قصآئد مُختآرهـ للشآعر : فهد المسآعد ~
http://store2.up-00.com/Apr10/Odb60484.png
باب النسيان
كـل مافـي الأرض يـنـذر بالمـفـارق والغـيـاب
اللقا .. والشمس .. وحـروف الرسايـل .. والقبـور
وش بقى يوم أكتشفت أن آخـر الـدرب السـراب ؟!
والبحـر دمـع لسواحـل هاجـرت عنهـا الطيـور !
مالحزني صوت ؟ .. مدري هو خطـأ والا صـواب !
بس أعـرف أنـي حزيـن وصوتـي الليلـه جهـور
مـن يدّثـر صوتـي الليلـه ويكسـب لـه ثـواب ؟!
مالهـا يالشعـر غيـرك أنـت .. ياجبـر الكـسـور
يكفـي أنـي .. لابكيـت بدونـك أشعـر بإرتـيـاب
وكل ماأبكي فيك .. أشوفك لي .. عن اللي فيّ .. سور
أدري بيوتـك عرايـا .. لـكـن أوزانــك ثـيـاب
لبّـس جروحـي مـن أحزانـك وألبّسـك الصـدور
كـان يـامـا كــان والنسـيـان للعـشّـاق بــاب
عاشق ٍ لاشـدّ درفـة بـاب .. صـاح بـلا شعـور :
يقـدر النسيـان ينـزع غصـن مـن فـوق التـراب
بــس مايـقـدر يـقـرّب للـتـراب ولـلـجـذور
كيـف أبنسـى ذكريـات الطيـش الأول .. والشبـاب
ورفقـة الليـل العتيقـه .. وأول الفجـر الطـهـور
والمواعيـد وشغبهـا .. والـولـه قـبـل العـتـاب
وساعـة ٍ كـم كنـت أحـاول فـي عقاربهـا تـدور
والمكـان اللـي وهـن سقفـه مـن الفرقـا وشـاب
مـن بعـد ماكـان يحضّنـا مثـل طـفـل ٍ غـيـور
والمطـر لا لـوّن الشـارع .. وقلـنـا للسـحـاب :
بلـلّ أيدينـا .. تـرى العشّـاق أياديـهـم زهــور
كيـف أبنسـى والريـاض لسيرتـي مثـل الكتـاب !
حافظتني بيت بيـت .. و حـي حـي .. و دوُر دوُر
مـن كثـر ماكنـت أدوّر فـي شوارعهـا جـواب :
هو صحيح الحب أعمى ! أو عيـون النـاس عـور ؟!
كنت أشوف الحب عذب .. وهـم يشوفونـه عـذاب !
كان هـذا الحـب سـر ! .. وقلتـه وكلـي سـرور
علمّونـي فـي المدينـه كـيـف لاحبـيـت أهــاب
لكـن القريـه قمرهـا قـال : كُـن للـحـب نــور
في بلادي كنت عاشـق .. بـس شاعـر بإغتـراب !
ليـن صـرت الشاعـر اللـي تعشقـه كـل البحـور
علمّينـي يالقصايـد هـو خـطـأ والا صــواب ؟!
لارفضـت أنسـى عيـون ٍ عشتهـا شعـر وشعـور
هذا أنا لحالي .. هزيـل الحـال .. وأشعـر بإكتئـاب
كـن قلبـي جـال بحـر ٍ هاجـرت عنـه الطـيـور
أجرع الفرقا وأقـول الحـب عـذب .. وللعـذاب ..
