يا ليـــ مشعل ــــتني

السلام عليكم صباحكم (مساكم )ورد وفل لكسر الروتين اتمنى ان تدخل البسمه الى قلوبكم


[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من بيــنكم يا لابســـين العـمايــم=يـا ليـتني مشـعل ولابــس عـمامــه
واسـوق سـياره وبالجيـب دايــم=إثـبـات شـخـصـيه واطـق الـلـثامــه
واجي واروح وبالمواجيب قايــم=مـا دام انـا مـواطـن فـلا به ملامـه
والبس عقال وللشنب خط سايــم=وامـي تــناديـنـي فـديـت الـعمامــه
وإن قال أبويه وين ياشعيل هايـم=قلـت الجـماعــه روحـو لـلثـمــامــه
وتراي احب البر وقت الجهايــم=شـفـي وهـوابـالي بغرب المـنامـــه
من فوق جيب ن للمهـمات زايـم=يـا زهـمـته قـام مـا أزيـن زهامــه
مـا فـوقه إلا خـمـسةً باللـطـايــم=باول شروق الشمس نركب جهامه
وليـا وصـلنا للهـدف والـغــنايـم=مـا بينـنا حـاســد ولا بـه نـمـامــه
ناديت شب النار ماني بـصـايــم=وهــات الدلال وقـرب الكـيف دامـه
ماحولي إلا الطيـر بالجوحـــايـم=وانـا الاميـر الـلـي يــكـرم مـقامــه
ووسط البلد ماني كثير الـذمايــم=ليا ضاق صدري رحت حي السلامه
امر هاك الـدار والفـكر حــايــم=لـي عندهم قلب ن غدت به حـمامه
تلعـب بقلبـي لعـبة أم الغـمــايـم=غنـدورةٍ لا شـفتها قـلت (مــامــه)
ويستانس الخاطر بهب النسـايــم=لا جـاتنـي مـن يـم ظبـي الـعدامـه
وليا رجعت البيت والعود نــايـم=ما حـس فيـني غـارق ن في منامـه
وامي تحرانـي بصـبر ومــلايــم=تـقـول ويـنـك كـن يـومـك بعـامــه
ابـوك يسـال صـكني بالشــتايـم=كـدر لـي الـخـاطـر بكـثرة كـلامـه
وأنـاأتعـذر وأعتـذر عــنك دايم=هـذا يابـومـشعل شـباب وغـشـامـه
بس الأمـاني مـا تحـقق لــرايـم=وانـا مـناتـي مسـتحـيل ن مـرامـه
شطحت بالأحـلام حـد اللـزايــم=لانـي بـلا مشـعل ولاابـغـى عـمامـه
انا الهنوف اللي لها الورع شايم=وأشـوم لــه وأشـعل بقـلبه غــرامـه
[/poem]


ودي اللؤلؤة

[align=center]
اللؤلؤة

سلمت وسلم بوحك

احلام مجنووووووووونة
في نص تميز بالتلقائية

صح لسانك

ودي ..
[/align]

حلو تخيل الاحلام وبدعها في نص شعري بادوات مميزة كالادوات اللي تملكها اللؤلؤة عموما صح لسانك لله درك قتلتي الروتين

مشعل ,,,,


اووه اسف

اللؤلؤه ,,,


الف صح لسانك ولاهنتي


والله انك خطيره ههههههههههههه

بتروحين للمنامه وبتسوين قهوه وبتحبين لك فتاتن جميلتن وحركات يامشعل هههههههههه


مره ثانيه الف صح لسانك ولاهنتي

بارك الله فيك

لك مني أجمل تحية

تقبل مرورى

كاسب العز

الؤلؤه


صح لسانك وقلبك

خيال واسع وصور شعرية جميله

اقتباس:

---

ووسط البلد مانـي كثيـر الذمايـم ليا ضاق صدري رحت حي السلامه

---

يالله السلآآآمه : )
اللؤلؤوه احسبيني معك واحد من الخمسه اللي باللطايم هههههههههههه
رآئِعه مثْل العَاده وسرْد جميل جدآ
ادخلتي البسمه لقلوبنا
عسى الله يدوم هالبسمه ويدوم ابدآعك
صح لسآنك وصح قلبك
ولاهنتِي

ههههههههههههههههههه والله أني استانست أن اسمي مشعل ^_*

لهدرجه اسمي حلو ؟؟


هههههههههه



صح لسانك أختي اللؤلؤه ’’



اول مره اقرأ قصيده بهذا النمط يعني دايم افكارك غريبه ومميزه ,,


تحياتي لك ..


