البل X الفقر دراسة تحليليه
وجهة نظر يمكن اكون مصيب في الموضوع
ويمكن اكون مخطىء في الفكره او بعض اجزائها
اتمنى من الله ان اكون اصبت في طرح الموضوع
وان تنال اعجابكم وتصل الى ذائقتكم الراقيه
اقبلوها كما هي
[poem=font="Simplified Arabic,6,royalblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البل تباع وتشترى بالملايين=وطفلً مشرد كيف يلقى طعامه
ياهل العقل وين العقل كيف ومنين= نقود هالعالم ونجني احترامه
البل توك تمر مع دبس وطحين= واما الفقير يموت جوع وصرامه
فقير يتمنى حياة البعارين= يمكن يلاقي في حياته كرامه
قام يتخيل وجهه وسبلته تزين= وخدته تكبر ثم يكبر سنامه
كنا تمنى وننتظر عام الالفين= ياليت متنا قبل عام الندامه
عشنا وشفنا ياهل العرف ثنتين= منها غدا جوي تسوده غمامه
الاوله وين المطر ياعرب وين= تبذير ومهايط تعدى العلامه
الا كل يرمى بالخلا للشياطين= وناسً تجوع وليلها ماتنامه
والثانيه سعر النياق المزايين= غطا على سعر الذهب بالمنامه
من حط له ذود وقصيده وجيبين= اصبح زعيم ويستحق الزعامه
لاكن نوضح ماحصل بين قوسين=( الذيب ذيبً والنعامه نعامه)
من ينفق الاموال دعم المساكين= ربي يبارك له ويغفر اثامه
ومن يهدر الاموال تبذير ياحسين= يلقى عواقبها في يوم القيامه
وختامها صلو على موضح الدين= محمد صلاة الله عليه وسلامه
[/poem]
راشد ابن شهلان