كـل قلـب ٍ لاحرمـه الوقـت مـن خلّـه .. يبـور
ولين هـذا اليـوم أدوّر فـي المدينـه عـن جـواب :
ليه في شرعك .. يكـون الحـب معنـى للفجـور ؟!! --------------
http://store2.up-00.com/Apr10/iYc61737.png
الريح و النّاي
ليلة فراق و بـرد و بـروق و ريـاح
وصوت المطر يفصل اخطاها عن خطاي
نقرب .. وتنبت فـالوطى بيننا رمـاح
حتـى تلاقينا..لقـا الريـح والـنـاي
آخر لقا يغـزل مـن الغيمـة وشـاح
وأول لقا يمضي .. بلا موعـد جـاي
مسحت عن وجناتهـا صبـر وجـراح
وأنا جراحي كانت أكبـر مـن بكـاي
قلـت أذكرينـي ماهمـا بـارق ولاح
وأيّاك تبكينـي تـرى الدمـع نسّـاي
إذا سألوك الناس .. قولي لهـم : راح
بالك يجي طـاري وداعـي وفرقـاي
ترى الفراق الموحش .. فراق الأرواح
أما الجسد لـو غبـت تحييـه ذكـراي
صدّت .. و في وجناتها الدمـع ذبـاح
وأنا أعتـذر لعيونهـا عـن سوايـاي
تبكي وأنا أمسح دمعهـا كـل ماطـاح
كنت أحسب كفوفي بتمسـح خطايـاي
لو اجرحتني وقتهـا .. يمكـن أرتـاح
لكنهـا.. وبـدون كلـمـة ولا راي ..
أقفت توّدع عمرهـا اللـي معـي راح
وأقبلت أودّع عقبهـا عمـري الجـاي
http://store2.up-00.com/Apr10/FQU63477.png
التفاصيل الصغيرة
ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب
***
ياأدفى من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل : ماأبيك
وإذا رجعت اصالحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وماتحسسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
***
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع ونغترب
بالتفاصيل الصغيره
نقدر نعيش ونحب..
تحيآآتي لكل من مر هناإآ..~
رد: قصآئد مُختآرهـ للشآعر : فهد المسآعد ~
شمووووخ الاصايل ...
يسلموووووو ... على روعة الاختيار ...
تحيتي ...
رد: قصآئد مُختآرهـ للشآعر : فهد المسآعد ~
اختيارات رائعه بارك الله فيك
لك مني أجمل تحية
تقبل مرورى
كاسب العز
رد: قصآئد مُختآرهـ للشآعر : فهد المسآعد ~
يسلمو شموخ
مختارات رائعة راقت لي ...
رد: قصآئد مُختآرهـ للشآعر : فهد المسآعد ~
اقتباس:
المشاركة الأصلية كتبت بواسطة لذيــــــــــذ
شمووووخ الاصايل ...
يسلموووووو ... على روعة الاختيار ...
تحيتي ...
هلابك ..،
الله يسلمك ..،
الارووع مرورك..~
لاحرمناك ..،
رد: قصآئد مُختآرهـ للشآعر : فهد المسآعد ~
اقتباس:
المشاركة الأصلية كتبت بواسطة كاسب العز
اختيارات رائعه بارك الله فيك
لك مني أجمل تحية
تقبل مرورى
كاسب العز
حيآآك الله ..،
اسعدني مرورك..~
رد: قصآئد مُختآرهـ للشآعر : فهد المسآعد ~
اقتباس:
المشاركة الأصلية كتبت بواسطة (سديم الفجر)
يسلمو شموخ
مختارات رائعة راقت لي ...
هلابك ..،
الله يسلمك ..،
اسعدني مرورك..~
رد: قصآئد مُختآرهـ للشآعر : فهد المسآعد ~
اختيار رائع وابداع بارك الله فيك
رد: قصآئد مُختآرهـ للشآعر : فهد المسآعد ~
اقتباس:
المشاركة الأصلية كتبت بواسطة ولدالمدينة
اختيار رائع وابداع بارك الله فيك
هلابك..،
زآآدت الرووعه بحضوورك ..،
تسلم لاعدمنآآك ..،
رد: قصآئد مُختآرهـ للشآعر : فهد المسآعد ~
اختيار ذوق يا كل الذوق تسلمين
لاخلا ولاعدم
رد: قصآئد مُختآرهـ للشآعر : فهد المسآعد ~
اقتباس:
المشاركة الأصلية كتبت بواسطة ساميه
اختيار ذوق يا كل الذوق تسلمين
لاخلا ولاعدم
مرحبا مليآآر ..،
تسلمين يالغلا الذوق انتي منبعهـ ..،
يسلمك ربي..ولاعدمنآآك ...~
