.♥►█ بين الامل والياس ►█ ...(3 ).قـلــمي..مياس القصيم..
بسم الله الرحمن الرحيم
قصيدة
,,,,(( بين الامل والياس )),,,,
لاواعذابي كل ماحل طاريه * انهج وسوق الرجل في كل ديره
لعلي ادله عنه واقول ناسيه * ودله مع الجلاس في كل سيره
وليا خذيت شوي نفسي تحاتيه * الغالي اللي حطني وسط حيره
كن الامل في جوفي النار تكويه * والياس عيى لايجي مع نظيره
ودي ولو يطلع من الراس وارميه * وانسى مع النسيان واقول خيره
تعبت من كثر الوله يوم اخفيه * يسطي على حالي عسى الله يجيره
حتى الخوي في خاطري مايراعيه * يشره وانا اللي راجين بالمشيره
ليته يحس ابخاطري يوم انا اشكيه * ماكنه اللي كان يضحك بغِيره
انام واصحى من منامي وناديه * حتى انفضح لي سر مع كل سيره
,,,,,,,,,,,,,,,,,,,,,,,,,,,,,,,,
قلمي..
الشاعر مياس القصيم ... مبارك فتنان الفريدي
