباب...!
ماتعيش وان عاشت ماتعيش أكثر من شهر...!
ليه الحنين اقسى شعور للي يذوق الاغتراب!
وليه الحنان أعظم شعور في هالدنيا ظهر...!
ليه العتب...!
ليه العنا...!
ليه المحاجر ذي سحاب!
تمطر على جدب الورق تمطر رياحين وزهر...!
ليه....,وليه....,وليه نسأل ولانلقى جواب...!
وكل"اجابات" الدهر لاقيل ذا >("حكم الدهر")<
-
الامل لايجتمع مع السراب عباراتك جدا رائعه
-
"ليه المشاعر لا صدقت لابد يقتلها الغياب!
وليه العيون اللي فرحت بالحب بكاها الدهر!"
بروز
يعطيك العافية
قصيدة ولا أجمل
عوفيتِ
كل المودة
-
برِوِزِ
صح لسآنك
لآهنتي
ليه....,وليه....,وليه نسأل ولانلقى جواب...!
البيت هذا مامشى معي ماادري ليه
-
حياك الله يابروز
وصح لسانك اختي
وننتظر جديدك وتواصلك
تحيتي لك
-
انا اللي عنده الجواب
صح لسانك على روعة القصيده
ويعطيك 1000 عااافيه
-
-
بروز قصيدة قصيرة وليتك كملتيها كثير ,,.
عذبة جميله كثر فيها التساؤل الخارج من القلب ,.
وكل ماهو من القلب ظعمه أجمل وقوله أفهم ,.
صح إلسانك ,.
