يالسنافي لا تغرك هالعبيطه.......جديد

[poem=font=",6,darkred,bold,normal" bkcolor="white" bkimage="" border="double,4,darkred" type=2 line=0 align=center use=ex num="0,black""]
اتحدى من على ظهر البسيطه = شاعرٍ يكتب بخطٍ مثل خطي
لو جمع حبره وفكره مع شريطه = ما وصل شطه وبحره يم شطي
ما كتبت من الحروف الا الغويطه = ولا ربطت من المعاني زان ربطي
حرف قولي لا كتبته زاد حيطه = ويتسلح مع حسوده بالتغطي
والدروب الي على ظهر الخريطه = كلها تقريب واقع شبه ضبطي
يالسنافي لا تغرك هالعبيطه = طبعها غدار ما ترحم وتسطي
زينها دبلاج من فلم الهبيطه = كذب واضح مبطيه والوقت مبطي
تذبحك في حبها جرحك تخيطه = تمطرك بالويل ولا جاك نبطي
ما نفع حبك لها حب الوسيطه = ما حمى جلد اليهودي وصف معطي
يالسنافي دام رجلك لك نشيطه = اغتنم وقتك وارحل منت مخطي
والفتاه الي تغرك بالسقيطه = اللعن الحظ الردي لو جاك يخطي
خل سيرك بالسفر من جنب حيطه = وانتبه تخبطك حيطك شر خبطي
خط دربك بالوفا زين تخطيطه = رحلتك عسره وفيها لا تبطي
السليطه ما احرزه كود السليطه = حط لامن شال وان ما شال حطي
والله ان السر لو زاد تحويطه = لاعرفه ثالث مثل ريحه تعطي
ويا جماهير القصيد الي (فـ)محيطه = صار شط الشعر ولا صار شطي
شاعرٍ دربي ترى مثل الخريطه = يسلكه منهو بغى بالضبط ضبطي
ما نفع حبره وفكره مع شريطه = لان خطه مستحيل يكون خطي
[/poem]

صح لسانك وقلبك

لاهنت

صح لسانك يا عبدالعزيز

قصيدة رااااائعة

لله درّك

وبانتظار جديدك

جزل ياعبدالعزيز


صح قلبك وكلك


وسلمت اناملك


تحيتي لك

صح الله لسانك ..



راائعه بروعة طلتك ,,



تقبل مروري



أخوك



مشعل @@

صح لسانك ياعبدالعزيز

هندسه شعريه رائعه

لله درك