مساجله شعريه (اصقور مانحسب حساب الحنادي)
السلام عليكم ورحمة الله وبركاته
الله يمسيكم بالخير والرضا
هذي مساجله شعريه بيني وبين اح الاخوان العزيزين على قلبي
ارسلي بهذه الابيات واتمنى ان تنال استحسان الجميع
[poem=font=",6,darkred,normal,normal" bkcolor="transparent" bkimage="" border="double,6," type=2 line=1 align=center use=ex num="0,black""]
يالله طلبتك وانت رب السموات=ياحي ياقيوم ياخير هادي
انك تقديني دروب السلامات=ودلني يارب درب الرشادي
من بعدها مني سلام وتحيات=محمله بنسام مسك وكادي
على الصديق الصادق واخص بالذات=مبارك يبقى منزله بالفوادي
يرسي كما ترسي الجبال المنيفات=ويبقى خويي رغم الظروف الشدادي
مهما كتبنا من الجمل والكليمات=ماتوفيك لو كان جزل وجدادي
لك الشكر لك يازبون الثقيلات=ياللي كسبت الطيب وقت المهادي
ذكرتنا واحنا بحرب ومهمات=وكرامتك وصلت خطوط الجهادي
وابشرك وقفت شرف وابتهاجات=ولا نسمع لقول الصحف والروادي
واختامها مني سلام وتحيات=ومحمله بنسام مسك وكادي
[/poem]
فرديت عليه بهذه الابيات
[poem=font=",6,darkred,normal,normal" bkcolor="transparent" bkimage="" border="double,6," type=2 line=1 align=center use=ex num="0,black""]
يامرحبا ترحيب والطيب وقفات=بين الرجال اللي تعرف السدادي
جاني كتاب (ن) فيه بعض العبارات=تحمل مشاعر من صميم الفوادي
من صاحب (ن) بالجود إلي فيه هقوات=من رؤس قوم (ن) ماتعرف الشرادي
انت الخوي وقت الرخا والمسرات=وانت الخوي وقت العلوم الشدادي
تاقف كما ياقف زعيم البطولات=بالطيب والجودة يمينك تنادي
نلت الشرف والطيب مره ومرات=ونلت الوفاء يامسندي ياسنادي
دون الوطن واقف على كل ثغرات=وقفة شرف في وجه كل الاعادي
لك الشرف وانت الشرف والمروات=ياحمي (ن) دارك بضرب الزنادي
وحنا معك لاصار بالوقت ميلات=نفد الوطن برواحنا شي عادي
عدونا نسقيه سم (ن) وجرعات=اصقور مانحسب حساب الحنادي
[/poem]
وسلامة الجميع
رد: مساجله شعريه (اصقور مانحسب حساب الحنادي)
مبارك
صح لسانك ولسانه
ابداع لاهنت
رد: مساجله شعريه (اصقور مانحسب حساب الحنادي)
الله الله
صح لسانك يا مبارك ولسان خويك
أبيات رااااااااااااائعة
رد: مساجله شعريه (اصقور مانحسب حساب الحنادي)
صح لسانك يامبارك
جزاله في جزاله
رد: مساجله شعريه (اصقور مانحسب حساب الحنادي)
صوت جميل ..وصدى رائع
دمتما لبعضكما... ودمت شاعرنا للعذب المميز ..
رد: مساجله شعريه (اصقور مانحسب حساب الحنادي)
مبارك صح لسانك
ولاهنت
تقبل تحياتي
رد: مساجله شعريه (اصقور مانحسب حساب الحنادي)
صح لساااانك يامبارك وصح لسان خويك
تحيتي وتفديري لكم
دمتوا جميعاً بخير مسرات
رد: مساجله شعريه (اصقور مانحسب حساب الحنادي)
السلام عليكم ورحمة الله وبركاته
صح السانك اخي مبارك وصح لسان خويك
الله يعطيكم الفففففففففففففف عافيه
ودي وفائق تقديري اللؤلؤة
رد: مساجله شعريه (اصقور مانحسب حساب الحنادي)
مبارك الشلوي
صح لسانك حتى ترضى انت وخويك
وبيض الله وجيهكم
صوت وصدى ولا اجمل لاهنتوا
وانت مميز يامبارك في كل حالاتك لاعدمتك
رد: مساجله شعريه (اصقور مانحسب حساب الحنادي)
رد: مساجله شعريه (اصقور مانحسب حساب الحنادي)
مشكورين على تواجدكم
وحضوركم الجميل والرااااائع
تقبلوا تحياااااااااااااااااتي
وخاااااالص ودي
رد: مساجله شعريه (اصقور مانحسب حساب الحنادي)
سلمت ولا هنت يا مبارك والله يبييض وجيهكم جميع
رد: مساجله شعريه (اصقور مانحسب حساب الحنادي)
رد: مساجله شعريه (اصقور مانحسب حساب الحنادي)
اقتباس:
المشاركة الأصلية كتبت بواسطة صالح الشلوي
سلمت ولا هنت يا مبارك والله يبييض وجيهكم جميع
اللله لايهينك يابوشوق
وحضورك شرف لنا
تقبل تحياااااااااااااااتي