ياصاحبي هل دمع العين من عقب فرقاك
يشـهد الله انك غالي وانا دوم مغــليك
هذي ثلاث أســنين والروح ترجاك
ودي أسعد بشوفتك وأسـلى وأداريك
ودي أغمض وأفتح الــعين وألقاك
ودي ألقاك بحلمي وأسعد لــياليك
ياصاحبي طالت الغيبة وش اللي جاك
هي غلطتي والى القدر أو فعل أياديك
قلي الصراحة تعب قلبي كثر ما ترجاك
خذ ما تبــي وانا أقــول أمر ولبيك
أنا و الليل و نــجومة بنـــستناك
مشتاق لك وانت زايد في تـــغليك
الله يرحم ليــالي مضــت وأياك
يومي خايف تضيع وأنا ماسك يديك
وانت سالي ولاهي وأنا كلي فداك
و بأجمل أسامي الحب دايم أسميك
ياصاحبي عساني ما أسوي سواياك
تبيعني برخيص وبالغالي أشـتريك
ما بي أطول في كلامي ووصف لقياك
ومابي جروح ثانية من مــساعيك
دامه غلاي لميته و رمــيته وراك
عسى الله يحاسبك وأبفعالك يجازيك
