رحنا لصفحات الجرايد عناوين

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حنا عرب وأخوان بالأسم والدين=وألا القلوب مشتته ماأجتمعنا

رحنا لصفحات الجرايدعناوين=والخوف نزّل عزنا مارفعنا

نسمع ضجيج أطفالنا في فلسطين=نسمع ولاكنا بشياً سمعنا

أما تجالدنا سوات الكراوين=وإلا نسب وسبنا مانفعنا

تقسمونا الغرب قسم الشياطين=من وين ماقالوا سمعنا وأطعنا

وندفع لهم ثرواتنا بالملايين=ندفع ولايشفع لنا اللي دفعنا

خمسين عام وكلها قدم ماشين=ياليتنا لو ربع خطوه رجعنا

فينا هل الدنيا وفينا هل الدين=وأهل العداله ضيّعونا وضعنا

مافيه لاوحده ولافيه ثنتين=تقطعت عرو الدّلي وأنقطعنا

ننسى كلام الله بطاها وياسين=ونسمع يهوداً بالكلام أتخدعنا[/poem]