يا عيني اللي نظرها ما يقديني
السلام عليكم ورحمة الله وبركاته
الشاعر حمدان بن محسن المري فقد نعمة البصر
فتمنى ..
وسجل امنياته بقصيدة
اترككم مع القصيدة و نص الأبيات كتابة
YouTube - ‫ظٹط§ ط¹ظٹظ†ظٹ ط§ظ„ظ„ظٹ ظ†ط¸ط±ظ‡ط§ ظ…ط§ ظٹظ‚ط¯ظٹظ†ظٹ‬‎
ياعينـي اللـي نظرهـا مايقدينـي
وجدي على شوفة النجـم اتقدى بـه
وجدي على شوفة العربان ياعينـي
وجدي على شوفة المرقاب وارقى به
وجدي على شوفة صفوف المصليني
وجدي على شوفة القرآن واقرأ بـه
وجدي على شوفة البدو المعشينـي
في خايـع غـب سيلـه ماتثرا بـه
قعدت في البيت كني فيـه مسكينـي
ماعاد عني تغطى الزيـن بحجابـه
كني سجينٍ وراه يصـك بابينـي
غدا نهاري وظلما الليـل متشابـه
حنا برجـا الله عـدال بالموازينـي
نرجي ثوابه وعفوه مالنـا الا بـه
وفيه رد على القصيده ,,
للشآعر : مسعود بن عايض الشلوي
يالله يالله ياللـي تقضـي الديـنـي
يامعطـي العافيـه والـرزق جلابـه
تشفي مريض ٍبيوتـه ولعـن فينـي
ناراً على الوقت طول الوقت شبابـه
مع كبرسنه يعاني من عمى العينـي
مستسلمن للمرض ومنـوخ اركابـه
العافيه مـا يراهـا الا المريضينـي
اللي تزايد عمـاه وكثـرت اسبابـه
لها وساماً على روس الصحيحينـي
يشوفها اللي مرض تاجاً على اصحابه
وتـاج البصـر مايقـدر بالملايينـي
نعمه مـن الله وحكـم الله نرضى بـه
وصلوا على اللي للامه بين الدّينِ
عداد من حـج بيـت الله وصلى بـه
