رسالة خاصة ومميزة لكل سعودية متورطة في زوج نكدي
بسم الله الرحمن الرحيم
السلام ياخوان هذا الموضوع جدا مهم وقد اعجبني واتمنى كل شخص يصوره ويعطيه نسخه لزوجته ولاينسى نفسه كذالك فالحياة الزوجيه شركه كبيره ولها اسس وقواعد بس الاهم عطوا زوجاتكم نسخه من الموضوع ورايح تدعوالي وسلامتكم
رسالة تناقلتها زوجات سعوديات أزعجتني
لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.
فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي.....
واللي تبي الأجر تاخذ سعودي. عاد الأخيره هي الي أزعجتني.
وحبيت أقول لهم
العاقل يفهم من غمزه والجاهل يفهم من رفسة
معلومة أفتتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك،
وكثر ما تهتم فيها يكون الثمر أطيب.
إلى كل إمرأه سعودية تعتقد أنها مأجورة لأنها مآخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومانسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....
إلى كل امرأة سعودية تبحث عن زوج حق دلع ولا كلام حلو.....
أختي الفاضلة:
أجلسي مع نفسك صباح يوم من الأيام بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،
وأجيبي عن الأسئلة التالية:
صباح الأمس الباكر؛ منأيقظ زوجك للعمل؟ أنت أم الساعة المنبهة؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟
(ولا كوب قهوة وكيك على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛
هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة.
3- كنت جالسه بالصالة، وهو خارج قلت له لا تنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!)
لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تطمئنين عليه إنه وصل بالسلامة؟
تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و..
ثم علقتيها بالدولاب؟ (ولا منطوله بطرف السرير)
يبي يدخل الحمام ويأخذ دش؛ (كرري السؤال حق دش الصباح).
بعد الدش يبي استرخاء، رجليه تألمه من الوقفة طول النهار والمشي،
جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوة قبل ألغدا، هل ساعدتي على توفير الجو الهادئ؟
لما صحي؛ هل وجد ألغدا جاهز ولا هو اللي جابه معه من المطعم؟
بعد ألغدا أكيد يبي شاي،
هل قدمتي له الشاي، وجلستي معه سوالف عن كل شيء،
وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛
وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟
(وضعية حنان ولا كأنكم أثنين أصدقاء استأجروا غرفه بفندق
وما لقولهم إلا غرفه بسرير واحد (كنج بد) وكل واحد نايم بجهه)
باختصار لكل الأسئلة السابقة:
هل كنتي أنثى مع زوجك السعودي وعيشتيه جو زوج وزوجه؟
طبعاًَ هذى مو كل الأسئلة المطلوبة من زوجه أنثى،
لكن المهم منها والمطلوب حتماًَ وحق الزوج فيها.
إلى كل امرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهمية،
ثم أجيبي الإجابة الصحيحة، ومن ثم اجمعي الدرجات التي حصلتي عليها.
كم مجوع الدرجات أللتي حصلتي عليها؟
0% ولا 10% ولا 50% ؟
طبقي النتيجة على المعلومة الزراعية التي أعطيتها أول الرسالة عن الأرض.
إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟
(الثمرة أكيد الدلع والكلام الحلو و... و....)
اسألي مزارع إذا احتجتي مساعدة.
في النهاية: أتمني من المرأة السعودية اللي تبي الدلع ما تأخذ لبناني،
واللي تبي الكلام الحلو ما تأخذ سوري واللي تبي...واللي تبي....واللي تبي....
كفاية يكون في العالم العربي كله بس السعوديين محرومين من الأنثى.
معلومة أختتم فيها رسالتي:
تعرفون ليه الزوج السعودي يفغر لما يشوف امرأة متبرجة وتطيح سعابيله.
تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا...ولا...
يحس إن فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
منقول من الواقع
و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد
تفكير بالزواج عليها إلا إذا كان مجنونا أو مريضا نفسيا
اذن ليش زوجاتنا واهلنا يزعلون لما رجالنا المتزوجين وغير المتزوجن ياخذون اجانب مثل السوريات والاردنيات وغيرهن؟
وحسب الدراسه ورأي الكثيرمن المتزوجات السعوديات ونشرت وطرحت في اكثر من حوارتلفزيوني وجدوا ان الزوجات السوريات وغيرهن افضل بكثير من السعوديات والخليجيات بشكل عام لما يمتازوا بخفة الدم واللباقه والتعليم والمحافظه على الزوج والاولادوالمال والقوام الجميل و حسن المعاشره الزوجيه والطعام الصحي وعدم الاكثار من المصاريف المنزليه وغيره وغيره.