سجلي أعجابي على هذه الراائعه ,,



أخوك




مشعل @@

[QUOTE=السياسي;2604402][align=center]
اللؤلؤة

سلمت وسلم بوحك

احلام مجنووووووووونة
في نص تميز بالتلقائية

صح لسانك

ودي ..


الاخ الفاضل عبد الله صح بدنك واشكرك ع المرور النير عافانا الله وياكم من الجنون( يمكن يتحقق حلمي في يوم ما)ههههههههههههههههه


اللؤلؤة

[quote=ناصر أحمد الخريش;2604413]حلو تخيل الاحلام وبدعها في نص شعري بادوات مميزة كالادوات اللي تملكها اللؤلؤة عموما صح لسانك لله درك قتلتي الروتين

الاخ الكريم بل الاستاذ العظيم ناصر اشكرك على هذه الكلمات وهذا التواجدوالمرور العطر

ودي اللؤلؤة

اثلجت صدري

اقتباس:

---

المشاركة الأصلية كتبت بواسطة محمد بن ضاوي

مشعل ,,,,


اووه اسف

اللؤلؤه ,,,


الف صح لسانك ولاهنتي


والله انك خطيره ههههههههههههه

بتروحين للمنامه وبتسوين قهوه وبتحبين لك فتاتن جميلتن وحركات يامشعل هههههههههه


مره ثانيه الف صح لسانك ولاهنتي

---

صح بدنك يالطيب والله لا يهينك مرورك اسعدني وشرفني

لكن انا مو رايحه المنامه هههههههههههههههههههههههه



ودي اللؤلؤة

اقتباس:

---

المشاركة الأصلية كتبت بواسطة كاسب العز

الؤلؤه


صح لسانك وقلبك

خيال واسع وصور شعرية جميله

---

يا الف مليون مرحبا بالإداره اسعدني مرورك


صح بدنك يالطيب


ودي اللؤلؤة

[quote=أريج الرياض;2604466]

يالله السلآآآمه : )

اللؤلؤوه احسبيني معك واحد من الخمسه اللي باللطايم هههههههههههه
رآئِعه مثْل العَاده وسرْد جميل جدآ
ادخلتي البسمه لقلوبنا
عسى الله يدوم هالبسمه ويدوم ابدآعك
صح لسآنك وصح قلبك
ولاهنتِيي
اروجه افاااا والله إنك السواق
لكن مستأذنه من الوالد والامز غه مثلي 0إنشأالله إني اكون عن جد ادخلت البسمه الى قلوبكم يعطيك الف عافيه على هذا المرور الجميل

ودي اللؤلؤة

اقتباس:

---

المشاركة الأصلية كتبت بواسطة مشعل الثبيتي

ههههههههههههههههههه والله أني استانست أن اسمي مشعل ^_*

لهدرجه اسمي حلو ؟؟


هههههههههه



صح لسانك أختي اللؤلؤه ’’



اول مره اقرأ قصيده بهذا النمط يعني دايم افكارك غريبه ومميزه ,,


تحياتي لك ..


سجلي أعجابي على هذه الراائعه ,,



أخوك




مشعل @@

---

صح بدنك يالطيب وعسى الفرح دوم يا رب
شكلي بصدق إني فعلا مشعل

ما اشوف ولا نشميه مرت يمكن شكو فيني يالله سترك

يعطيك العافيه يا اخ مشعل شرفت متصفحي

اللؤلؤة

الله الله يا اللولوة

رااااائعة كالعادة

وقصيدة فكرتها غريبة وجديدة

لله درّك

وبانتظار جديدك