مثل الجبرتي حاكم اقوى العفاريت
السلام عليكم ورحمة الله وبركاته
كم بيت تعبر عن نفسها
والمعذرره من الجميع
والمدخل يقول على لسان قائله
بعد ان تعرضت للازعاج من قبل صديق نت ابلشني
بالبالتوك مدري اللي وش اسمه
هههههههه
وحبه له ويبيني أقعد معه طول ماهو متواجد
في الرومات المخنزه ودبل كبدي وغثني
وخلبطني وضربت غرابيل على راسي من
بعد العشا الى هذي الدقائق ويالله
لقيت المدخل ألى غرابيل بسبته
واعذروني
هههههههههه
أقول
[poem=font="Arial,6,black,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
ياخوي انا ماني بشاعر بالتوك =والبلتكه مالي بها أدنات داعي
اليا بغيت المرجله عدت للبوك =واليا بغيت الطيب سقت ألا كراعي
هذا الصحيح اللي صراحه وانا أخوك =عليه الارى تتفق بجتماعي
طبعي ماهو بالشعر غامض ومسحوك =وانا بجزل الشعر لي ألــــــــ 1000ـــ ــف داعي
شاعر بنظم الشعر كايد ومصعوك =وبالشعر من أدها دهات السواعي
والشعر عندي له براهين وصكوك =ياطول بين أهل القصيد ارتفاعي
(وربعي سليم) أهل الكرم والوفا أن جوك=أتضيق منهم واسعات المساعي
الوسم واضح لو جماله ترى بروك =أن كان ونك ببخص الوسم واعي
الله يخلف لك على أمك مع ابوك =والله يكرم بالمصافح ذراعي
يبن الحلال أسمع ترى عليك مضحوك=يستر عليك الخالق من الأفاعي.!!
احصى على ممشى رجولك من الشوك =وان منت سبع(ن) رحت عند السباعي
وانا احمد الله بالوفا حسبت أملوك =ياجب عليك بكل درب اتباعي
ماني بقايل ياصحيبي تراى أرجوك = عساك منها تفتكر بي وتاعي
والياوصلت الوجه انشد عن تبوك =واليا جهلته ياحسين الطباعي
وان كان بتساقط لي الرنج ببيوك =ارتاح مع من ياكلون الرقاعي
انا ماني في جزل الاشعار مضنوك =الجو جوي بالقصايد وقاعي
اصف لك عذب الشعر صف داموك =واعطيك من عذب القوافي خناعي
لو كان ماكره ذكر طاريك لا اطروك = اليا بردة ادخل بكم القناعي
انته لك الله شرو صدقان فس بوك = أشوم عنهم من كرامة طباعي
[/poem]
والابيات بما انها مدخل تراجعت بالاحتفاض
لنفسي منها بالكثير والاكثر من 80 بيت
بما انها مدخل
واعذروني على
الاملا والأغلط
ياغرابيل
واقول لكم ول ابو عبدالرحمن
[poem=font="Arial,6,blue,bold,italic" bkcolor="white" bkimage="" border="groove,8,green" type=2 line=0 align=center use=ex num="0,black""]
سلام فوق المنتدى الي لاجيته = لو مامعي له بيت أهجرس ميت بيت
لاتحسبون أني سليت ونسيته =والله مانسى طيبته لو تناسيت
وماني طبيعي ياعرب لانصيته =هذا غرابيل القروم العناتيت
ولاني بصاحي بالقصيد ان سقيته= والله ماتدرون وش فيه حسيت
شيٍ حكيته مبطي وشي سهيته =ونظمي به من أبسط من الشعر موتيت
ولو طول أغيابي جفا ماجفيته=وانا كما غرااابيل ماقد تحليت
أهل القصيد اللي ذعاذيع صيته =مثل الجبرتي حاكم أقوى العفاريت
لاطب فى الشعار راحو عفيته =ساس على ساسٍ مسيس بتثبيت
يبهت خصومه مثل سندى .. البهيته =وانا لك الله مثل شروااه لا جيت
واكبر زناديق الشعر لو لويته=ياويل ويل أبوه لا من .. به ألويت
والله لرده عن مايبغا أن حديته =ولورحه بارود وصعطه حلتيت
واهل الوفا ساقي لهم ما ثنيته = واليا مدح واحد بهم شعري اركيت
في ذمتي لا اثناه لا من حويته= لو كانه من الفقعه أقوى بطل هيت
وبالشعر يبطر شاعر أن ماقويته =مكان انطح شعري أعلا الشخانيت
وطليت شعري بالذهب ثم حشيته=وهجرست لحنه فوق وزنه وجريت
صوتي وانا محمد ولا قد كنيته=ولا قد بضعف الشعر لو يوم لكيت
الله يسعد لي سعد لا بغيته =صبي روق الي بعرفه ماغشيت
لو مالحيا من ضعف شعري خشيته=على جميع أهل القصايد تقيويت
الا على شروى سعد لاطريته =أقول من ضعفي بشعري توهيت
والله لو بلفين بيت أرتقيته =أني ولا كني نظمت أبصـط أبويت
الشعر تبقا زبدته في كويته =وأهل الوفا مايخلفون المواقيت
وعتيبه الهيلا مقره وبيته =بالشعر مافيهم رخوم وسرابيت
