[poem=font=",6,darkred,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يابنت انا نفسي عزيزه عن الغير=ماذلها يابنت والله وبالله
مهما تجيني من هبوب (ن) واعاصير=اقف لها يابنت ماقول لله
الله خلق لصقر جنحان ويطير=والصقر ماياقع على غير مله
وانا بطبعي شامخ الراس واسير=صوب العلا مادام رجلي تدله
احب مجلاس (ن) بوسط المسافير=ولا جلس مجاليس(ن) بها كل شله
صليب راس ومن رجال (ن) مناعير=وقت اللقاء مايعرفون المذله
وماقول غير الله يجازيك بالخير=عروسة تبغى من الورد فله
حبيت اعبر لك من الفكر تعبير=عن واقعي واللي حصل منك خله
واختامها صلوا على سيد السير=نبينا اللي بالضماير محله
[/poem]
وسلامة الجميع
