قصيده من عيون الشعر...للشاعر الكبير/
صقر النصافي رحمه الله يوصي فيها اولاده....
[poem=font="arial,4,black,normal,normal" bkcolor="skyblue" bkimage="backgrounds/20.gif" border="none,4,gray" type=0 line=0 align=center use=ex num="0,black""]
قـال: مـن وصـى عيالـه =وده إلهـم بالشكالـه
خابر(ن)راعـي الرزالـه= بالمجـالـس تشنـعـه
يا أمهلي شوف أخوانك= شانهم من صوب شانك
عندمـا يزعـل ألسانك= عنهـم الغيـظ أدفـعـه
وأنت ياعلي أفتكـر =خـل قولـي لـك ذكـر
ربعـه الطـيـب شـكـر= والردى لاتتبـعـه
يامسلم وأنـا أبـوك= العـرب لـو صاحبـوك
مايسـرك غيـر أخـوك= كـل مايأمـر طـعـه
ياعيـالـي كلـكـم =أفطـنـوا فــي حـالـكـم
التـنـازع ذلـكــم =والتـصـافـي منـفـعـه
أجهـدوا لله بطاعـه= وأتبعـوا راعـي الشفاعـه
قبـل يـوم فيـه ساعـة =عنـد ربـي مرجـعـه
القصير أمشـوا بحقـه= لـو بـدت منـه المشقـه
وإن كثـر بالقلـب دقـه= طـو بيتـك وأشلـعـه
مـادواه الإ مراحـه= فـي فـراق السـوء راحـه
لا تجازيـه بقبـاحـه= يــوم ربــه صرقـعـه
والخـوي حقـه عليكـم= تجعلونـه مـن حديكـم
كـل شغلـه فـي يديكـم= ليـن ياصـل مربعـه
إن تمرجـل كيفـو بـه= وإن تـردا عبـرو بــه
لـو يصيـر لكـم عقـوبـه= قصة(ن)بالمبلـعـه
والحمـق يخـر مضـره= يلحـق العقيـل شـره
ون طـرا راعيـه مــره= قـالـوا الله يقطـعـه
والصبر عند البلاوي= خيـر مـن كثـر الشكـاوي
لـو تصيـح ولـو تـلاوي= مابغـا الله يصنـعـه
وأحذروا حقر الفقيـر= دعوتـه يمكـن تصيـر.؟
أدخـل الله وأستجيـر= قبـل يــذرف مدمـعـه
التكبـر للرخـوم= يحسـبـون إهــم الـقـروم
عندمـا يبـدى اللـزوم =عشرهـم نصـف أربعـه
والعـدو لـو زان بالـه= أنقلـوا منـه الحمـالـه
لـو مغـط ألكـم حبالـه= بغظكـم يبقـى مـعـه
والصديق بكـل حـال =عنـد حظـرات المجـال
مدحكـم عنـد الرجـال =كـل مـاجـاه أشبـعـه
والصديـق إليـا نكركـم =مـا دواه الأ ظهـركـم
وإن خضعتوله حقركـم= صرتـوا عنـده مضفعـه
والتمـنـي مايفـيـد= لــو تـزيـده مـايـزيـد
مثل بق طـار مـن إيـد= بالهـوى مـن يجمعـه.
والحلوف أبغيـر حاجـة= كلهـا ذنـب وسماجـة
واجـد اللـي باللجاجـة =دوم حلـفـه يمطـعـه
كـم صبـي(ن) بالرخـا =ظنكـم فيـه الصـخـا
وأن كربتـوه أرتـخـا =كــل عذر(ن)ياسـعـه
جـاز مـن كـل الصداقـه= والمحبـة واللبـاقـة
والسبـب نفسـه أرفاقـه= حتـى الانـه تضلعـه
والمغفـل يحسبنـه= دوم فــي نعـمـة وجـنـة
ماخـذ(ن) دنيـاه ظنـه= ليـن بقـعـا تصقـعـه
ثم يقعـد مـن منامـه =ملحـق(ن) نفسـه ملامـه
عقـب ماشـاف الندامـه= يـوم هـاك الكعكعـه
الرجـال أبهـم فهـيـم= لايـضـام ولا يضـيـم
عندمـا يبـدى حلـيـم =والحـقـوق مشـرعـة
راعـي الصبـر محمـود= ليـن مولمتـه تعـود
ثـم يـنـزل بالـحـدود= والمطـمـن يرفـعـه
والرجـال إبهـم ثقيـل =كـل عـمـره مايعـيـل
وإن طمـع فيـه الجبيـل =دون حقـه يصفـعـه
أن بغيتـه بالمـروه= شفـت نــو الخيـر.؟نـوه
وأن بغيـت الحـق قـوة= طزعينـك باأصبـعـه
وإن بـلاك الله بعاقـه =مـن مقـاريـد الرفـاقـه
لاتـوريـه الحمـاقـة= لـيـن ربــك يقلـعـه
خـل شوفاتـك بعيـدة =عنـد نفخـاتـه وريــدة
ثـم عقب(ن)لاتعـيـده =السـعـه ثــم السـعـه
كم صبي(ن) كل يـوم= يعتـزي مـن غيـر قـوم
وإن تناطحـت القـروم= مايـدانـي الفرقـعـه.!!