ياطول مشواري بهم لو جريته=أيضيق أهجوس وصدور الشماميت
مستور يشهد لي بشعري فديته =راس العصيمي لا نهضت وتعزويت
ويشهد لك الله لي على ماحميته =واليا لفيته ضيف رحب وحييت
وانا حرام اني ماقدني شنيته =وأكبر شرف فالشعر به لو تلاقيت
وحبيب اللي لو ذلق لي جليته =عزالله اني شاعر.. أن عنه هجيت
الداهيه والسارفه من يميته= يالله لاتبلاني به أن جاني أمحيت
ماهو بعيبٍ لا عترفت وهقيته=يهقا اني أكرم لحيتي عن الخثاريت
والمورقي شاعر ليا من قريته =يقدح شرارٍ مثل نار الكباريت
ولا يلحق اونيتي مباري ونيته = لو فوق عزمه عشره أعزوم حطيت
والشعر بعتيبه عموده ثبيته =وأطنابه الروقه ألي ني مازليت
هذا الكلام اللي مفقد نقيته =واخترت لي كم بيت ماهي باتنكيت
وان جها نهار الحرب خصمي قويته=وان ما قويت الخصم طحت وتساويت
والموقف اللي يوجب ان ماحتميته =ماني وانا محمد زعيم الصناتيت
ياحض وش ذنب الفقر لا جنيته =وانا كما شاعر سليم الجباريت
والعرف بسلوم الشعر ماغويته =ون قام حضي سكت أقوى الطواغيت
وانا على القصيا ماعمري كزيته =ولاني بفاضي لا ذوانه ولا افظيت
وسدو القوافي لا تعكرش سديته =لا من تفلت من هجوس الفلاليت
واتقنت حوكه حوك لامن حكيته =واليا تفجرت أخطر من الدناميت
والخصم لا مني نويت احتسيته=والله ليخلط مني الماي والزيت
واليا اختلط وش لي بمايه وزيته =وخرت عنه بسكتي واستمريت
مايفلت الا من هجوس الفليته =اللي بغض عضودهم كا البنانيت
وانا احمد الله من شجاعه عويته =يذوب.. بشعري صخور القرانيت
وصلاة ربي عد من طاف بيته =على رسولٍ بأطيب اسمه تسمويت
وبليس ب الخلاق ربي هبيته =واليا خذلته لي ياربي تهنويت
عليك يارب الخلايق شكيته = يا حي ياقيوم يامحي .. يامميت
[/poem]
وسلامتكم والمعذرره
وبعد كذا المخراج الله يخارج
عزآآآآآآآه ياقلبٍ من الهم مغبون
[poem=font="arial,6,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
عزآآآآه ياقلبٍ من الهم مغبون =عيا يحصل طول عمره مراده
والحض تعبانٍ ومن دون في دون =ماقد رفع لي راسه عن الوساده
حالي على رب الملا خالق الكون =أن كان صاب الحض عقد وقراده
ماني بقايل للمخاليق تكفون =مدام ثلثين البشر به حساده
أقدم بطيبي قدم من هم يصلون=واوخر اهل الدنفسه والفساده
واليا وقفت ابماقفٍ مايصفون =جنبي يكود أهل الوفا والسياده
والشوق للعشاق كايد وملعون =يحوس عقل الادمي خلف عاده
يانعنبو حبٍ على غير مضمون=ماله على قلب المولع جلاده
دام المهر يقرب على ربع مليون=ماني بمتزوج من البيض غاده
ماعندي الا راس ولسان وعيون=وفكرٍ بنظم الشعر مطلق قياده
لو أطلق الشعار لي مايماشون =لاسقت هاجس فكري على انفراده
فالصبح به تفكير الاشراق مشطون=يفزمن حالي ملذت رقاده
وبالظهر من زود الهوى شوق مشحون =والقلب وسط الصدر غادي رماده
ون جا العصير يبيح به كل مكنون =لين يغدي معاد منه أستفاده
يالله تهون حالته لينها تهون =مضاع من يتكل عليك أستناده
مغير من زين الجميلات مجنون =وان شاف له زينٍ تجنن زياده
والمغرب اللي فيه والله يقولون = أحلا بنات الكون زين أوركاده
فيه البنات اللي صراحه يميلون =ويطربون العاشقين بسعاده
ماغيرهن بالحسن والزين لازيون=وفيهن حلا زايد وسكر زياده
يفتن حلاهن شخص ماهو بمفتون =حتى شعيل يميل عنه شداده
وزين وحلا ذالمغربيات مسكون=يهز لا أصلب رجل فيه الصلاده
ويخلي الشايب من الود ممحون =لاشاف ست البيت يطلق زناده
لو كان يعكز له منول على شون =معاد أحد يقوي مبارى طراده
والعلم يهل العرف به وش تقولون =يافالحين الراي ابي سرع افاده
ياللي تعرفون المعاني وتدرون = عين الجراده ليش جنب الجراده
من حكمة الله خالق الكاف والنون =الحنضله ماهي بحلو الزباده
والحب ماهو قول حكي بتلفون =له في قلوب العاشقين أرتعاده
لو سال دمه .. لونه أتقول تريون =ماله ضماد أعلاج ف أكبرعياده
وصلاة ربي عد منهم يحجون =على الرسول اللي نطق بالشهاده
[/poem]
وسلامتكم
