[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أرسلوا للغالية مني سلام = وصلوا مني لها ( آخر خبر )
بلغوها إني حطامٍ في حطام=ولو يطول غيابها زرت القبر
علموها الحال ما عاده تمام =ولو صبرت اليوم قلبي ما صبر
فهموهما الصد يا عالم حرام=والخواطر كسرها ما له جبر
دام قلبي ما تعدّى الاحترام=ليه دربه في مشاعرها غبر
وليه أنا أمشي فالهوى حسب النظام=وليه أشوف المبتدا يصبح خبر
لا تخليني كذا لأهل الملام=عبرةٍ في الحب والدنيا عبر
كانها بالعز تبشر بالمقام=الرفيع اللي ينسيها الكبر
وكانها بالشوق والله ما ينام=الخفوق اللي غلاها به كبر
ذيك لو جيتوا لها هذا سلام=للعزيزة مع تفاصيل الخبر
بلّغوها إني بقى فيني حطام=وأوصفوا حالي وانا جنب القبر
[/poem]
