وبعد مزاعق الغوريلا قال أبو ضروس \\ يا بندر فيه طريق آآمن ويبعدنا عن عيون الغوريلا ..
بندر \\ أنا مابغى أبعد عن عيون الغوريلا يا أبو ضروس .
أبو ضروس \\ وليه .
أبو عرادة \\ يا نشبتنا من هالورع شكله يبيني أبلعه وأنحاش بيضيعنا قدام الغوريلا .
بندر \\ يا صدقيني هذا شفته في الفلم يساعد البنت ويقتل الديناصورات علشانها . يعني طيب ..
أبو ضروس \\ والله ليتمزمز عليك .
أبو عراده \\ وبعدين طيبته كانت قدام الكاميرا وهاذيك بنت حلوه أما أنت يالجيكر بيفك علي حتى الجرابيع تآكلك .
بندر \\ أستودع بنا الله يا أبو عرادة .
أبو ضروس \\ أنت ألي فيك حاجة من ثنتين يا شجاع ونفرح بك .. وإلا خبل وبتضيعنا .
ورآح نمشي ورآآآآك للأآخر .
,,,
,,,
جد بندر مالقي أحد يخاويه للغابه كلهم خايفين من الموت ..
عمدة البلدة \\ يا محماس الولد رآح رآح وضيع نفسه بنفسه صل عليه صلاة الميت وأرجع بيتك .
محماس \\ فالك ما قبلناه يا عمدة الرخامة .. أنا بأروح إلحالي وأنتم الله لا يردكم .
عمدة البلدة \\ أجل بنصلي عليكم صلاة الغايب أنت وياه إن مارجعتم بعد يومين .
محماس\\ أيه هذا الي أنت فالح فيه يا الرخمه .
( أستعنا على الشقا بالله )
ورآح جد بندر يمشي أتجاة الجبال الشمالية وكل أمانيه إنه يلاقي بندر حي ويعلقه سنه في الشجره ويأدبه ,
,,
بندر \\ تعبنا من المشي يا أصحابي .. وش رأيكم نآخذ قسط من الرآحة .
أبو عرادة \\ لا لا يا بندر خلنا نبعد من هذا المكان أكثر ونكون في مكان مفتوح .
بندر \\ ما عاد أقدر أمشي .
أبو ضروس \\تحمل كلها ساعه ونوصل المكان الي نريح فيه .
بندر \\ شايفني أمشي على أربع مثلك انت ووجهك .
أبو ضروس \\ وش فيهم الي يمشون على أربع يا آدمي يا معفن .
بندر \\ لا تغلط ثم أكسر ضروسك .
أبو ضروس يزأر ويرفع صوته \\ من الي بيكسر ضروس يا ورع .
أبو عرادة \\ خلاص خلاص لا تسببون لنا مشكله .. خلاااص .
بندر يلتقط عصا من الأرض \\ تعال إن كان في أمك خير والله لأفقع وجعك وأمعط شوشتك .
أبو عرادة \\ بندر خلك أنت العاقل .
أبو ضروس \\ أبو عرادة فكني عليه آكله هذا زودها على قد ماهو مسبب لنا مشكله ألحين أنت وياه .
أبو عرادة \\ يا أبو ضروس أهجد ..
( ثم قامت موجة من الغضب بيننا يالثلاثة وأرتفع الصوت وبعدها طلع علينا الغوريلا العملاق ( هونج بونج ) .. )
آآآآآآآآآآآآآآآآآآآآآآآآآ آآآآع .. آآآآآآآآآآآآآآآآآآآآآآآآآ آآآآع
وجبه حلوه ثلاثة فطائر بالدم ميه ميه ..
بندر مبهوراً \\ هونج بونج ؟ تشوفونه يا صدقيني .. أبو عرادة .. أبو ضرووس وينكم مالكم نفس ,
( يلتفت بندر ما يلاقي أحد جنبه قد أنحاشوا الأسود .) وكانت شنطة بندر معلقة على رقبة الأسد أبو عرادة .
بندر \\ الله لا يوفقكم يا الجاحدين أنحشتوا وخليتوني حتى بدون عزبتي هه تفكيره في بطنه
النحشه النحشه ..
ويركض بندر وخلفه الغوريلا يكسر الأشجار ويطارد .
وبعد مطاردة قوية وما خلا هالغوريلا الشين شجرة في الغابه إلا ونتف أمها تنتيف ..
لقيت مغاره صغيره وأدخل فيها بسرعه .
وصار يصايح ويبي يكسر الجبل الي أنا دخلت في مغارته .
قلت لازم أكلمه يمكن هو بعد يتخاطب معي .
بندر \\ يا هونج بونج أنا صديقك أنا صديقك لا تقتلني .
هونج بونج يقرب راسه من فتحة المغاره وكأنه يبغى يستمع . بس ما رد علي .
بندر \\ تصدق عاد عادي لو أنقتل أنا أصلا كرهت هالحياة .
لي يومين ألحين في الغابه وكل شوي يقابلني وحش وبفضل الله ألاقي طريقة وأفر منها .
بس كذا مشكله كل شوي وحش كل شوي وحش هذا نذير أني ميت ميت لا محاله .
