مال الشدايد غير شجعان وفهود

[poem=font="arial,6,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
ياصاحبي مافوق شرواك من زود =وانا على شرواك ماني بزايد
وشرواك نغنم منه الطيب والفود =ياراس مال الشعر واغلا الفوايد
يوم ان غيرك ماكسب طيبت الجود = لاهو مفارقنا ولا هو بهايد
انصامخه بالشعر كل يوم ويعود =قلبه مسود من خباثه وجايد
وعد الرها من ساير الناس مورود =من سالف ايام السنين المدايد
والنصر من رب المخاليق ماعود=وانا اعتزي بالله بوقت الشدايد
مال الشدايد غير شجعان وفهود =تثبت على وزن الحن يالقصايد
شرواك ياذيبٍ ونمرٍ ونمرود =زايد وأمتغلب على كل كايد
مبني على سيسان من طيبت أجدود =ماهو من عيال الرخوم البلايد
ماهو بفعله بين الجواد مجحود =ولا تروح فعول مجده جحايد
واللي له اعلا الروس خضيع وسجود =اني مايلحق نظم شعري نقايد
وانا بشعري ماعملت اي مجهود = والا مديني في سما الشعر رايد
حضي بجزل الشعر ياخوك مقرود =وانا التهب بالشعر نار واقايد
ولا كتبت الشعر طمعان بنقود =راضي بما ربي قسم لي ورايد
من لابةٍ بالشعر شجعان وأسود =ننظم بعذب الشعر جزل الفرايد
ماياقف بوجه المدافع هل أفرود =لاجا نهارٍ فيه حرب ومزايد
وسليم ربعي ماهم الحوج وزيود= فينا حكيم وذرب واخير قايد
وحبل الرجا بين المحبين ممدود =والخلق لهم سلوم والهم عوايد
مامديني احصرها لك بعد وحدود =عنها استخير الله ربي محايد
اليا نزل شعر العرب شعري اصعود=من صوغ فكري ما كسبته رفايد
واليانقص شعر العرب شعري بزود=ارهق هجوسي بالسهر والسهايد
وانا اشهد اني باجزل الشعر صاهود =شادوبي العتبان وألاد زايد
واطربت من شعري لا غضات النهود =ولاني بعد مدح الجميلات هايد
يادين ربي لا تذكرت لا خلود =اخلد بجزل الشعر كلي خلايد
واسيل ادموع القصايد على خدود =من هو قراء شعري بصابون تايد
واليا بغيتوني بالاشعار موجود =البس أعناق النشايد قلايد
ماشلت هم الدرب لو كان مقعود =مدام نار الشعر ماهي خمايد
وانا احمد الله قد ماقلت وقدود =واعوذ بسمه من دروب الفسايد
وبليس دربه بين الخيار مسدود = لعل عينه لا العمى والسدايد
وكل ذو نعمه من الخير محسود =يالله تكافينا عيون الحسايد
وعذر ياخوك محمد اخوك محمود =مايلبس من الشعر له ثوب بايد
وصلو على رسولنا قيام وأقعود=والعذر منكم ياوساع البنايد [/poem]

وسلامتك