آموت من شان عزي مانحنى راسي || لأنّي ولد شيخ متعلم ومتربّي ||||| ( منصور الدرين )
[align=center][table1="width:85%;background-color:black;"][cell="filter:;"][align=center]
السلام عليكم ورحمة الله وبركاته
مساكم الله بالخير أخواني وأخواتي أعضاء وزوار منتديات غرابيل الأدبية
يحق للشاعر أن يكتب في جميع أغراض الشعر . وهذه القصيده حديثة عهد كتبتها في غرض ( الفخر )
أتمنى أن تصل إلى ذائقتكم وتنال إستحسانكم .!
صلوا على النبي ..!
[poem=font="mudir mt,5,black,normal,normal" bkcolor="burlywood" bkimage="" border="double,7,burlywood" type=2 line=0 align=center use=sp num="0,black""]هيّض وراجع حسابي ضرب هوجاسـي=اللـي منحنـي شهـادة فخـر ورتبّـي
قال إلزم الصمت لـو النـاس تحتاسـي=تراك كاسـب لنوماسـك علـى غبّـي
لاترخص النفس لاجل الغافـل الناسـي=ولاتتبع اللـي يصـبّ المهزلـه صبّـي
ياللي تحسـب الذهب يرجع للألماسي=إنزل تحت ماتبعتـك لـو تعايـب بـي
ماهي شجاعـه رجـل للمجـد جلاسـي=اللي على الكلمه الشينـه يجـرب بـي
قد قالها الشافعـي فالنـاس الأنجاسـي=قال أرفع الراس عنهم وأتـرك السبّـي
أنا أحمد الله وسيع العـرف وسياسـي=من فضل ربّي ولـي وقفـات ماتسبّـي
ومن قوّة الشعر كنّي شخـص عبّاسـي=يحق لـي وأفتخـر لـو كنـت متنبّـي
آموت من شان عزّي مانحنـى راسـي=لأنّـي ولـد شيـخ متعلّـم ومتـربّـي
ماني نتيجة ( سفاهه ) في زمن قاسـي=ولاني ضحيّـة هـوى نـاسٍ تلاعبّـي
ماعمر ناس أجبرتني وأترك إحساسـي=وماعمري أجبرت من صدّوا على حبّـي
آضحك مع الناس لحظه وأكتم أنفاسـي=والنار بالشوق وسـط القلـب تشتبّـي
كنّي ومع بحر حزنـي جيـت غطّاسـي=أسبح بحور الفخر ولعينـه أقـرب بـي
محـاور الليـل والآحـلام حسّـاسـي=مصاحب الطيـب لجـل الخالـق ملبّـي
سفينـة الشـوق ودّتنـي لوسواسـي=تغرق بعد ماتهـوّر بـي وتقلـب بـي
لعيون عذراً هدبهـا موطـن إحساسـي=اللـي تفاخـر بنظراتـي وتتعـب بـي
يبقى شموخي لهـا أمّ عيـون نعّاسـي=تغرف بطعم السعد منّـي وتشـرب بـي
ألبس لباس الشـرف وآفصّـل قياسـي=وأصل الشرف كنز وأطربّـه ويطربّـي
ولو رغبتي ماتناسب ( محترم ساسي )=ماهو على الكيف لكن شيء مـن ربّـي
أنـا بـدويٍّ ليـا ماجـازت النـاسـي=شبيـت نـارٍ لهايبهـا تشاعـب بـي
أسلّي النفـس مـع نـاري ومحماسـي=وأطرب لشوف النشامى اللي تصاحب بي
يشوش راسي لهـم ويطيّـر عماسـي=وليـا بـدى لازمـي مانـي بمتغـبّـي
ياهل القلـوب النظيفـه ذاك نوماسـي=ورمز التواضع صفاتي والفخـر طبّـي
أرهقت نفسي طموح ولانقطـع ياسـي=وكم من همومٍ مع الدنيـا تكالـب بـي
أخـذت هيبـة وفـاء وبرقـمٍ قياسـي=ومتابع إحسـاس قلبـي ماتسبّـب بـي
ياللي كفاك الزمن مـن عثربـة كاسـي=تـوّك صغيـر بزمانـك لاتطالـب بـي
والله مارخص لمقـداري ولـو فاسـي=يقطـع عـروق الجفـا ويعافهـم نبّـي
أخذت صيد الحروف وجيـت عسّاسـي=من ورث أبوي وعناوينه تناسـب بـي
ولولا الخطأ والتجارب ينكسـر باسـي=لكن آداريه حتـى الصـح يرحـب بـي
آدوس تحـت قدمـي ذلّـي ولانداسـي=وعدي وعهدي وعز الراس يلعب بـي
(آعيش دايم بطل لـو ينقطـع راسـي)=هذي( خلاصة شجاع ) وناصـره ربّـي
[/poem]
وسلامتكم ..
[/align][/cell][/table1][/align]