( هونج بونج يقرب أكثر من المغاره ) ويجلس جنب الفتحه جلسة الي يبي يستمع )
بندر \\ أنا جيت علشان حبيبتي عمشا حبيتها وابوها رفضني علشان مشاكله مع جدي ,
وبعد ما ألحينا علينا قال أنا شفائي من عشبه بعد الله في الجبال الشمالية وأعتبره مهر عمشا ..
وشكله الشايب العفن يبي الفكه مني علشان يرميني بين أنيابكم ويبعدني عن عمشا وينتقم من جدي .
جدي آآآه ياجدي وش مسوي ألحين أكيد إنه زعلان علي وإنه قلقان أخطيت كثير إني ما علمته وين أنا رايح .
( وبديت أقص قصة حياتي من أولها لهونج بونج وهو يتسمع ووقف عن أي حركة وأنبطح على بطنه
كأنه ورع جالس يتابع سبيستون )
وفي آخر الليل حسيت بالعطش والجوع ..
لقيت هونج بونج مقرب مني حجر فيه مويه وفاكهه !!
عرفت إنه حن علي .. وطلعت له .. وأكلت وأنا جنبه وهو ما يطالعني ونظراته بعيده عني ..
بندر \\ أنت الي جبت الأكل يا هونج ؟
( نظر لي نظره وبعدين ألتفت بعيد عني )
بندر \\ شكرا لك .
( بعد ماشبعت من الأكل نزل كفه لي يعني أركب على يدي )
ركبت على كفه وطلعني فوق كتفه ومشى فيني . متجه للجبال .
عرفت إنه يبي يساعدني يا حليله ...
,,,
,,,
جدي دخل الغابه في الليل وفي الصباح وهو يمشي في الغابه سمع زمجرة الأسود وعمر سلاحة ..
وأتجه يم الصوت ,,, ولقاهم أسود كثيره ومنهم واحد على رقبته شنطتي .
أنتثرت دموعه على طول وصااااح وقام يرمي عليهم الرصاص .. وقتل منهم كثير حتى أبو عرادة المسكين
الي معه شنطتي ..
وأخذ الشنطة ويشم ثيابي .. وقعد يبكي .. وتأكد مليون % إني قد لاقيت حتفي ..
,,
,,
فآصل إعلاني
,,
,,
سمن أم حبيليص لا يعلى عليه..
سمن أم حبيليص يعالج البرص .. والمغص ,,
سمن أم حبيليص زوج نص بنات الحته ..
بتسألون ليه أقولكم ليه \\ لأنهم يحطونه على الشعر والوجه والركب .. فيخرجن كأنهن لبنانيات .
سمن أم حبيليص حاصل على جائزة الأوسكار من نوبل 1770 م .
...
...
...
نعود للحلقة الثامنة من مسلسل حبيبتي عمشا
جدي قعد يبكي وطلع من الغابه حزين جداً . ويقول يا بندر ضعت يا بندر ضعت ..
حسبي الله على عمشا وأبوها حسبي الله على عمشا وأبوها ..
,,
,,
,,
( بندر قاعد يهذر على هونج بونج في الطريق والغوريلا ساكت ما يتكلم بس يسمع ويمشي وسط أودية الجبال )
وهونج بونج قرف بندر كل ما وصلوا مكان لازم يقتل فيها كائن حي .. ويأكله ..
ويعطي بندر قطعه منها ويرفضها بندر لأنها دم و يطلع من جيبه فاكهة ويأكل .
ووصل بندر لقمة الجبل بمساعدة هونج بونج ولقى العشبة ذات الزهر الأصفر وقطف منها هونج بونج كثير ..
ورجع مع طريقه يبغا يوصلني لمكان آمن وأرجع لأهلي ..
,,,,
جدي رجع للبلدة أعلن موتي وصلوا علي صلاة الغائب وبعدها أتجه لبيت عمشا وأبوها وبندقه في يده ويتبعونه
رجال البلدة يقولون أستهدي بالله يا محماس .. وجدي يقول أنا قاتله قاتله الي ما يخاف الله ..
يرسل بندر الطيب لموته .. والله لأخليه يلحقه .. والرجال كلهم يطاردون محماس ويحاولون يثنونه عن رأيه بقتل
أبو عمشا .
وصلوا بيت عمشا .. وهي تناظرهم مع الدريشة ..
محماس يصايح \\ يا خااااااااااتم الخاين . يا خاااااااااااااااااااااتم اللعين .. أطلع إذا فيك خير .
( أبو عمشا أخذ بندقيته ويبي يخرج وعمشا تحاول منعه وتصيح عليه )
محماس \\ أطلع والله لأقتلك زي ما قلت ولدي بندر بندر مااااااااااااات بسببك أنت وبنتك .
( هنا صاب أبو عمشا الذهول وكأنه صحى من النوم ... عمشا أنهارت وتبكي ذبحته يا أبوي ذبحته يا أبوي )
ورفض يطلع أبو عمشا لأنه عرف لو طلع بينقتل ..
وبعدها رجال البلدة سحبوا جدي لبيته وقعدوا يهدون فيه .
..
..
..
إلى اللقاء في الحلقة القادمة
