.:(.؛: رحـــــلـــــة ذهــــــــاب :؛.):.
[poem=font="Simplified Arabic,6,sienna,bold,normal" bkcolor="white" bkimage="" border="double,4,darkred" type=2 line=0 align=center use=ex num="0,black""]
انتهى وقت الخيال وجات حزات القصيد = ياهجوسي رافقيني والعمر رحلة ذهاب
الخيال اصبح حقيقه والحزن امسى سعيد = وانقضى نص الطريق ونص باقي فـ.السراب
والغموض الي لبس له ثوب هم وثوب عيد = انتحر همه ومات وكان عيده في غياب
والسكون الي تشكل شكل صمت وشكل كيد = شابت عيون الحقايق واختلف طبع الصواب
القصيده مثل طفله كلها حسٍ جديد = واحتظنها قلب شاعر من بعد شوق وعتاب
القصيده مثل ريحٍ هبت بوقتٍ رغيد = من تنفسها بعقله زادته حس الخطاب
القصيده هي رسالها شالها راع البريد = كل من جاته قراها ويتأمل فـ.الكتاب
القصيده مثل سيفٍ كان صنعه من حديد = يذبح القلب المعنى من بعد هم وعذاب
يا جماهير القصيد وكل من شال النشيد = ابتلشنا في زمنا والزمن اصبح عجاب
ان فعلنا الطيب رضوه قالو اصلا ما يفيد = وان طلبنا الناس فزعه ما لنا غير التراب
يا زمنا وش جرابك كل ما فينا يعيد = من هو فينا الي تبدل.؟ من هو فيه الظن خاب.؟
من هو فينا الي تغاضى.؟ من هو فينا الي عنيد.؟ = من تنازل عن حقوقه.؟ من طلب فوق النصاب.؟
يا دموع الشعر هلي وامطري قلبي قصيد = قلب شاعر من همومه كل حسٍ فيه شاب
شيبت قلبي نصيحه كلها قولٍ فريد = جاتني من شخص غالي مالقى غير الثواب
" ان سلكت الطيب ( درب ٍ ) لا تناظر للضديد = وان عشقت الجزل ( قول ٍ ) لا تحرى للجواب
وان بغيت النعم ( وصف ٍ ) في زمن طبعه شديد = بد غيرك قبل نفسك هذا هو فعل الصواب"
وابتدى وقت الخيال وراح وقتك يا قصيد = انقضى كل الطريق الي يودي للسراب
[/poem]
