يازين ياراع العيون الوسيعه
[align=center]قصيدة متواضعه اتمنى ان ترتقى الى ذائقكم [/align].
.
[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يازين ياراع العيون الوسيعه = انا وقلبي كلنا من فداياك
انته مثيلك نشريه مانبيعه = لو زادت اثمانك ترانا شريناك
الزين واجد فوق الارض الوسيعه = لاشك زينك فاق هذا وهذاك
خدك كما برقن تزاود لميعه = سبحان من صور جمالك وسواك
فيك الحياء فوق الطخامه طبيعه = سجيتن ضميتها مع سجاياك
بالمختصر شرواك حاجه فضيعه = امحوطن بالزين منا ومناك
راع العذل في عشرتك مانطيعه = بك يالغلا ماطيع هذا ولا ذاك
تعال يازهر الفؤاد وربيعه = لولاك مصبر كل هالصبر لولاك [/poem]
[align=center]ناصر الذرفي [/align]
