مقادير الحشوة :
1/ 2 كوب سكر بني
3 م . ك جوز مفروم
1 م . ك قرفه مطحونة
الطريقة :
* تخفق الزبدة والسكر فيه وعاء حتى تتجانس
* يضاف بيضه بيضه بعدين نضيف الفانيليا
* نضع الدقيق والخميره والصودا والملح مع خليط الزبده ونحركه
* نضع نص خليط في صينة الكيك
* نخلط السكر والقرفه والجوز في وعاء ونحط نصه على الكيك بعدين نحط فوقه باقي خليط الكيك ونوزعه بتساوي قدر مانقدر
* نضع باقي الحشوه بالوجه وندخلها الفرن حوالي 40 دقيقة ونصير مولعين الفرن قبل بفتره
* بعد ماتجهز نحط الصوص الابيض الى هو عبارة عن سكر ناعم تقريبا نص كاس مع شوي حليب
وبالهنا والعافيه ..
choux
هذا تطبيقي لشيف فرنسي صراحه طعمه شَي مره ضبط
المقادير :
1/3 كوب حليب سايل
1/3 كوب مويه
1/4 كوب زبده لينه
شوي ملح
شوي سكر
3/4 كوب طحين منخول
3 بيضات
الطريقة :
* نضع الحليب والمويه والزبده والملح والسكر بالقدر ونحركها بالنار الين ماتغلي
* اذا غلت نوخرها من النار ونضيف الدقيق ونحركها بعدين نحطه بالنار شوي لمده خمس دقايق تقريبا الين ماتتسماسك ونوخرها
* نبداء نضيف بيضه بيضه للخليط ونحركها زين والافضل نستخدم خلاط الكيك
* نضع علي الصينيه ورق زبده بعدين نحط الخليط بقمع التزيين ونبداء نشكلها على شكل دوائر
* نضع بوعاء صغير ملعقه كبيره مويه وملعقه كبيره زيت ونجيب ملعقه وندهن الدوائر ونضغط عليها شوي من فوق
* نصير مولعين الفرن من فتره ونحطه على درجه متوسطه 400 بعدين نخليه بالفرن عشر دقايق مانفتحه عشان ماينفش :biggrin:
* بعد عشر دقايق نقصر درجه الحراره نخليها 300 ونخليها شوي الي ماتستوي
مقادير الكاسترد :
٤ صفار بيض
١\٢ كوب سكر
١\٤ كوب نشا
شوي ملح
٢ كوب حليب سايل
١و١\٤ م . ص فانيليا سايله
الطريقة :
* ضعي صفار البيض والسكر والنشا والملح في قدر صغير وخلطيهم وحطيه على نار هاديه مع الاستمرار في التقليب
* راح يبدى يفتح لون الخليط صبي الحليب شوي شوي واستمري بالخلط الين مايثقل
* واخر شي اضيفي الفانيليا السايله
* حطي الخليط بوعاء وغطيه بنايلون وخليه يلامس سطحه عشان مايكون طبقه ثقيله وخليه يبرد
* نحط الكاسترد بقمع التزين ونجيب داوئر الشو ونفتح فتحه صغيره ونحشيها بالكاستدر
* نغطي الدوائر بجناش الشكولاتة وهو عباره عن نص كوب كريمه خفق نحركها بالنار الين ماتسخن بعدين نرفعها عن النار ونضيف 100 غرام من الشوكلاته الخام الغامقه ونحركها فيها الين ماتذوب
من الداخل
وبالعافيه عليكم
Chocolate cream cake
هالكيك اتعب وانا اقول لذييييذ اليم بشكل
المقادير :
1 خليط كيك بيتي كروكر شوكلاتة
1 قشطة
1 ظرف دريم ويب
1/2 كوب حليب سايل
3 م.ك كاكاو باودر
1 م.ك نسكافية
الطريقة :
* نسوي الكيك زي ماهو مجود بالكرتون ونفضي الكيك من جوى
* نجيب الكيك الي فضيناه ونخلط معه باقي المقادير بالخلاط
* الخليط بيكون ثقيل نصبه بوسط الكييك ونرش بوجه جلاكسي مبشور او فلك
* نخليه بالثلاجه يبرد ..
