ذكـــرى............مصافحه أولى

بسم الله الرحمن الرحيم
السلام عليكم ورحمة الله وبركاته
مصافحه اولى لموقع غرابيل

[align=center]ذكـــرى[/align]
[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تومي بي الذكرى من السيف للسيف= والقلب نسناس الغرام ألتوابه
في ليلةٍ فيها تجر الغطاريف= موقف تعب ما فيه للنفس ثابه
ذكرى رسوم وهمس ود وسواليف= زالت .. ولا زالت محل الكتابه
يبقى لها في سيرة الحب تعريف= : أول غرامٍ ما يجي له مشابه.
ياغالي الذكرى... ذكرت المواليف=فأول مشاوير الغلاء والصبابه
كتمتها وأحلام عمري مراديف=أسعى وهي تسعى ورحنا نهابه
ما باقي إلا صورةٍ كنها طيف=وعطرٍ نسيم العشق للروح جابه
تأخذ لها في دوحة الروح تشريف=وتنزع عن الصمت المطول ثيابه
غيداّ طغت ما مثلها فالبشر شيف=لها على عرش الجمال الرحابه
تخلف موازين الرجال العواريـف=وراع الصواب إتضيعه من صوابه
معربة منسب لها الأوله كيف=من صلب شيخٍ كل مجدٍ رقابه
مروي عطش حدب السيوف المراهيف=راس الحسب وأًصل النسب والمهابه
محشومةٍ عندي مثل حشمة الضيف=وعلى لساني من غلاها رقابه
من دونها حالت دهور و صواديف=وكلٍ عذابه في حياته غدابه
أعدها من ضمن الأموات يا حيف=ويبقى الرجاء مع واحدٍ يرجابه
راحت ورحنا والخواطـر ملاهيف=وكلٍ يعيد الذاكره من عذابه
[/poem]

[align=center]مرزوق بن دحيم[/align]

لاهنت مرزوق بن دحيم

ابيات روعة وجزله

صح لسانك وعلا شانك اخوي


ارق التحايا واعذبها

وعليكم السلام ورحمة الله وبركاته
وحياك الله بين اهلك واخوانك وسعيدين بانضمامك لهذا الصرح

مرزوق بن دحيم
اقسم بالله انك مبدع
صح لسانك ملايين ولا يكفون
وهذا الشعر اللي نبغاه امتعتني الله لايضرك

سجل متابعتي الدائمه لمايخطه قلمك


دمت بهذا الابداع

صح قلبك يا مرزوق
مصافحه جميله
شاعر جزل ومبدع
وياهلا بك وملاييييييين
تحيتي مع تقديري

وعليكم السلام ورحمة الله وبركاته
حياك الله اخي مرزوق وصح لسانك
تشرفنا بإنظمامك إلينا

مرزوق بن دحيم

ياهلا ومية غلا


ومنور غرابيل بوجود قلمك


صح قلبك وكلك


ومصافحة أولى ستجبرنا على انتظار جديدك


تحيتي لك

صح لسانك وقلبك

لاهنت

اقتباس:

---

المشاركة الأصلية كتبت بواسطة مــاجــد

لاهنت مرزوق بن دحيم

ابيات روعة وجزله

صح لسانك وعلا شانك اخوي


ارق التحايا واعذبها

---

اهلا بك اخي ماجد كم اسرني مرورك الكريم
صح بدنك طال عمرك

اقتباس:

---

المشاركة الأصلية كتبت بواسطة سامي العطاوي

وعليكم السلام ورحمة الله وبركاته
وحياك الله بين اهلك واخوانك وسعيدين بانضمامك لهذا الصرح

مرزوق بن دحيم
اقسم بالله انك مبدع
صح لسانك ملايين ولا يكفون
وهذا الشعر اللي نبغاه امتعتني الله لايضرك

سجل متابعتي الدائمه لمايخطه قلمك


دمت بهذا الابداع

---

اخوي سامي اشكرك على هذا الكلام الطيب واتشرف بوجودي بين كبار الشعار هنا في منتدى غرابيل المتميز وما انا الا اخ اصغر للجميع
وصح بدنك
لقد اسرني مرورك الكريم على هذا القصيده

اقتباس:

---

المشاركة الأصلية كتبت بواسطة ساميه

صح قلبك يا مرزوق
مصافحه جميله
شاعر جزل ومبدع
وياهلا بك وملاييييييين
تحيتي مع تقديري

---

صح بدنك وتشرفت بمروك اختنا الكريمه

أعدها من ضمن الأموات يـا حيـف
ويبقى الرجاء مـع واحـدٍ يرجابـه
راحت ورحنـا والخواطـر ملاهيـف
وكـلٍ يعيـد الذاكـره مـن عذابـه

وكلها راقت لي بس هالابيات شدتني اكثررررررررررررر
صح صح لسااااانك وعلى شانك جزله من جزالتك ويسعدني متابعة كل جديد لك
سجل اعجابي وتقديري لك

اقتباس:

---

المشاركة الأصلية كتبت بواسطة وصل وجفا

وعليكم السلام ورحمة الله وبركاته
حياك الله اخي مرزوق وصح لسانك
تشرفنا بإنظمامك إلينا

---

الله يحييك ويطول بعمرك اخوي وصل وجفا والشرف لي ياطويل العمر بوجودي بين الكوكبه في موقع غرابيل المميز

اقتباس:

---

المشاركة الأصلية كتبت بواسطة أبوعبدالرحمن

مرزوق بن دحيم

ياهلا ومية غلا


ومنور غرابيل بوجود قلمك


صح قلبك وكلك


ومصافحة أولى ستجبرنا على انتظار جديدك


تحيتي لك

---

ابو عبدالرحمن زادني شرف تواجدك ومرورك الي اسرني بلاشك
فانا افتخر بالرجال الي مثلكم وشرواكم صح بدنك يالغالي وغرابيل تشع نور فوق نور الجميع ياغالي
الله يعيني على انتقاء مايليق بهذا الصرح الشامخ اكرر الشكر لمرورك الكريم

اقتباس:

---

المشاركة الأصلية كتبت بواسطة كاسب العز

صح لسانك وقلبك

لاهنت

---

صح بدنك يا كاسب العز تشرفت بمرورك

اقتباس:

---

المشاركة الأصلية كتبت بواسطة تغريد البرقاوي

أعدها من ضمن الأموات يـا حيـف
ويبقى الرجاء مـع واحـدٍ يرجابـه
راحت ورحنـا والخواطـر ملاهيـف
وكـلٍ يعيـد الذاكـره مـن عذابـه

وكلها راقت لي بس هالابيات شدتني اكثررررررررررررر
صح صح لسااااانك وعلى شانك جزله من جزالتك ويسعدني متابعة كل جديد لك
سجل اعجابي وتقديري لك

---

اختنا الكريمه تغريد صح بدنك اتمنى انها حازت على اعجابك واشكر مرورك الكريم