خلاص انس الغرام

[align=center]

أتقدم بالشكر للأخ الشاعر محمد بن دحيلان .. على أهدائه لي ليلة أمس بيتين من الشعر .. أثارة قريحتي .. بجزالتها ..

[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
خلاص انس الغرام وكل ماضينا انا وياك=وحتى الذكريات ارجوك لاتطري على بالك
يجي لك يوم ياقاسي على حبي تعض شفاك = وتسرح مثل ماتسرح عيون الخلق في شالك [/poem]

وتواصلت معها بهذه القصيدة وأتمنى من الله القبول .. [/align]




[poem=font="Simplified Arabic,4,#000000,normal,normal" bkcolor="" bkImage="" sdImage="" border="double,4,#000000," type=2 line=1 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]

خلاص انس الغرام وكل ماضينا انا وياك=وحتى الذكريات ارجوك لاتطري على بالك
يجي لك يوم ياقاسي على حبي تعض شفاك = وتسرح مثل ماتسرح عيون الخلق في شالك
تعبت أداري الصحبه تعبت أدمح كثير خطاك=عجزت أتحملك تخطي وتعذر دايم(ن) حالك
كتب ربي علي أشقى بقربك وأبلع الأشواك=كتب لي عيشة(ن) ضنكه وانا يا صاحبي جالك
مسامح .. وأبعدي عني طلبتك بالذي سواك=انا مالي بعيشة هم تحتاله ويحتالك
وش اللي حدني صوبك وش اللي حدني لرضاك=دامك ما تراعيني .. وتسمع قول عذالك
نصحتك ماقبلت النصح عقلك زاد في بلواك=طلبتك تبعدي عني وفال الله ولا فالك
ولا يا صاحبي بدري .. تذل القلب لو يهواك=أذله وأقتله بيدي .. ولا تقتله بشمالك
انا ما الوم من حبك والومه يوم جاء واعطاك=من وقته وتفكيره ومن شعره تغنالك


وسلامتكم

محمد الأسمري[/poem]

وش اللي حدني صوبك وش اللي حدني لرضاك
................. دامك ما تراعيني .. وتسمع قول عذالك



*

*

انا ما الوم من حبك والومه يوم جاء واعطاك
................... من وقته وتفكيره ومن شعره تغنالك


الله عليك يامحمد الاسمري

صح قلبك وفكرك

والله يجزي ابومطلق خير يوم اهداك هالبيتين اللي كانت سبب بامتاعنا بهذه الدرة


تحية محبه واعجاب اخي

ياسلا11م عليك يامحمد

تعاون بين قطبين الشعر في غرابيل

ينتج عنه در تستحق القرأه لأنها صيغت بماء الذهب


يجي لك يوم ياقاسي على حبي تعض شفاك
...............................................و� �سرح مثل ماتسرح عيون الخلق في شالك


ولا يا صاحبي بدري .. تذل القلب لو يهواك
.................................................� �ذله وأقتله بيدي .. ولا تقتله بشمالك


صح الله لسانك يامحمد

ولا يا صاحبي بدري .. تذل القلب لو يهواك
أذله وأقتله بيدي .. ولا تقتله بشمالك
انا ما الوم من حبك والومه يوم جاء واعطاك
من وقته وتفكيره ومن شعره تغنالك

الله الله الله يالاسمري

ابيات عانقت سماء الابداع وشموووخ رااائع

صححححح قلبك

أبيات رائعه .تحمل مضمون ..

لقلب شامخ ..ومشاعر متألمه

تفنن واضح في استخدام المفرده ..

بساطه في وقار .. وسهوله في غنى ..


محمد الأسمري ...دمت لشعر


لك تقديري ......أختك ضيم

نصحتك ماقبلت النصح عقلك زاد في بلواك ____ طلبتك تبعدي عني وفال الله ولا فالك

صح السانك يامحمد

محمد صح لسانك أخوي

قصيده أكثر من رائعه

سلمت لنا دوماً بنبضك الرائع

تحيه عطره

محمد

محمد الاسمري


صح لسانك

قصيدة ابدعتها تصويرك الجميل

وفكرك الاجمل

سجل اعجبابي بك دائماً

اخوك


السياسي

[align=center]الاسمري العزيز

ماتعسرك يالقرم


بارك الله بمن اثارك يابعدي

دمت والف تحيه


شقران[/align]

صح بدنك أخوي عشق ..

لاهنت يالنشمي .

مرورك كبير يالقرم

لك كل الود والتقدير

أخك محمد الأسمري

عذب الأوهام

صح بدنك ولاهنت على المرور

سلمت يالنشمي

ودمت بخير

الأخت الكريمة

الشاعرة طيف الوله

صح بدنك ولاهنتي ..

مرورك مشرف .. يالغالية .

والروعه .. في ما خطته يمناك

شاكر هالطله

ولك كل التقدير

أخوك محمد

الأخت ضيم .. صح بدنك

والله يبعد عنا وعنك وعن الجميع

مرورك زاد القصيدة نور وانا اخوك

لاهنتي يالنشمية..

تقبلي كل الشكر والتقدير

اخوك محمد الأسمري

بين عملاقين في الشعر

بين

محمد>>>>>>>و<<<<<<<<<محمد


ما لك إلا ان تقرأ وتتعلم بل وتعلم أن للشعر دكاترة






اخوكم /
غرب

[align=center]
لمعانقة التميز بين محمد و محمد

بداها بن دحيلان وانهاها الاسمري

جميل ان نقرأ مثل هذه القصائد الجزله

ونستمتع بحروفها الجميله والسلسه

صح لسااااانك يالاسمري والسااان بن دحيلان

ولكم كل الود والاحترااااااام،،،،،،،،



الوااااااااثق،،،،،،،،،[/align]