(((تفخر بكم شمّر)))000رثاء في طلال الرشيد
السلام عليكم ورحمة الله وبركاته
هذه القصيده كتبتها رثاء في ابو نواف رحمه الله
لما أجده في هذا الرجل من أخلاق عاليه وصفات حميده
وبصراحه تعجز الكلمات عن مدحه
فهو فقيده على الجميع
فانشدت هذه الابيات من مابداخلي في وقت وفاته
ونشرتها في مجلة فواصل
والسموحه على التأخير,,,,
[poem=font="Simplified Arabic,4,white,normal,normal" bkcolor="black" bkimage="backgrounds/22.gif" border="ridge,10,gray" type=1 line=1 align=center use=ex num="0,black"]
مرحوم ياللي مات غدرا بالأكمان=يابن الرشيد اللي تعدد فعوله
حرن ولد حر مدرب كحيلان=والموت حق وكل شخص(ن) يطوله
قصتك ماتنسى تدون بديوان=يشهد لك التاريخ عرضه وطوله
خانوك ضعفان للأنفس والايمان=ماهم بقد(ن) له ولاهم بحوله
متخبيين بالغداري والأكمان=والا أنت ساري كل فعلك رجوله
صيتك مثل جدّك ولو كان ماكان=آل الرشيد اليا حضر ياقفوله
تفخر بكم شمر على مر الأزمان= أمير أبا عن جد كل يقوله
ماهمكم في مجلس(ن) وسط بستان=حر(ن) تجول البيد والصقر حوله
قصة فواصل عنك تشرى بالأثمان=موت الشجاع وموت مثلك بطوله
مير العوض نواف من عقب حوران= واليا كبر عبد العزيز افرحوا له
مامات من خلّف عيال(ن) وشجعان= يبقى طلال أسمك وهم يعتزوله
ويعجبني اللي يفعل الطيب بأحسان=في أبن الرشيد الشعر غصبن نقوله
والمعذره قصرت ياذرب الأيمان= في وصف امير(ن) كل شمر بكو له[/poem]
تحياتي لكم
:smile:
شيخ الشباب
