جيــــــــان (( فكاهيه ))
السلام عليكم ورحمة الله وبركاته
مشاركه فكاهيه عشان كسر الروتين
[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الجادل اللي عليها من الله المستعان = ياسمنها ياجماعة خير ياسمنها
من شافها قال .. هذي والله الامتحان = ماودك الاّ تقرط فإشحمة إذنها
لولا ردى الحظ ماواجهتها في جيان =هي واختها اللي خذت من وزنها وزنها
قامت تعرّض عليه من مكان لمكان = عزي لمن يستمع في ساقته وحنها
الظاهر انها تدور حب مدري حنان = صحيح بعض السوالف ماعرف لحنها
انا بدويٍ ماعندي ياعرب .. كان مان = والبنت يازقناها زقناه يازقنها
لولا الحيا كان ألمّس جنبها الخيزان = حتى تبطل في وسط السوق من رطنها
حسبتها بالعقل للسوق ماهو امان = وش لي بناسٍ تهج مع الخلا هجنها
اللي ركبها الغضب ماعاد فيها إتزان = ولا فكرت في ابوها العود ولا إبنها
اطول مافيها اللسان اللي يلوط الاذان = وياسرع ماينفري لازعلتها سعنها
قلت اسمعي والثقل صنعه .. بلاشي جنان= والناس لولا العقل ماينفهم لكنها
لقافتك يابنيّه ماوراها ضمان = وش خانت اللي ماحطت دينها حصنها !!
يابنت فالسوق شوفي لك من الديشران = اللي تحتت شواربها على دقنها
وانا مع اهل الغزل مالي مكان وزمان = اسمع بدهن السيور ولا عرف دهنها
محبوبتي غير عن كل البنات الحسان =في دينها في تعففها وفي حسنها
فالقلب ماعاد خلت للغنادير شان = من يوم ساقت وقادت فالحشا ضعنها
على كذا .. افهمي قبل ماغادر جيان = قدام تستفحل الدعوى وجب مكنها
انا اعتبرتك بنيّه عرّضت للعيان = ماهيب شينه لاكنه زايدٍ وزنها
[/poem]
وسلمتو,,
رد: جيــــــــان (( فكاهيه ))
ههههههههههههههههه
مشيها على الكميائي ينزل وزنها بسرعة
والا اقولك خلها تشرب اناناس وكيوي يصهر الشحم
صح لسانك
الله يعطيك العافية
رد: جيــــــــان (( فكاهيه ))
فراج العتبي
صح لسانك وقلبك
لاهنت
رد: جيــــــــان (( فكاهيه ))
محبوبتي غير عن كل البنـات الحسـان
في دينهـا فـي تعففهـا وفـي حسنهـا
فالقلـب ماعـاد خلـت للغناديـر شـان
من يوم ساقت وقادت فالحشـا ضعنهـا
صح قلبك وكلك
جزل ومبدع دوما
تحيتي لك
رد: جيــــــــان (( فكاهيه ))
صح لسانك يافراج اقسم انك منسم هههههههههههه لاهنت وانا اخوك
رد: جيــــــــان (( فكاهيه ))
فراج العتيبي
صح لسانك ملايين ولايكفوون
لكن وش جايك على المنتفخات هههههههههههه
تتوقع انهن مايعرفن الغزل ماغير اكل بس
صح لسانك مره ثانيه يافراج وانت مبدع بكل حالاتك
لاهنت
رد: جيــــــــان (( فكاهيه ))
صح لسانك ودام احساسك
فكاهيه رائعه
تحيتي لك
رد: جيــــــــان (( فكاهيه ))
صح لسانك يا فراج
قصيدة خفيفة على القلب
لله درّك
وبانتظار جديدك
رد: جيــــــــان (( فكاهيه ))
هههههههههههه
صح السانك يالعتيبي
رد: جيــــــــان (( فكاهيه ))
صح لسانك يافراج
لك ودي وتقديري
رد: جيــــــــان (( فكاهيه ))
فرآج العتِيبِي..،
يسعدلِي الفكَاهه اللي مثِل هذِي :)
حقِيقَه اسمتَعت بقراءَة هَالنص الجمِيلْ..،
مُبدِع وممتِعْ..،
صَح الله احسآسِك ونبِض قلبِك
وفكك من الدبيّات :)
دُمت يارآئع..؛ http://www.almlf.com/get-3-2010-almlf_com_brweff4w.gif
رد: جيــــــــان (( فكاهيه ))
فراج العتيبي
صح لسااانك مليووون
سلمت يمناك
سلام..
رد: جيــــــــان (( فكاهيه ))
رد: جيــــــــان (( فكاهيه ))
السلام عليكم ورحمة الله وبركاته
فراج وش جاكم مامدانا خلصنا من حصه المسكينه
لكن عن جد رائع وصح لسانك يالطيب امتعتنا
يعطيك العافيه
ودي اللؤلؤة
رد: جيــــــــان (( فكاهيه ))
ماعندك كاني ماني هههههههههههه
صح لسانك