غـــــــــــضــــــــبه.... ..

السلام عليكم ورحمة الله وبركاته:
يسعدني أن أضع بين أيديكم آخر قصائدي،أرجو أن ترتقي إلى مستوى أذواقكم:


[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يالـلـي وصـلـنـا مـــن كـلامــك تـلاطـيـش=يغـنـي عــن التلـمـيـح صـــدق وصـراحــه
حـنَّـا عـلــى وضـــح الـنـقـا دايـــم نـعـيـش=مــا أحـنـا عـلـى كـتـوف الأوادم سـلاحــه
مانـنـهـب الـمـسـلـم ولا نــــدس فـالـخـيـش=مــافــي الـنـهـايـب والـســلايــب ربــاحـــه
مانجـيـبـهـا جــزلــه ســمــان ومـعـاطـيـش=نـــروي ظـمـاهـا بـالـحـروف الـصـحـاحـه
أفــكــارنـــا مـتــزاحــمــات ومــهـــاويـــش=تـشــرب مـــن الــعــد الـمـصـفَّـى قــراحــه
ومـورشـه مــن عــذب الأمـثـال تـوريــش=ومـــن الـفـخـر نـمــلا بـهــا كـــل ســاحــه
لا تـفــرد الجـنـحـان يـــا قـلـيِّــل الــريــش=كـــم طـيــر طـــار وعـلـتـه فـــي جـنـاحـه
كنت أحسب إنك صاحب إحساس ويجيش=خـاطــرك بـأوصــاف الـحــلا والـمـلاحــه
أثـريــك واحـــد مـــن كــبــار الــدراويــش=وآخــذ عـلــى الـدرويــش جـرعــة قـبـاحـه
والعـقـل متكـهـرب حـصـل فـيـه تشـويـش=وسـويـت لــك وســـط المـجـالـس مـنـاحـه
لـيـش الخـطـا مــا دام جانـبـك مـــا نـيــش=بـيـنــي وبـيـنــك ألــــف بــاحــه وبــاحـــه
مـن عادتـي لـو طاشـوا النـاس مـا أطيـش=ولــو صــاح صـايـح مــا لفتـنـا صـيـاحـه
حطـيـت لـــه فـــي مـوقــع الاذن تطـنـيـش=والـلــي نـبــح مــــا هـمَّـنــا فــــي نـبـاحــه
لـــكـــن لا زادت دعــــــاوي الـهـلابــيــش=نــقـــوم بـالــواجــب ونـضــمــن نـجــاحــه
نــقــيــد الــمــجــرم بـــســـود الـكـلابــيــش=ونـعـاقـبـ� � مــــن قــبــل نـطـلــق ســراحــه
احــذر تــرى بـعـض الـمـواقـف تـلابـيـش=لا تـعـودهــا ونــقـــول هـــــذي سـمــاحــه

[/poem]

أعاذنا الله وإياك من الغضب



حافظ جميل ,,,

صح لسانك ولاهنت

صح لسانك ياخافظ
قصيده مـعـبره ...
سلمـت ودمـت

.

.

مبدع يا حافظ


لله درك

وصح قلبك وكلك


تحيتي لك

صح لسانكـ ياحافظ

نص ناري ...
صح لسانك مليار ...

تحيتي ...

حافظ جميل

صح لسانك ملايين
وبيض الله وجهك
شاعر جميل بكل حالاتك

أستاذ حافظ

يا هلابك وهلا بشعر الجميل

وصح صح صح إلسانك مدد بلا عدد

صح لسانك وقلبك

لاهنت

حافظ صح لسانك ملايين وابيض وجه
تحية عطره

لله در الإبداع وصح لسان المبدع لاجديد سوى الإبداع الذي تعودنا عليه منك ياحافظ

اقتباس:

---

المشاركة الأصلية كتبت بواسطة محمد بن ضاوي

أعاذنا الله وإياك من الغضب



حافظ جميل ,,,

صح لسانك ولاهنت

---

محمد بن ضاوي حياك الله
وأعاذالجميع آمــــــــــين
وصح بدنك
وأشكر لك مرورك
تحياتي لك