اين انتن يالسعوديات والخليجيات نحن الافضل بل المشكله في زوجاتنا وعدم اللامبالاه تجاه الزوج والابناء والله يعطي الخادمه العافيه لانها هي الام والاب والمسئوله الاولى وبدون منافس عنافي حياتنا الزوجيه. وينك يالزوجه بس شاطره السوق وعنداهلي وعندي ضيوف وتعبانه من الدوام وشغل البيت الله اكبر يالدوام والله اكبر ياشغل البيت (الطبخ والنفخ وتربيه الاولاد وطلبات الزوج والغسيل والتنظيف وحتى تموين البيت هي المسئوله .......!)
وللمعلوميه احيانا تكون الزوجه غيرموظفه لكن لابدمن الخادمه والله هزلت
الله يخليكم يانسوانا خلورجالنا يتزوجون من الخارج ويستمتعون باقي عمرهم واللي حنا النسوان ماقدرنا نسويه لهم وبطيب خاطر يمكن تحسون شوي وتتغير المعامله الزوجيه.
الله كريم
ملاحظة هامة/ الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط .
دمتم بوافر الودّ والمحبة
اذا تألمت اليد .. دمعت العين
واذا دمعت العين .. مسحتها اليد
هكذا هي معادله العلاقات التي لم يحققها البشر بعد
رد: رسالة خاصة ومميزة لكل سعودية متورطة في زوج نكدي
رد: رسالة خاصة ومميزة لكل سعودية متورطة في زوج نكدي
اقتباس:
إذا كنتي أنتي؛ كيف أيقظتيه؟وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛
ليه نغير اصواتنا عشان يرضى >>>>وحده مو عاجبها صوتها
وبعدين وش فيه مايعرف يجهز حمامه بنفسه ؟؟؟
سيد البشريه وقائد جيوش المسلمين يخصف نعله ويرقع ثوبه واحب الناس له عائشة رضي الله عنها .................
ان كان فيه تقصير فمن الطرفان
حياك الاله وبما ان الموضوع بعام 2009 فلا باس بالنقاش حوله هنا
مع تقديري للجميع
رد: رسالة خاصة ومميزة لكل سعودية متورطة في زوج نكدي
والله هالموضوع حلو برشا برشا
يالله لو تحصل حرمه زي كذا وفوق ذا كلها تحبه عزالله بتكون اسعد انسان بالدنيا والاهم انك تبادلها نفس الشعور .
عندي كلام كثير لكن الاذان اذن نبي نروح نصلي وندعي على من ظلمنا
سلام
رد: رسالة خاصة ومميزة لكل سعودية متورطة في زوج نكدي
ياعمري يالحرمة اللي من عرفت المنتديات وهم حاطين الحيل فيها
,,,
للآسف ان كثير من النساء واعتقد اصبح هناك وعي بعد التثقيف الذاتي والدورات اللي نسمع عنها كثير هنا و هناك
ان هناك من النساء لا ينقصها سواء الشارب واللحية فلا اسلوب ولا سوالف ولا طريقة توحي بانها أنثى
فلو لو فكرت قليلاً ان اسلوبها اسلوب رجل لما فعلت مافعلت .. !
لكن مايعني ان تكون الانثى هشة بخارج منزلها او امام رجال غير زوجها فهنا تكون كوارث غير حميدة
والرجال يختلفون منهم من يعجبه ذلك كل وقت وكل حين ومنهم من لا يروق له ذلك دائماً
وبعضهم لو جت الحرمة متسنعه وصايره انثى قال خيييييييير وش عندك اليوم ؟؟ << الشرهة مو عليك هههههه
الله يعينا على السعودي اللي كل يوم و الثاني طالع لنا بعذروب جديد وهذا كله من لميس و حميس وطقتهم
والا رجال اول يشوف الحرمة السنعه بنت رجال وتنحط على اليمنى الحين انقلب الحال وصارت (كخه) هههههههه
سلمت اخي
,
كونوا بخير
رد: رسالة خاصة ومميزة لكل سعودية متورطة في زوج نكدي
اقتباس:
اذا تألمت اليد .. دمعت العين
واذا دمعت العين .. مسحتها اليد
هكذا هي معادله العلاقات التي لم يحققها البشر بعد
والله بنفسي كلام ودي اقوله وأحكيه ومافي نفسي افضل من الرجوع للدين
الزوجة لها حقوق والرجل له حقوق كفلها لنا هذا الدين افلا نتخلق به فننجوا ونسعد في دنيانا وأخرتنا في القرآن والسنة ما يثلج الصدر وما يوثق عرى الروابط فلا نضيع اوقاتنا نبحث عن السراب بل نفتح قلوبنا للتدبر والتأمل في ما قاله الله جل وعلا قرآنا وسنة الا يكفي ان أنهما الذكر والهدي الحكيم من رب العالمين
نسأل الله أن يردنا إلى الدين ردا جميلا
رد: رسالة خاصة ومميزة لكل سعودية متورطة في زوج نكدي
يحيا العدل يحيا العدل ..
