غــــاش دمّــــي غـــــاش° •.♥.•

غاش دمّي غاش


يضيــم الخفـــوق الـلّاش لا بــان فعـلاً لاش

تحـــاول تسنّـــع به ويطلع على مافيــش



وانا لي رفيــقٍ قلت وافي وعـــوّد مــاش

وبانت لي الصـــوره جليّـــه بـلا تشــويش



إنـــاءٍ بمـا في داخـــله لي اخيــراً طـاش

بغيــضٍ حقــودٍ عشّش الحســد به تعشيـش



واشــدّ الحسد ما يظــهره صاحبه لك كاش

ولا لك على قلـــوب الخلايــق نقط تفتيـش



يشـــوف انّ فـــوقه شئ لا طلّ يمّــه داش

ويبي كفـــخةٍ تجلى عن عيــونه التغبيش



وادنّـق واشــوفه نقــطة الارض هالخفّـاش

ولا يشوفني مضبـــوط لجـل ان ما له ريش



يطيـــر ويوقّـــع في ظـــلامه مع الاوباش

بليــــلٍ سواده مثـل قلــبه يحـب يعـــيش



وانا صقر من فوق الطيور ولهـــا طشّـاش

اطشّ اللحــم واطـــشّ من فضلتي بخشيـش



وكلٍ عـلى ما يرغـــب يحــــدّد ويعتــاش

تعشّى الذيـــــابه والضبـــاعه لها تنبيش



يطيــــر النـحل ويدور الزهــــر بالمنقاش

وتلقى الذبــــاب يدوّر (.....) مدري ليش؟



ولا يفرح بزلّــــة رفيـــقه سوى الغشّـاش

يبي طعنـته ويختـــل يمّــه شويش شويش



ولا فيه معصــــومٍ من الناس مهـــما عاش

يزلّ البنـــآدم مـــرّه وعشــر وقت الطيش



لكنّي كبيـــر وقدري اكبر وجـاشي جاش

ولالي طرف يدعـــس عــلاه ويزين العيـش



ضحك بي وصغّرني وانااصفاله إمن الشاش

وابرسل له ابيــات القصيــده سرايا جيش



تدقّــه وتضــرب معه شخصٍ عزيـز انحاش

عن مواجـــهي ومغيّــر إسلوكه التحريش



تهـــزّا وقلّــد وانثبــــر ياكل الفشــفاش

وصوّب رصـــاصه يمّ ضيـــفه هذاك الهيش



من اللّي بقلبه يونـس الصوت فيـه ارعاش

تحســـّن وقلِّـــد هذي اليــــوم يادرويش



ولاهو صغيــر السنّ بس العظــام هشـاش

وش اقـــول بسّ ويــش اخلّي وويش وويش



ترى الضيــف يكرم عندنا والوجيه بشاش

ولا يشتكي في مجلــس العــزّ من تطفيش



جفــون النشامى له غطا والعيـون فراش

وعسى جــابةٍ تجرح مقامه غلـط ماتطيش



وعلى قــول ابن جدلان يقتشــّها القـرّاش

وعن النار ما تلقــى مجــامل ولا تخشيش



وانا لي كرامه دونها ما اقفـــل الارمـاش

ولي عــــزّةٍ ما تقبـــل الجرح والتخديش



مسلّط على المخطيـــن ماهو لعــب بطّاش

ويبقى كريم النـــفس منّي حشــا ما نيش



كذا المحقـــريّه تعمل وغــاش دمّي غـاش

وانا اسكت واجامل واحتمل منهم التلطيش



لكن القلـــوب الميــــته لذعـــها الإنعاش

فلا يلومني عـــاذل ولا يقول لي تحشيش



وشعــري وصل ماهـو بحاجة ضيا وفلاش

مهمّش علــوم اهل الحســـد والردا تهميش



ولي سيف مصقولٍ على اشكالهم حشّـاش

يسلّـط على من هــــاز مكانتي لو ايـــش



وترى القــافله تمشي ولو للكـلاب هواش

كلابٍ تمــوّت دعـس واخـرى من التطنيـش



فاصله...
,

لآ أعلمَ مآذآ يصيُبنيَ حينُ ( يتَحدثونُ ) عنها !
تتسآرعَ دقآتُ قلبيَ , وتخنُقنيَ آنفآسيُ , ويختفيَ صوتيّ !
فَ آحآولُ جآهداً إخفآء ذآلكَ عنَ منُ حوليَ ,

وحينَ آختَليً بَ نفسيَ , آتسآءلَ بَ دآخليُ , هلُ عآدُ ذآلكُ ( آلحبُ مجددآ ) :icon26:!

منصور
ابدعت بهذه الرائعه الجميله
صح نبضك
ودام حرفك

جزل يا منصور

صح قلبك وكلك


وسلمت اناملك



تحيتي لك

ترى الضيــف يكرم عندنا والوجيه بشاش

ولا يشتكي في مجلــس العــزّ من تطفيش



جفــون النشامى له غطا والعيـون فراش

وعسى جــابةٍ تجرح مقامه غلـط ماتطيش



وعلى قــول ابن جدلان يقتشــّها القـرّاش

وعن النار ما تلقــى مجــامل ولا تخشيش


منصــور

لله درك سجل اعجابي بحرفك

صح لسآنك خيو
وتسلم يمينك
قصيده روعه والله

http://forums.5ligi.com/imgcache/529...1170a0f14c.gif

الله الله صح لسانك وبيض الله وجهك يامنصور


مبدع في كل حالاتك


دمت للشعر... بخير وصحه وسلامه

الاخت ساميه

الله يعطيك العافيه والف شكر على المرور الكريم

ابو عبدالرحمن

بيض الله وجهك وسلمت يالغالي

كاسب العز

صح بدنك ومما يشرفني ويسعدني

الاخت مي العقيلي

يعطيك ربي العافيه ولاهنتي على المرور

الاخ الغالي قيس

بيض الله وجهك على المتابعه وممايسعدني ويشرفني مرورك