زووم
وبالعافيه
Marble Cake
المقادير :
250 جرام زبده لينه (اصبعين ونص )
1 كوب وملعقه كبيره سكر
1 م.ك فانيليا سايلة
4 بيض
3 كوب وملعقه كبيره دقيق
1 و1/2 م .ك بكنج بودر
2/3 كوب حليب سايل
مقادير الشكولاتة :
3 م .ك كاكاو باودر مر
4 م.ك حليب سايل
1 م .ك سكر
الطريقة :
* نحرك الزبدة بخلاط الكيك الين ماتصير كريميه بعدين نضيفلها السكر والفانيليا ونخلطة
* نبداء نضيف بيضه بيضه ونحركها زين
* ننخل الدقيق والبكنج بورد بعدين نضيفه على الخليط ونحركه
* نضيف الحيلب السايل
* نحط ورق زبده على قالب الكيك بعدين نصب الخليط فيه ونبقي ربع الخليط
* نحرك مقادير الشكولاته واذا حسينا انه شبه ناشفه نضيف شوي حليب عليها الين ماتصير ثقيله زي الصوص بعدين نضيفه على الخليط الباقي من الكيك ونحركها
* نصب هالخليط على الخليط السابق الي بالقالب ونجيب عود ونحركها ونحاول يدخل الشوكلاته جوا
* ندخلها بالفرن ويصير مولع من قبل ونخليه بدرجه حراره متوسط ونخليها تقريبا من ساعه الي ساعه الاربع
وبالهنا والعافيه
Triple chocolate cookies
مره لذيذ ..
الطبقه الي تحت متماسكه والي فوقها سايله تذوب بالفم
المقادير :
2/3 كوب طحين
1 م.ص بكنج بودر
1 م.ص ملح
3/4 اصبع زبدة لينه
5 بيضات
1 و 3/4 كوب سكر
1 و 1/2 م .ص فانيليا سايلة
4 حبات جلاكسي سادة
2 كوب شوكلاتة خام فاتحه
2/3 كوب كاكاو مر
انا استخدم بالمر وحده كبيره من هذي
وحده صغيره من هذي
المقادير :
* نخلط البيض بالخلاط الين مايصر فيه رغوه
* نضيف له الفانيليا والسكر بعدين نحط الزبده
* نحط الشكولاته الفاتحه والمره بحمام مائي بعدين نضيفه مع الخليط
* نضيف الدقيق والباكنج بودر والملح للخليط وان حسيتيه مره سايل ضيفي شوي دقيق الين مايصير قوامه زي كيذا
* قطعي الجلاكسي قطع صغار واضيفها للخليط
* حطي على الصينيه ورق زبده وبملعقه الايسكريم حطي الكوكيز
لايهمكم الشكل اهم شي الاخلاق والطعم
* يصير الفرن مولع قبل بفتره دخليه وخليه مابين العشر دقايق والربع ساعه
وبالعافيه على قلوبكم
براونيز بالجبن
شيي والله
يانا اشتهيته وانا اكتب الموضوع
مقادير البراونيز :
3/4 كوب دقيق
1/4 م.ص بكنج بودر
1/4 م.ص ملح
1 كوب شكولاتة شبس
1/4 كوب زبدة سايحه
2 بيض
1 م .ص فانيليا سايلة
1/2 كوب سكر
2 م.ك مويه مغلية
مقادير الجبن :
200 جرام جبن كريمي ( جبن كيري او فيلادلفيا )
1/2 كوب سكر
بيضه
1 م.ص فانيليا
الطريقة :
* نحط الكاكاو مع الزبده على النار هاديه ونذوبهم بعدين نرفعها نخليها تبرد
* نضع البيض والسكر والمويه والفانيليا والكاكاو بالخلاط ونخلطهم
* نضيفلها الدقيق والباكنج بورد والملح ونخلطها
* نجيب الصينيه ونحط ورق زبده ونصب الخليط
* نخلط مقادير الجبن كلها ونصبها بالصينيه ونجيب عود
ونحركها على شكل دوائر و خطوط
* ندخلها بالفرن على درجه متوسطه ونخليها مابين 30 او 35 دقيقه
* نخليها الين ماتبرد بعدين نقطعها عشان ماتنحاس
وبالعافيه عليكم
بارد الشوكولاتة
من جوي
لذيذ يازينه بس يبرد على الواحد مع هالحر
المقادير :
1/3 كوب زبده سايحه (113 جرام )
4 قشطه
4 م .ك كاكاو باودر
1 حليب نستله كبير
1/4 كوب حليب سايل
1 م.ك ممسوحه جيلاتين
1/4 كوب مويه حاره
3 باكيت بسكويت شوكلاتة محشيه
انا افضل امريكانا مره طعم
الطريقة :
* نطحن البسكويت بعدين نخلطه مع الزبده ونرصه بالكاسات او قالب التشيز كيك
نحط بالقاعدة والحاويف ونخليه بالثلاجه يتماسك
* نحط الجيلاتين بالمويه الحاره ويخلط زين مره
* نخلط جميع المقادير مع الجيلاتين بعدين نصبه على الكاسات او القالب
* نحطه بالفريزر يجمد بعدين نطلعه ونحط بالوجه شوكولاته فلك ونزينه بكريمه الخفق
هنا انا مره سويته بقالب التشيز كيك
وبالعافيه على قلوبكم
اخيرن خلصنا .,
اتمني ان الموضوع عجبكم يارب ونشوفكم على خير :biggrin:
.. ودي وردي ..
,. منقول .,
