على طاري صباح الورد ...

.

على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه

على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه

يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه

أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه

أحبك , إيه أحب إسمك .وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه

تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه

تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه

قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه

دخيل الدمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليته

ســـامــيــه
__________________

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

سلمت ساميه على ذوقكـ

ارق التحايا

الله الله الله ...
رووووووووعه ... يا ساميه ...
الا ذووووووووووووووق ...
كل بيت احلى من الثاني معنى ...
بااااااذخه استحلت مقعد قهوة الصباح ...
يسلموووووووو ... يسلمووووووووو ...

تحيتي ...

نبض الوفاء
اسعدني حضورك الجميل
لاخلا ولاعدم

لـــذيـــذ
الذوق في حضورك الراقي مع القهوه
لاخلا ولاعدم

اقتباس:

---

تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته

---

اقتباس:

---

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

---

ابداااااااااع ياساميه
لاهنتي والله

أحبك , إيه أحب إسمك .وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه

سامية ...يسلمو ياذوووق

بارك الله فيك

لك مني أجمل تحية

تقبل مرورى

كاسب العز

مبدعه دوومآآ وآبدآ سمسم

وشاكره ومقدره لك موضوع الذي هوو ذووق

راااااااائع
ربي يعطيك ألف عاآآآآآآآآآفية

لكـ شكري