فرصة لمزّ سيجارة ....

[align=center]هاك اليوم كان فيه عزيمة عندنا في البيت , ولأن الوالد الله يحفظه يحاول يحتك بحاتم الطائي فكان هالشي ( العزايم ) طبيعية وماهيب غريبة وكان البيت غالبا مايكون مليان رجال وحريم وبزراين في الحوش والشارع يتحرشون بخلق الله مما أدى إلى أننا نكون منبوذين في الحارة بسبب شي ماسويناه حنا

المهم في أحد هالعزايم وبينما أنا ناقز أجيب الشاهي والقهوة لأنه مافيه غيري يخدم مع العلم بإن عندي أخوان أصغر مني لكن عذرهم الحياء وإن يديهم ترجف أثناء صب القهوة ..... ألقى نفسي مظطر دائما إني اكون أنا الصباب

نقزت للمطبخ ودرعمت بسرعة على أساس إنه مافيه إلا الشغالات وفجأة وأنا أفتح الباب صدمت في شي لين ..... أثرها بنية تعطيها من 20 وأنت نازل ... البنت مسكينه طاحت على الأرض وانا مبلم ماادري وش السالفة ومتفاجئ ....

وسلهمت فيها شوي خلال هاللحظات البسيطة اللي بين طيحتها وقومتها .....

البنت قامت بسرعة ولملمت عمرها وطلعت بسرعة وانا واقف وفاق الخشة , ولكني تذكرت إنه موب وقت خقخقه لأن الوالد لو تأخرت شوي بيجي ويفرشني هنا ...

أخذت القهوة والشاهي ورحت بسرعه ....

تعومست وضاعت علومي وكانت أكبر نكبة في حياتي المهنية المليئة بصب القهوة والشاهي وفشل ذريع لي لأني مابقى أحد مادفقت الشاهي على يده وإلا ثوبه وإلا طاح عقالي بحجره ... يعني انواع اللخبطة ....

خلصت العزيمة ونقزت لأمي ابنشدها عن ذا البنية ...

ولقيتها تبادرني بقولها : ياوليدي وراك الله يهديك مطفوق تسذا كم مره قايلتن لك ترفق ..
قلت لها : وش أنا مسوي يمه
قالت : اللحين ربى بنت خالك فهد ماتهنت بالعزيمة ولاسولفت مع البنات ابد
قلت : وش ربى ؟
قالت : بنت خالك , جت لأمها خايفة وتوزت وراها وساعة لين طاعت تعلم وش فيها ولاقامت من عند امها ابد , وآخرتها عرفنا إنك صادمها في المطبخ
قلت : يمه اول شي مادريت عنها انا درعمت بسرعة لكن لحظة اللحين ربى ذي قبل كم سنه كانت صغيرة وش خلاها تسذا ماشاء الله تبارك الله
قالت أمي : اقول اها بس الخلا


رحت فيها انا بس ماسميت نفسي رايح فيها

المهم دخلت البنية قلبي وماادري ليه صرت افكر فيها كثير يمكن عشان المثل يقول : الحب من أول صدمه ؟ ... ماأدري ...

المهم إني حبيتها وحاولت اعرف رأيها فيني ..... وخبركم حنا يالشباب اهم شي عندنا رأي البنات فينا
لو مانشتغل ولا ندرس ولا نزين اي شي مقابل ان بنت تعجب فيك

تذكرت ان اخوها ناصر معي بالماسنجر قلت بس ..... وانقز لناصر وافك الحظر عنه واسولف انا وياه وهو الله يصلحه ماصل بس وش نسوي لجل الورد يتسقي العليق << ماودك يقول أمثال أبد

اخذت لي أيام أسولف مع ناصر وانشده احاول اجس نبضه بس ماش ماهنا أي فهم من طرفه مهنق الله يصلحه ومره من المرات كنت توني داخل الماسنجر والقاه موجود وأسولف انا وياه وماش الولد متثقيل مدري وش جايه مارد علي الا بالسلام وطلع .. زقت معي بغيت العن خيره .. شوي وويدخل مره ثانيه وانا اهاوشه قبست معي منه ...

قال هو إنه موب هو اللي كان على الجهاز وإنه ماسنجره يفتح أتوماتيكيا اول مايشتغل الجهاز وإنها أخته ربى ..

يوم سعبلت انا من زود الخقه عرفت إن البنت تخصص سعبلة ومعها شهادة بتخقيقي .....


قمت وقلت له بسرعه : شف ياناصرأنت عارف إن الرجال ماله في هالدنيا إلا العمل الصالح والستر و انت خابر هالشي وماشاء الله كلها كم سنه وتتخرج كم سادس وتروح أولى متوسط

قام وقال لي بدون سابق إنذار : شف هالموقع فيه ألعاب خطيرة ....

قمت وحظرته وحذف على طول ..... واللحين انا احاول القى أي طريقة عشان اعرف راي ربى قبل ماأتقدم لها

وأنا الآن في فرصة لمزّ سيجارة بإنتظار إقتراحاتكم وش أسوي عشان أعرف رأيها فيني ومدى قبولها لي :) [/align]

[align=center]هلا والله وغلا

اخوي المنقهر

موضوع والله يستاهل الدراسه

وهذا جيتك

وابي اعطيك رأيي


روح لأمك
ياطويل العمر

وقلها انا ابي البنت
وخل الدعوى تكون من تحت لتحت
يعني ((الشيبان))

مايكون عندهم خبر مع اخوها ناصر هذا

وراح تشوف النتجيه

انا مجربها وميه ميه
ماشيه معي
هالحركه من سنين

ومثل ما قلت لك

بس هاللي قاهرني يالمنقهر

.. زقت معي بغيت العن خيره ..
.. زقت معي بغيت العن خيره ..
.. زقت معي بغيت العن خيره ..
.. زقت معي بغيت العن خيره ..
.. زقت معي بغيت العن خيره ..

ولك كل الشكر والتقدير عالموضوع

والدعوى مزوح حبيب قلبي

أخوك الذي لم تلده امك
help[/align]

ههههههههههههههههههههههههه هههههه


مثل ماقال help



رح لامك


واذا مانفع خلص باكيت الدخان كله هههههههههههههههههههههههه


صي يوووو

فعلا مشكله عويصه

انا من رأيي انك تروح لم بيتهم وتسوي نفسك الهندي حق البقاله جاي توصل طلبات بس تاكد انه مافي البيت الا هي وامها العجوز العميانه اللي ماتحرز تفتح الباب الا بعد ماتصقع في الجدران 3000000000 مررررره


واسالها بكل احترام وقلها الحساب من فضلك

المنقهر
والله من طول الموضوع
خخخخخخخخخخخخخخخخخخخخ
تقدم وماجاك علي
<<<<< راعي نكبات


مشكور اخوي المنقهر على الموضوع

هجوووووووووله