اول مشاركه من وده يلعب يالربع
السلام عليكم ورحمة الله وبركاته
إدارة وأعضاء منتديات غرابيل الكرام أتشرف أن أكون بينكم أحد أعضاء منتديات غرابيل
كما أتشرف باللعب معكم وأستلموا فاتحة خير وأرجوا أن تتقبلوا في صفحات المحاوره والجاهز يبين راسه الله لايهينه ودمتم ...
[poem=font=",6,skyblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلامي على أهل الطيب في شتى الأقطار = سلامن يعد ومعه شيمه وقيمه
ألا ياغرابيل اجلب علوم الأمطار = من أهل العلوم اللي عليها الوسيمه
[/poem]
رد: اول مشاركه من وده يلعب يالربع
وعليكم السلام ورحمة الله وبركاته
حياك الله ياسلطان
مبدأ قوي وفتاك
صح لسانك ووصح لسان اللي بيرد عليك مقدماًً
رد: اول مشاركه من وده يلعب يالربع
يا مرحبا يا سلطان استلم وعسى الله يجملنا
هلا مرحبا بالشاعر اللي لفى الدار *** ينشد يدور عن علومٍ عظيمة
سمعنا علوم الخير في نشرة أخبار *** وحركات سلطان العطاوي قديمة
رد: اول مشاركه من وده يلعب يالربع
[poem=font=",6,royalblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يدوم البقا وأنته ترى منت جبار = ولا أنته يا أبن مانع براضع حليمه
أبى علم من رووس الصواريم الأحرار = ولكن هليم العرف جاب الهليمه
[/poem]
رد: اول مشاركه من وده يلعب يالربع
شف المحاوره القويه يا قيس
رد: اول مشاركه من وده يلعب يالربع
حليمة رضعناها من الصبح يا جار ** وعينك تناظر مثل ذيك اليتيمة
علومي على وضح النقا وسط مضمار ** وغصبٍ عليك اليوم ذب الخريمة
رد: اول مشاركه من وده يلعب يالربع
السلام عليكم بعد غيبه طويله وأحيي الشعار وأخص الشاعر سلطان الجلاوي قصدي العطاوي وأقول إلى الأمام ماشاء الله عليك شدني مبداك ومعناك وخشيت مع أني كان عندي ظروف ومبتعد عن النتنته وانا في صف العطاوي الله يزيده
رد: اول مشاركه من وده يلعب يالربع
الله يحيك ياكلاشنكوف وانا اعجبت في محاوره مع شعار المنتدى وخاصه محاوراتك مع ابن براك وعبيد الكثيري وارجو الاتبتعد عن المنتدى واتمنا ان تشاهد محاورتي انا وابن مانع ودمتم
رد: اول مشاركه من وده يلعب يالربع
:36_1_50[1[poem=font=",6,royalblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تراني عرفت أنك على سوبر ستار = غنيمه ولو منته هنا بالغنيمه
نبي منك علم الخير مير أنت ثرثار = تسولف ولكنك علومك مقيمه
[/poem]
رد: اول مشاركه من وده يلعب يالربع
تقوله ولعبك يالعتيبي على طار ** تنكس على صوت النغم يالبهيمة
علومك تخفيها ورى تل واستار ** تحسب العرب ترضى بفكرة سقيمة
رد: اول مشاركه من وده يلعب يالربع
[poem=font=",6,skyblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أبا اضربك فالخمسه وينتج بك أعشار = وجوك ترى أبا أجلا عنه كل غيمه
أجل هاك علمي وأنت في قلبك جسار = عسى الله يمنعنا معك فالظليمه
[/poem]
رد: اول مشاركه من وده يلعب يالربع
تمشى بوسط السوق في ظل سمسار ** ولاهي غريبة لو كسبت الذميمة
ولكن علامك تحرف السير لا سار ** وابعدها يالنيص غلطة جسيمة
رد: اول مشاركه من وده يلعب يالربع
ههههههههههههههههههههههه صح لسانك ياسلطان العطاوي وصح لسانك يابن مانع
ماقصرتوا يعطيكم العافيه
وحياك الله ياكلاشنكوف الحمد لله علئ السلامه عوده حميده
رد: اول مشاركه من وده يلعب يالربع
صحة السنتكم يامبدعين ..
تقبلوا مروري
أخوكم
مشعل @@
رد: اول مشاركه من وده يلعب يالربع
سلطان العطاوي
ياهلا وغلا
وحياك الله
امتعتنا بهذا العب الرائع مع شاعرنا بن مانع
صحت قلوبكم ودام لعبكم
كلاشنكوف الحمد لله على السلامه
ونبي نشوف لعبك على قولة سلطان
تقديري