صايـر(ن) للشـر سبـه= ليـن يلقـا مـن يدبـه
ثـم يبـرك للمسبـه= يـوم جـاه مـن أشبـعـه
والسفيـه إليـا نهيتـه =عـن طريـق(ن) مابغيتـه
لـو تـجـره ماقويـتـه =والـنـدى مايسمـعـه
راح في درب(ن) يضره= وأنت شـورك مايسـره
والله أنـك لـو تجـره= مايبـي غيـر إسنـعـه
والرجال أبهـم كـذوب= مايهـاب مـن العيـوب
لـو يفـجـر مايـتـوب= والـخـزا مايوجـعـه
والرجـال أبهـم صـدوق= فـي كلامـه مايتـوق
يفتهـم كــل الحـقـوق= والكـريـم أمسنـعـه
والرجـال أبهـم كريـم= لاخطـر خلفـت رزيـم
وأن طرش قلبـه سليـم= كــل زاد(ن) يقنـعـه
والرجـال أبهـم بخيـل =لاخطـر مـدة قلـيـل
وأن طرش مالـه مثيـل= يـشـره الله ينـزعـه
والحريـم أبهـم طبايـع= فيهـن التخميـل ضايـع
لو بهـم عاصـي وطايـع= كـل الأكثـر مندعـه
النـصـاح أيبينـنـه= والـخـمـال إيدمـدمـنـه
واهنـي منهـي نصيبـه= لـو متاعـه سلـوعـه
وإن طرش وأبطى مراحـه= أمنـن قلبـه براحـه
مايطيـع أهـل القباحـه= والجـهـل واللـودعـه
ثـم فيهـن شلبديـه= تـاكـل الطلـيـان حـيـه
والـردي ماهـي رديـه= ميـر مـاجـا تبلـعـه
رجلها لو جـاب واجـد =عندهـا ماهـوب ياجـد
أن سكت فـي الفقـر ساجـد= وأن تكلـم تسبعـه
ثـم فيهـن مـن تحوفـك= كنهـا تفـرح بشوفـك
وأن تبيـن عـرق جوفـك= بيـن إيديهـا تمصعـه
تنصحك وهـي العـدوه= وأنـت تحسبهـا حمـوه
لاتظـن أبهـا مـروه= حبـل وصلك...تقطـعـه
لاتقـول أن العجـوز =عـن طبايعـهـا تـجـوز
عنـد طاريهـن تفـوز= تضـحـك أم الدعـدعـه
لو تصير أبـزي ضبعـه= مالهـا بالعمـر شبعـه
كـل مخلـوق وطبعـه =ضايـع مــن طبـعـه
ثـم فيهـن مـن تعينـك= دايـم(ن) يدهـا بيدينـك
عندهـا مامثـل زينـك= لـو علـيـك مرقـعـه
تفتهـم حـق الرجـال= عنـد زوجـات الحـلال
الدقـاق مـع الجـلال= كـل شـئ أبموضـعـه
ثـم فيهـن مـن تحلـوى= شرهـا يبـلاك بلـوى
ليـن بلحجـة تعلـوى= فـي ثيـاب مطـوعـه
تعطيهـا ســدك= وأنــت كـتـم الـسـد ودك
تصبـح الهرجـه بضـدك= فالـنـداه أمصلـعـه
ثم فيهـن مـن تحبـك =وأقشـر ماتشـوف جبـك
وألحمتهـا لـو تسبـك= فـي جسـدك أمربـعـه
أن تكلمـت أفضحتـك =وأن تغاظيت أجرمـتـك
ون تساكـت نتفتـك= نـتـف ريــش القوبـعـه
بـع أقاصيهـا بدانـي= زدتهـا والعمـر فـانـي
لاتحـط أبهـا مثانـي= ســو بـيـع أمقلفـعـه
ثـم فيـهـن قشمـريـه= صايـبـه ومجادعـيـه
عنـد ضحكـات الثنيـه =مـن يجيـهـا تلقـعـه
السفيـه إليـا نظرهـا= دايمـن يلـهـث بثـرهـا
وأن بغاهـا ماقدرهـا= بــس يلـهـث مدلـعـه
مايطيع أهل النصيحه= لو لبـس ثـوب الفضيحـه
ولا أعظـاه أبمستريـحـه= والعـيـون مولـعـه
والذهين إليا عرفهـا =كـف روجـه مـن ظرفهـا
جـاز منـه ماخرفهـا= لـو تـكـون أمهينـعـه
ثـم فيهـن مـن وثيـق= سدهـا سـد(ن) غريـق
مالنـا شـدهـا الطـريـق= قولـهـا ماتطلـعـه
سدهـا مثـل الأمانـة =عنـد رجـال(ن) تكـانـه
مايهوجـس بالخيانـه =رابـح(ن) مــن ودعــه
ياعيالـي جعلـكـم =يبـعـث أسـمـي فعلـكـم
النصـاح أطيـب لكـم= والـردا بــه خرفـعـه
أمنـوا تـرى النيـه= مـثـل ماقـالـوا مطـيـه
لاتصيـر أبكـم رديـه= فـي محـول أو زلوعـه
الضعيـف إليـا نصاكـم =لاتشـحـون بعطـاكـم
فـي رجـا الله ثـم رجاكـم= كـل ماجـا أقنعـه
والعطـا ماهـوى بالله= كوبتـن كـثـرة وقـلـه
ضايـع(ن) راعيـه= ضلـه ضـاع والله ضيـعـه
أفهمـوا قـول المجـرب= مابغـا وثت(ن)يطـرب
باقـي الدنيـا تخـرب= ماحـدن تصفـي مـعـه
وألـزم ماعلـى الصبـي= طاعـتـه والمذهـبـي
والصـلاة علـى النبـي= والأمــور أمشمـعـه
[/poem]
