أبكي من الفرقا وهي مابعد جات

ليه المسا عـوق الشقـاوي وطبّـه؟

وليه الهبوب تصحي القلب لا بـات؟

وليه القمر يدعـي جريـح المحبّـه؟
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

((وليه المطر بالذات ريحـه.. وصبّـه
كنّه رسول بيـن الاحبـاب بالـذات؟))

اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات

لا استانس الخافق ذكـر مـن يحبّـه
ورجع يراجع فالوناسـات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيهات يدله خاطـري منـك هيهـات

سبك مديـح .. ومـدح غيـرك مسبّـه
تقول واذني صوتها تقول لـك هـات

ونبع الغـلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعينـي مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجـس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهـي مابعـد جـات

الـيـوم كــل امورنا..مستـتـبّـه
وبكره ماندري وش معه من مسـرّات

اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

ولكم خااالصـ التحيـه ,,,

منقوول

اختيار رائع بارك الله فيك

لك مني أجمل تحية

تقبل مرورى

كاسب العز

سبك مديـح .. ومـدح غيـرك مسبّـه
تقول واذني صوتها تقول لـك هـات


قمة الروووعه..
سلمت لنآ ذائقتك العذبه
دمت ودامت ابداعاتك ....~

مجنون بك ...
يسلموووووو ... على انتقاء القصيده الراااائعه للشاعر العذب محمد بن فطيس ...

تحيتي ...

شـكــ وبارك الله فيك ـــرا لك ... لك مني أجمل تحية .

اقتباس:

---

لا تحسب ان دمعي نـزل دون سبّـه
ابكي من الفرقا وهـي مابعـد جـات

---

آه ياطاري فرقا

يسلمووو خيتوووو
لاعدمنااااك

اختيار مناسب

يعطيك العافية

ياسلآآآآم
أختيار جميييييل
من اجمل ماقرأت لابن فطيس

اختيار اكثر من رائع
شكرا لك

راااااااائع
ربي يعطيك ألف عاآآآآآآآآآفية

لكـ شكري

بسم الله الرحمن الرحيم

السلام عليكم ورحمة الله وبركاته

رائعه جدا

كل الشكر لك

اختك