ماينْوخذ غصب(ن) بيرجع بقوه ** مالي عذر باللي تمده يديه
بسم الله الرحمن الرحيم
السلام عليكم ورحمة الله وبركاته
أرجوا من الله أن تحوز على قبولكم واستحسانكم
و هي من جديدي
هاج البحر بالموج عالي بنوه
،،،،،،،،،،،،،،،،، ما كنْتَ اظُنّ الْبحْـر يقلب عليه
أثْر البحر غدار ماله مروه
،،،،،،،،،،،،،،،،، ويْبادل الإحْسان مني بسيه
ماينْوخذ غصب ٍ بيرجع بقوه
،،،،،،،،،،،،،،،،، مالي عذر باللي تمده يديه
ياكيف انا سلمت قلبي عدوه
،،،،،،،،،،،،،،،،، يا هي صعيبه ردتي للعطيه
عـقــّدْتني ماعدتّ اثِقْ بايّ خوه
،،،،،،،،،،،،،،،،، شكّــكْـــتني في كل من حاوليه
شوف الأملْ بي كاسف ٍ نور ضوه
،،،،،،،،،،،،،،،،، عز الله اني مبتلش لي بليه
سوْ ما بَدَالك بي يا صاح سوه
،،،،،،،،،،،،،،،،، ماتْضر كيّه بين كيّه وكيه
عذّبْ لقلبي واعصره ثمّ لوه
،،،،،،،،،،،،،،،،، والروح جاتك بعد قلبي هديه
حبك ترعرع داخل القلب جوه
،،،،،،،،،،،،،،،،، يا خي حرام اللي تسويه فيه
الشكر موصول لك يا معاند الحرف
