بسم الله الرحمن الرحيم
راقبي ياعين مغزاء بعـد مغـزاء
والحذر لايدرك المضمون غـازي
كل عابث في هواء لحباب يجـزاء
كيف ماتبغيـن لاماطـاع جـازي
الخطوط الحمر للعشـاق مـرزاء
والسلوم الطيبـه تبقـى مـرازي
للعول ذي يفرزون الهرج فـرزاء
ون قد اتعنـو يجيبوهـا محـازي
سعدقلبي يوم انا مخلـوق يخـزاء
من هواء ذي تجعل الرجال خازي
ماقنصـت الاشواردفكـر فـلـزاء
نادرات الزين فلـزات الشـوازي
طلعهن مافيه غير الجـود يبـزاء
وعقدهن منظوم من فكر احترازي
للهواء فيهن مكان بدون مهـزاء
ماتزعزعهن هوازيـز الهـزازي
معطيات ويقفزن للغصـن قفـزاء
وماخذات ويقبلن حتـى التعـازي
والله اني ماعطيت الحـب قـرزاء
ولاجهزت الذاحله داخـل جهـازي
خوف لايصبح علي مخلوق يكزاء
ينحزافوادي وهو شبـه انحيـازي
من زماني كان بي فالقلب وخـزاء
وكان قلبي اب للضيقـات بـازي
كان مثل الذيب لاكن بين معـزاء
مانظر فيهـن ولاراحـن فـزازي
واشتبا ياعمر بهز الكبـر بهـزاء
خذنصيحه لك من الرؤس الشعازي
صن لسانك لايكن في يوم شعزاء
يخذلك في نجد ولا في الحجـازي
والخطوط الحمر لاسجيت مـرزاء
لاتجاوزهن وتصبح في احتجـازي
والكلام الزين جازه زيـن تجـزاء
والكلام الشين احذر بـه تجـازي
