اتركي درب المحبّه وارجعي من أوله
عندما تصل الامور إلى نقطة اللاعوده.....
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
اشربي حزن ومذلـّه.. واشبعي هـم وحنين=قزّري باقي حياتك بين هـم وبلبلـه
اصرخي بينك وبينك.. يمكن انك تسمعين=صوتك اللي كان ضايع قبل ذيك البهذله
بدّلي ثوب السعاده.. بالنـكـــاده والانيــن=واتركي درب المحبّه وأرجعي من أوله
البسي حزن الليالي.. رافقي صوت الونين= ارحلي لأقصى غيابك.. شي عادي ما اسهله!
اذرفي دمعك ونوحي.. من يسار ومن يمين=عايشي كل احتمال(ن) في علوّه واسفله
احبسي انفاس روحك.. قبل لا انتي ترجعين=جرّبي ظلم المحبه.. ثم قولي ما اعدله!
قطـّعي قلبك ندامه.. واجعلي صوتك حزين=قولي الله ياعذاب(ن) طول عمري اجهله
غيّري حلمك بغربه.. غيّري دينك بدين!=وانثري لحظات عمرك في ضياع ومهزله!
برّدي نارك بنارك.. حرّقي حتى الجبين=واصرفي الانظار عني.. قولي الله ما ازعله!!
لملمي نفسك بنفسك.. وامزجي شده بلين=جرّبي ستين عله من هموم إمشكـّله!
سافري لأبعد مسافه.. محد(ن) اللي تعرفين=واسألي عن موت حبك.. يوم غيرك أمّـله
اشتكي همك لهمك.. واندبي ذل السنين=والعني حظك ونوحي.. هذي كل المسأله[/poem]
