على الله يا....زمن..!!

على الله يازمن بشكي جروحي والليالي طـوال
عسى راعي العنا ينسى عناه وينشرح صـدره
.

على الله يازمن بشكي همومي و(الهموم جبال)
تعدّت عاصمة حزنـي حـدود العالـم بأسـره
.

خساره يالسنين اللـي كتبتـي سيـرة الرحـال
فرحت أمس وحزنت اليوم بس الخوف من بكره
.

لساني كم (شكى صمته) والى منّه حكى ماقـال
طغى (طبع السكوت) بسيرة المحروم من صغره
.

سقى الله يوم كنت اضحك وبالي مستريح البـال
ضحوكٍ ماعرفت الحزن وش معناه وش قـدره
.

وكبرت وكبرت أحلامي وصارت قصة الترحـال
أماني في مهب الريح وحلـمٍ (ماكتمـل) بـدره
.

بعذر اللي مع أيامه جلس (يبكي) على الاطـلال
تذكر ماضي أفراحـه اليـن (خنقتـه العبـره)
.

عزيزه يالعيون اللي حضنتي (دمعـة) الرجّـال
حبستي دمعته بين المحاجر يوم (ضاع) امـره
.

عزيزه يالحروف اللي (سكتي) والكـلام يقـال
حكيتي.. (ماشكيتي) الهمّ وهمّ القلب (ياكبـره)
.

عزيزه ياليدين اللي ثنيتك (باصعـب) الاحـوال
اكفّك ساعة الحاجـه وامـدّك ساعـة القـدره
.

وعزيز النفس لو يصبر على (صبر) الليالي نال
ابصبر والرجل يصبر ومقياس الرجـل صبـره
.

انا منهو (حمل همّه على راسه) تقـول عقـال
مجاديف الزمن (دارت عليه) ونَسّـف الغتـره
.

وانا منهو فقد صوته وبعض الصوت به مـازال
دعيـت الله يفرّجهـا علـيّ (وبحَّـت النبـره)
.

أشيل الحمل عن غيري وحملي صار (ما ينشال)
كما الشيخ الهزيل اللي مشيبه (منقضٍ ظهـره)
.

(جروحي مزنةٍ ) منها هطل فيض الشعر همّال
سقت جدب العروق اللي تبلـل ريقهـا قطـره
.

وعن (حر الزمن) صارت حروفي للجروح ظلال
تذرّت عن (هبوب الياس) حلمٍ قد بنـى قصـره
.

عساها للمطر روحٍ بها وادي (الظما) ماسـال
عروق سنينها جفّت وورّاها (الزمـن غـدره)
.

عساها للمطر روحٍ قضـى مرباعهـا ماطـال
كساها (ثوبها الاصفر) .. وكانت تلبس الخضره
.

على الله ينجلي وقتٍ قضيته (همٍ) و (غربـال)
ويشعّ النور في قلبٍ غشى (ليل الظَلَم) فجـره
.

(على الله) والولي الله وبامر الله يزيـن الحـال
ويضحك للزمن قلبٍ مع (همومه) قضى عمره

للشاعر :"عبد الله بن عميره"

رووووووعه يا طالبة قااانون ...
كل بيت احلى من اللي بعده ...
صح لسان ابن عميره ...
وسلمتي على النقل ... وسلمت لنا ذائقتك ...

تحيتي ...

عزيزه يالعيون اللي حضنتي (دمعـة) الرجّـال
حبستي دمعته بين المحاجر يوم (ضاع) امـره
.

عزيزه يالحروف اللي (سكتي) والكـلام يقـال
حكيتي.. (ماشكيتي) الهمّ وهمّ القلب (ياكبـره)



ذوووق يااطالبه ..
صح لسان الشاعر ..

وسلمت يمنآك ..~

دمتي بود ..~

اقتباس:

---

على الله يازمن بشكي همومي و(الهموم جبال)
تعدّت عاصمة حزنـي حـدود العالـم بأسـره

---

اي بالله تعدت عاصمة الحزن حدود العالم

لكن ربك يعين


رائعة بالاختيار الله يعطيك العافية

بارك الله فيك

لك مني أجمل تحية

تقبل مرورى

كاسب العز

حياكم الله...مرووووركم الأروعــ..

صح لسان الشاعر
وتسلمين ياغاليه
تحيتي لك

رائعه

شكرا لك

وكبرت وكبرت أحلامي وصارت قصة الترحـال
أماني في مهب الريح وحلـمٍ (ماكتمـل) بـدره

يالله قديش معبرة

طالبة

اختيار ذووووق

يعطيكي الف عافية ياعسل