(صباح الخيررر) انا ربعي سليم أهل المعالي والوفا المطلوب

[poem=font="arial,6,black,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]

(صباح الخير) يالطيب صباح المسك ياحبوب =صباح الضيقه اللي مالقت صدر ايتحملها
صباحٍ في عيون المترفات الناعسات يذوب =صباحٍ يشعل الدنيا من الاشواق باكملها
صباحٍ يبهر أبيات القوافي بجزل المكتوب =يعسف اجزل بيوت الشعر غصبٍ مايتحايلها
صباح الود والتقدير بأروع وعذب الاسلوب = من أطراف الجزيره الجنوبي لين حايلها
ومن بحر الخليج اليعربي الحالي المشروب = اليا ساحل عروس البحر الاحمر باخر اسفلها
قصيدي ياقصيدي كان ماتطرب دول وشعوب=ماضن تحقق الصعبات لي ولا تذللها
وانا مومن وراضي من ولي العرش بالمكتوب=وكل يوم ابرم اشنابي على الشعار وافتلها
يادكتور المرض شفلي دوى شراب والا أحبوب = انا نفسي من الضيقات والله غير احايلها
وانا رجال مابي من عيوب الناس لو عذروب = وعسرات الحمول اليا ارتكيت الها أبك شايلها
وشاعر أرصف احروف القوافي مثل لبن الطوب =ب هجو الشعر محدٍ لحيتي يقدر يبللها
تحياتي بكل شروق شمسٍ لك وكل غروب = تبلغك الوفا مني أمانه لك محملها
ليا مني لعبي يامساعد ناحل الرعبوب =حروف الشعر فى الغالي ليا هيجنت اجملها
(انا ربعي سليم أهل المعالي والوفا المطلوب) =حروف النضم بفكاري ليا عايرت اراجلها
بطلقه وحده من هاجسي كل الحروف أثقوب =ولو تكت علي اصعب صعيبه ما تثيقلها
وكان اني بحزات الشدايد عنهم مانوب =حروف الشعر بالساني عس الله لايحللها
ولا بسليم ربعي والزعوب قصور ولا عزوب =وانا ناوي سليم وزعب باجزل شعر امثلها
وانا ماني على السلمان ولا زعبٍ بمنصوب= ولو بعذب حروف الشعر انا جادلت مازعلها
لك الله مابقا لي من عنا الدنيا ظهر وجنوب = وفي صدري هموم من الزمن ماقوى اتجاهلها
ختام القول ياربي علي انك عساك اتوب=وعن ذكرك يارب الكون نفسي لاتغفلها

[/poem]