ودي أقول لزوجتي وأقول لكل جنس من حواء. أسمعي وأقري وفوقها آعي :biggrin:
ثلاث أسبــــآب تخلي البنت مهمله . بس فتره خطوبه تشوفها آيـــه تقولـ وش ذا متزوج كتاب ((كيف تسعدين زوجك)):biggrin:
وبعد الزواج تكتشف كيــــف تنكدين وتنغصين على زوجك الآليف الحبوب :biggrin:
السبب الأول .. النشآ الأولى ..
في بيت آهلها و معامله أمها مع آبوها . كيف تتصرف آمها مع أبوها والعكس وكيف تساير آمور الحياه ..:/
الآم لازم تكون ورا بناتها تعليم تربيه وإخلاص فيها . تعلمها إن هالرجــآل الكائن الأليف آسعديه تدخلي الجنه إن شاءالله .
من خمسطعشر سنه والبنت لازم تعرف تفرق بين الكزبره والبقدونس :biggrin: ومن عمر سعبطعشر سنه ست بيت .
السبب الثاني .. الدشات والستلايت والبلاوي الزرقه ..
عادي حط دش مانيب متشدد عشان لايقولون متخلف . بس يكون بغرفه وحده . مب كل بنت عندها دش خاص بغرفتها .
وهذه مصيبه أكبر .. يعني لا دراسه ولا شئ إلا أغاني ومسلسلات وأفلام .
السبب الثالث .. المدرسه وإختلاط الحظارات .
تجيب بنت متربيه أحسن تربيه تحطها مع بنات شوي وتقول نزل راس شيشه :biggrin: . بدون رقابه من أمها .
المدرسه إختلاف حظارات في حظاره وحده .. البنت راح تتآثر كثير مب قليل . بس لو كانت الأم مهتمه بتطلع بنتها إكه .. فوق الكلـ .. والله يرزقها بالطيب إبن الحلال ..:/
آما لو كانت هالآسباب مهزوزه كلها فالبنت راح تطلع قهوجيه خدميه :biggrin: .
هالحين ناخذ بعضن من ردود المجني عليهم
((ناقصات العقل والدين)) :biggrin:
اقتباس:
ليه نغير اصواتنا عشان يرضى >>>>وحده مو عاجبها صوتها
وبعدين وش فيه مايعرف يجهز حمامه بنفسه ؟؟؟
لاتغيرين صوتك بالعكس صوت الأنثى مكمل لأنوثتها ..
نبي نكـــون غير عند كل الناس اللي تعرفهم . غير أبوها غير أخوها غير أمها وهذا من أبسط حقوقنا .
نبي معامله خاصهـ مانبي كلفه فيها مانبي تصنيع بها .. نبي بس يعاملونا بما شرع الله ورسوله ..!
أكثر النساء يشوفونها كبيـــره لكن في ميازين حسناتهم بثقل الجبالـ .
اقتباس:
سيد البشريه وقائد جيوش المسلمين يخصف نعله ويرقع ثوبه واحب الناس له عائشة رضي الله عنها .................
ياليت تكونوا بنص عائشه أو ربعها .. حتى نقدر نرقع ثيابنا وجنزاتنا :biggrin: حتى نقدر نقولـ والله تستاهلـ أغسل وأكوي عشانها . عشان نقولـ والله لجلي الصحون لجل عيونها تستاهلـ مريحتني وكل شئ تمام .:/ وحده كشـــره وعلى طولـ نكد وتبي دلع :biggrin: ماتجي حتى بالتفوشوب ماتجي :biggrin:
اقتباس:
ان كان فيه تقصير فمن الطرفان
من قبل لا يجي التقصـــير . حنا ليه نقصر من آساسه ...!!
وعلى فكره ترا فيه رجــــآل ..! هم البدائون والنساء خلفهم خطائون والعكس .
ناعمه
اقتباس:
وبعضهم لو جت الحرمة متسنعه وصايره انثى قال خيييييييير وش عندك اليوم ؟؟ << الشرهة مو عليك هههههه
إنتي جاوبتي على نفسك .. حطي ميه خط تحت اليوم .. يعني تبي تحسن العلاقه توها . والرجال طفش منها ومن مشاكلها . فحست إنها غلطانه :biggrin: ويوم يقولها هالكلمه تنجرح وتقول الرجال السعودي ماعنده رومنسيه . وتبداء العلاقه تتوتر من جديد . ويمكن توصل لمعط شعر :biggrin:
ياليت هالسباب المذكوره تكون كفيله إن تطلع بيت رائعه ونفس الحكايه تنطبق على الولد ويطلع ولد رائعه :biggrin:
