مرثيتي بالشيخ / منوخ حمود الشامان

[poem=font="simplified arabic,6,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=2 line=0 align=center use=ex num="0,black""]
من عيون الصغار لصرخة الانثى لحس رجال = من الشملي لعرعر للقصيم اليا الرياض جموع

تجمهر من صميم القلب يوم اختلفت الاحوال = صحيح او كذب واهوال وخناجر واسلحه ودروع

ركز رمح اليقين بخاصرة ربعي وقام وقال = عزاكم بالفقيد النادر صياح وحزن ودموع

غدا ركن(ن) من اركان القبيله مع غدو اجيال = نحى عنه السحاب بداخلي وامطر نزول طلوع

بكت حتى الشوارع واظلمت واخفت وراها ازوال = تحسر يوم تذكر مزحه وجده وزين طبوع

يابو راكان والله ما خبرت أحد(ن) بقلبه شال = عليك الا عليك الكل يثني والحيا متبوع

فقدك الوقت والكلمه فقدك الصدق والآمال = فقدك اللي غلاك بداخله مبطي وهو مطبوع

سأل عنك رمضان وجاوبه شعبان عن شوال = وقال انك رحلت وباقي(ن) دونه خطاة اسبوع

فقدتك إيه انا والله فقدتك والخبر زلزال = عجز عنه الكلام وجا كذا صدمة خبر مجموع

تجمع وافترق واقبل وصد وصال معه وجال = توزع في قلوب المبغضه والصادقه ينبوع

تطهر من صفاه اللي على كبده جبل ورمال = تعطر من عبيره مستحق ومكره وممنوع

غريب وعاش ماهزه كلام مخادع ومحتال = عزيز وعند من يفهم شعوره منبره مسموع

ترك نجمه وتاج وتوج افعاله وطال وطال = ذخر وقته لربعه واحتزم فوق الضلوع ضلوع

ويوم انه نزح خلى مكانه مستريح البال = وطى ذيل الفتيله صمت لا ضايق ولا مفجوع

بغينا لكن القدره تبي والعز له تمثال = قدر هذا قدر لازم نجاريه برضا وقنوع

بمان الله يا منوخ عسى من نزل الانفال = يجيرك يقبلك ويبدل السيه بطول خشوع
[/poem]

الله يرحمه ويسكنه الجنه

وصح لسانك ولاهنت

الله يرحمه واموات المسلمين
تقبل مروري

الله يغفر له ويرحمه

صح لسانك وقلبك

لاهنت

رحمه الله واسكنه فسيح جناته

صح قلبك وكلك

تحيتي لك

رحمه الله رحمه واسعه وأدخله فسيح جنانه
ورحم جميع أموات المسلمين

وصح لسانك
وعظّم الله أجرك في فقيدك
وتحياتي لك

الله يسكنه ويسكن أمواات المسلمين الجنة وصح لسانك وبيض الله وجهك.