يا كثر ما نسمع ويا قل ما نشوف

[poem=font="simplified arabic,6,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=2 line=0 align=center use=ex num="0,black""]
يا كثر مانسمع ويا قل ما نشوف = والعلم اللي من صالح الناس اشاعه
مستقبل(ن) لونه رمادي وبه خوف = لا بيت لا ارض وبس سمع(ن) وطاعه
طاعة ولا ماهي على ارقابنا سيوف = طاعة غلا ماهي بطاعة صياعه
نغضي لو ان الامر واضح ومكشوف = والصمت عند كبار الاريا شجاعه
من دون وال الأمر تاقف لنا وقوف = مجالس(ن) فيها التشاور ضياعه
ترسم لنا خط(ن) مزفلت ومرصوف = قدام والينا تحفظ الوداعه
وهي من ورانا تلف وتدور وتطوف = لا هي بصالح فرد والا جماعه
لا والله الا عندي ضروف وضروف = وغيري بعد عنده ضروف ومجاعه
إلى متى والحق يا ناس مكتوف = وإلى متى وقلوب اهلنا رعاعه
ما ودنا بارهاب والوضع محفوف = لكن نبي للصوت بس استماعه
يا والي امر الناس ما بيننا ضيوف = حنا معازيبك ترى كل ساعه
ناقف بوقت الضيق بصفوف وصفوف = ونطوع اللي ما يطيع ببراعه
وان كان شكوانا تقوي لها ضعوف = ما هو خطا يا جا ضعيف(ن) متاعه
متى على الله قبل ما نسمع نشوف = والنور واضح ما يخفى شعاعه
[/poem]

جزل يا عبدالعزيز


لله درك

وصح قلبك وكلك



تحيتي لك

قصيده جزله
صح لسانك
وسلم بنانك
تقبل تحياتي

صح لسانك وقلبك

لاهنت

صدقت والله
اخي الكريم صح لسانك والله لا يهينك



ودي

السلام عليكم ورحمة الله وبركاته

يا جماعه القصيدة ما تطلع عندي اذا كانت منسقة !!

صح لسانك اخوي

صح لسانك وسلم منطوقك وافية من وافي ..

متى على الله قبل ما نسمـع نشـوف
والنور واضـح مـا يخفـى شعاعـه

,
,
,
عبدالعزيز العدواني ,,,

صح لسانك ولاهنت



( والعلم اللي من صالح الناس اشاعه )
وجدت صعوبه في مطابقه هالشطر على باقي القصيده

صح لسانك يا عبدالعزيز

راااااائع


لله درّك

وبانتظار جديدك

* اتفق مع ابن ضاوي على ما ذكره

عبدالعزيز العدواني
صح لسانك وبيض الله وجهك
لاهنت

الشاعر عبدالعزيز العدواني
صح السانك أبيات جززله
تقبل مروري وتقديرري