السلام عليكم ورحمة الله وبركاته
من البريد الالكتروني
http://dl.dropbox.com/u/1518450/Phot...e/Foasl/42.gifhttp://forum-static.hawaaworld.com/i...ies/icon28.gif قصــة خطوبـة http://forum-static.hawaaworld.com/i...ies/icon28.gif
هذي قصة واحد راح يشوف خطيبته الشوفة الشرعية وحدثت له قصه طريفه
القصـه
بلسان العريسhttp://dl.dropbox.com/u/1518450/Phot...x/8py41214.gif
حبيت أحكي لكم اليوم عن خطوبتي وبالتحديد أول يوم رحت أشوف فية خطيبتي
طبعاً البنت راقية و سنويا تطلع مع أهلها إجازة أستجمام في سويسرا
وأهلها أغنياء جداً ماشاء الله لكن فيهم تواضع جميل
وماينظرون للمظهر بقدر ماينظرون للجوهر وهذا اللي خلاني أتجرأوأخطب بنتهم ,, ووافقوا الحمد الله لأسباب مجهولة!!:Lopez...winking:
المهم جاء اليوم المهبب بالنسبة لي واللي هو يوم شوفة البنت
طبعا أنا آخر بنت شفتها هي بوسي ايام التلفزيون ألأسود والأبيض بعدها أنقطع البث التلفزيوني عن حارتنا
وصار مافية صور ترمز للأنوثة في مخيلتي غير أمي وخواتي الله يحفظهم والباقي شنبات
المهم أنا مو متعود أشوف بنت قدامي بدون عباية أو حتى مطلعة عيونها كيف عاد اذا شفت بنت لابسة فستان من باتشي وتسلم علي اكيد راح اهبب
وفعلا هذا الي صار
الوالدة الله يحفظها عارفتني ,,,
الذوق بدولة وانا بدولة
على شان كذا كانت هي وخواتي كل الليل يعلموني الأتكيت وفن التعامل مع الآخرين .. وكيف أحكي مع البنت الذوق
طبعا كنت متكشخ على الآخر ,, لدرجة العطر استعملت علبة كاملة حتى الجزم الله يعزكم عطرتها
المهم رحت لهم البيت وقبل ما أوصل بيتهم وقفت عند محطة وشلت الحذاء ولبست كندرة أعزكم الله
( كنت موزيهم آخر شيء لانهم جدد وما ابغاها تتوسخ )
طبعا أكتشفت أن الكندرة اللي أنا لابسها ضيقة بشكل لايطاق بس ويش اسوي أختي موصيتني تقول لازم تلبسها ما ابغاهم يشوفون اصابعك اللي زي الفطر والله مافيهم شيء حلوين بس هي دقيقة بزيادة
المهم لبستهم ودخلت بوابة القصر بالسيارة ودعست ورد مادريت أحسبه أسفلت طلع مسطحات خضراء
المهم وقفت السيارة ونزلت ومشيت للباب الداخلي للبيت طبعا الي يشوفني وانا امشي يقول هذا أكيد عنده إعاقة أو يعاني من عاهه أبدية
(( طبعا بسبب الكنادر ضيقة مرة وماقدرت أمشي والله بس قلت يالله كلها كم خطوة وأفصخها))
استقبلني ابوها عند الباب الداخلي للقصر ورحب فيني أشد ترحيب وأصر علي أني أدخل البيت بالجزمة اعزكم الله وقال هم يسوون كذا لان ارضية البيت رخام
طبعا دخلت للبيت وامري لله مجبر أخاك لابطل ولما وصلت نهاية المجلس كان الدم محبوس في سيقاني ومتجمع في الركب ورجولي ناشفة مافيها دم
طبعا قدمو لي الشاي والقهوة وكان الشاهي مر بشكل لايطاق
( أختي تقول السكر تلقاه مكعبات في علبة كريستال!! ) بس انا مختبص
المهم بعدها قال لي ابوها انت مستعد ابغى انادي البنت قلت لاوالله ماتناديها أجلس يارجال خلني اسمع علومك
'طبعا أنا مرره مستحي وابي أتهرب '
قال: أنت جاي تخطب ولا تسلم؟:icon_evil:
قلت :طيب لازم اشوفها ,,, ماعندكم نمونة
( أختها الصغيرة مثلا ) قل لا ما ابغاك تقول ماشفتها قلت أستحي قال عادي بجلس معك
(قلت بقلبي توي ما أستحيت صدق)
طبعا قام ونادها ,, أنا كنت جالس أتأمل في رجولي
من الحياء ما أسمع الا كعب البنت وكان مع كل طقة للكعب 10 طقات لقلبي ,, لين جلست قريبة كان قلبي شوي ويوقف
قالت : السلام عليكم
أنا أرتبكت ورديت عليها وقلت : السلام عليكم !!
طبعا انا من هنا بديت أهبب لاني أشوف سراب فستان بنت على الأرض جالسة قدامي
طبعاً كنت مازلت اتأمل برجولي من الحياء
قام ابوها قال لي تكلم معها عشان تقدرون تشوفون بعض
قلت : أأأأأأأأأأأأأأأأأأ
أأأأأأم م م م م م م م
كح كح
ثم سكت
قال أسئلها طيب
قلت بسرعة : ماعندي أسئلة ولا شروط والله !! ههههههههههه
قال :طيب أسئلها وين تدرس
قلت: عارف سنة ثانية في الجامعة
قال أسأليه أنتي ,, ماردت عليه وكانت مره مستحية
قام قال يالله أسألية على شان يشوفك
طبعا انا في ها الاثناء جاني ضعف حاد في حاسة السمع
قامت سئلتني أنت : مدرس
قلت: لا أنا مدرس ( أحسبها تقول أنت تدرس )
أبتسمت ونزلت راسها
قالها أبوها ارفعي راسك يالله وأسئلية ,,
أستحت في البداية بعدين
قالت: كم عمرك؟
قلت 8 الآف ( أحسبها تقول كم راتبك )
هناابوها مات ضحك ,,وهي ضحكت شوي وهي مستحية طبعا أنا ماادري وش السالفة !!
بعدها كانت بتقوم لكن ابوها أجبرهاتجلس ,,
لانهاكانت مرة مستحية وكاتمة ضحكتها
بعدها قال لها يالله كملي ..
قالت : متى أنت متخرج؟
قلت في الاجازة الجاية أو زي ماتحبون
( أحسبها تقول متى تبغى نتزوج )
طبعا هنا انفجر أبوها من الضحك ,, والبنت صارت تضحك وأستحت وقامت تركض ودخلت البيت
طبعا انا قلت أكيد شكلي فيه شيء غلط
( قلت يمكن عقالي يضحك زي العادة 'مفتوح أقصد' ,, أو فية صارور رايح جاي على راسي بس قلت لا بيتهم قصر وأكيد مافية صوارير )
لما خلص ابوها ضحك قالي هاه أعجبتك البنت ؟
كان نفسي أقول حلوة بس أخاف يذبحني ,,
قلت له برسلك ردي على الجوال
ثم أستاذنت وطلعت وأنا مدري لية يضحكون !!
لين هي علمتني ليه :Lopez...love:
بس بجد ياناس مجلسهم ماشاء الله كبير ومترامي الأطراف لدرجة انالمسافة اللي بيني وبين طاولة الشاهي تقريبا يفرش فيها زوليه لحالها
http://dl.dropbox.com/u/1518450/Phot...119ee165ad.gifhttp://dl.dropbox.com/u/1518450/Phot...119ee165ad.gifhttp://dl.dropbox.com/u/1518450/Phot...119ee165ad.gif
