ماكل ما يطري على البال ينقال
السلام عليكم إن شا الله الجميع بخير
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما كل ما يطري على البال ينقال = وما كل ما نسمع نروح ونقوله
الله عطانا العقل مع طولة البال = وكـلن علـى دربه تـدله رجوله
يا كم برجل(ن)ما نعده برجال = من بيـنكم ما هـوب كفو الرجوله
حتى الإنوثه لو نسبها له يقال = ما تفتخـر به ولا تشـرف بـزوله
كم ناعسة طرفٍ وكم لابسة شال = نـشميـةٍ بنـت العـرب والحـموله
نعدها بمليون والفين رجال = لوحـقهـا ضـايـع ومنـسي بـدوله
وبإسم القبيله والمبادي والأحوال = غابت مغيب الشمس والحول حوله
يا كثر ما في خاطري دار موال = ويـا كثر مـا بالنـفـس ودي اقـوله
بس الحقيقه ما بقى شي ينقال = وعيني على اللي عينكم به خجوله
واعمري اللي راح مافيه مجال = إن كان أصحح والا أغير قبوله
عشرٍعلى عشرٍ وعشرٍ لها قفال = وأزيـد هن شـوي مـاني بطـوله
يرحمك ياعودٍ له الطيب مدهال = ليـا ذكرته جـالـت النـفس جوله
والدمع من عيني على الخد همال= تـمرني بـه ذكـريات(ن)عـجوله
وأوقف وانا في خاطري حزن منهال = ولا ني بباأنسى كود أكون مهبوله
ابوي راح ولحقه العم والخال = وباق العرب كثرة عدد في نزوله
الموت دايم للأجاويد حمال = وشين البشر باقي بباقي حموله
الله يا دنيــا دنـيه وتنــعال == عالت علينا احوالها في علوله
مثلي تعب وانا تعبت بهاك الحال = من عاش فيها وإفتكر شاب حوله
شيب وهو ما قد وصل شيبة الفال = وكلن يموت وله أمل ما يطوله
أواه ياما ما طرالي على البال = وما كـل مـا يطري علـينا نـقوله
[/poem]
رد: ماكل ما يطري على البال ينقال
اللؤلؤه ,,,
صح لسانك ولاهنتي على هالرائعه
المـوت دايـم للأجاويـد حـمـال
وشين البشر باقـي بباقـي حمولـه
الموت مايخلي احد لكن مايفقد الا راع الذكر الطيب
الله يطيب ذكرنا دنيا واخره
رد: ماكل ما يطري على البال ينقال
[quote=محمد بن ضاوي;2599544]اللؤلؤه ,,,
صح لسانك ولاهنتي على هالرائعه
المـوت دايـم للأجاويـد حـمـال
وشين البشر باقـي بباقـي حمولـه
الموت مايخلي احد لكن مايفقد الا راع الذكر الطيب
الله يطيب ذكرنا دنيا واخره
ياهلا والله والف مرحبا بلإداره أشكرك يا أخي الكريم أولا على تحريرالمشاركه
وثانيا على مرورك العطر
الله لا يهينك ويعطيك الففففففففففف الففففففففف عافيه
تشكراتي وودي اللؤلؤه
رد: ماكل ما يطري على البال ينقال
يا كم برجل(ن)مـا نعـده برجـال
من بينكم ما هوب كفـو الرجولـه
الله عليكٍ مبدعهٌ..صحً لسآنك عزٌيزٌتي.ٌ.
رد: ماكل ما يطري على البال ينقال
ومسَآئِي يتوآلَى ببثّ الفتْنَه مِن نسآيِم آلقصِيد..،
الله يااللؤُلؤَهـ
حرُوفْ موسُومَه على صدْر الإبدَعْ..
كتبتِي وتفنّنتِي
ومآزلْت اقُول ان نهجِك خآص ويرُوق لِي..،
صَح الله بُوحك ونبِض رُوحك
ودُمتِي يامتألّقَه...؛
رد: ماكل ما يطري على البال ينقال
مبدعه ياللؤلؤة
صح قلبك وكلك
وسلمت اناملك
تحيتي لك
رد: ماكل ما يطري على البال ينقال
رد: ماكل ما يطري على البال ينقال
اقتباس:
المشاركة الأصلية كتبت بواسطة ساره البلوي
يا كم برجل(ن)مـا نعـده برجـال
من بينكم ما هوب كفـو الرجولـه
الله عليكٍ مبدعهٌ..صحً لسآنك عزٌيزٌتي.ٌ.
ساره
يا هلا وغلا والف مررررررررررررررحبا نورتي متصفحي
صح بدنك عزيزتي والله يعطيك الف عافيه
دمت بخير
ودي اللؤلؤة
رد: ماكل ما يطري على البال ينقال
اقتباس:
المشاركة الأصلية كتبت بواسطة أريج الرياض
ومسَآئِي يتوآلَى ببثّ الفتْنَه مِن نسآيِم آلقصِيد..،
الله يااللؤُلؤَهـ
حرُوفْ موسُومَه على صدْر الإبدَعْ..
كتبتِي وتفنّنتِي
ومآزلْت اقُول ان نهجِك خآص ويرُوق لِي..،
صَح الله بُوحك ونبِض رُوحك
ودُمتِي يامتألّقَه...؛
حياك الله يا أروجه وكلماتك اثلجت صدري ووالله إن لك عندي معزه خاصه
وصح بدنك يالسنافيه
اشكركك على المرور العطر
والله يعطيك العافيه
ودي اللؤلؤة
رد: ماكل ما يطري على البال ينقال
صح الله لسااانك ياشاعرتنا ..
أبدعتي فأمتعتي ..
راائعه أعجبتني ..
تقبلي مروري ياخوك
تحياتي لك
أخوك
مشعل @@
رد: ماكل ما يطري على البال ينقال
يرحمك ياعودن له الطيب مدهال ليا ذكرته جالت النفس جوله
الله يرحمه ويرحمنا جميع وبيض الله وجهك وصح لسانك ..
وشهاده لله اللؤلؤة واريج الرياض اضافة مميزة لغرابيل تمنياتي لكن بالتوفيق ولله دركما وننتظر منكن المزيد..
رد: ماكل ما يطري على البال ينقال
.
الله
الله
اللؤلؤة
ياسلام عليك
والله العظيم ابيات من الوزن الثقيل ...
الله عطانا العقل مع طولة البال
وكلن على دربه تدله رجــوله
والله عطاك الشعر الجزل
صح لسانك ولاهنتي
دمتي بخير
م ح م د ..!!
رد: ماكل ما يطري على البال ينقال
مبدعه ياللؤلؤه
صح قلبك وكلك
والله يرحم من فقدتيه
دمتي ودام تميزك
ولك ودي وتقديري
رد: ماكل ما يطري على البال ينقال
اللؤلؤة
صح لسانك ملايين ولا يكفون
وبيض الله وجهك
لاهنتي
رد: ماكل ما يطري على البال ينقال
اقتباس:
المشاركة الأصلية كتبت بواسطة مشعل الثبيتي
صح الله لسااانك ياشاعرتنا ..
أبدعتي فأمتعتي ..
راائعه أعجبتني ..
تقبلي مروري ياخوك
تحياتي لك
أخوك
مشعل @@
اخي الكريم مشعل صح بدنك وماعليك زود يالنشمي
شاكره مرورك العطر
شرفت ونورت
ودي وتحيتي لك
اللؤلؤه