نهته

[poem=font="simplified arabic,6,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=2 line=0 align=center use=ex num="0,black""]
حياتنا بانتظار وساعة الإنتظار = ملل زهق وانفعال ويمكن ومحتمل

كذا كذا طاح قلب ولا رفع له شعار = متى متى مات حلم(ن) ننتظره بأمل

يابو حسين المعنى حار دمه وفار = وانا اذكرك ياعضيدي يانخيتك جمل

ماترخص اللازمه في سر والا جهار = والمعضله في لزوم الغير عندك عمل

تفتقن الجروح كبارهن والصغار = والهم توه مع آخر طارقه يشتمل

قلطت صافي معاميلي على اكبر وجار = ونفخت ناري بثوبي واحترق ما احتمل

ياكبرها يوم ادرجها حيا في وقار = والعقل من ماجراله ياعويني ثمل

والعرق ينبض قهر مكتوم وسط الحصار = والتافهه في عيوني من عذابي زمل

سلطت شر المعاني من دمار لدمار = وضربت حزمة خيالي مثل ضرب الرمل

اجمع سحاب المشاعر ويتجمع غبار = من ذكريات السعاده لين وقت(ن) صمل

الحج مايكتمل من غير رمي الجمار = وانا رميت الجمار وهقوتي يكتمل

أثر الهقاوي بعيده والليالي قصار = وعيون سود الليالي ما عماها سمل

أرخت علي الظلام وناولتني خمار = ولقحتها غصب ماودي تروح بحمل

شقيت وارجي عسى يطلع علينا نهار = وسطه يصافح ذبيح الشوق لم الشمل
[/poem]

صح لسانك ياعبدالعزيز
جزله من شاعر جزل ومتمكن
وسلامتك من الجروح والهموم
تقديري

الحج مايكتمل من غير رمـي الجمـار
وانا رميت الجمـار وهقوتـي يكتمـل

أثر الهقاوي بعيـده والليالـي قصـار
وعيون سود الليالي ما عماهـا سمـل

أرخت علي الظـلام وناولتنـي خمـار
ولقحتها غصب ماودي تـروح بحمـل


يخرب بيت الشعر اللي ماهو كذا

عبدالعزيز صح لسانك وفكرك وبنانك يارجال وكلك

قصيده أعتبرها من عيون الأدب .........الله لايضرك

صح لسانك وبيض الله وجهك

جزل ياعبدالعزيز


صح قلبك وكلك

وسلمت اناملك

اشتقنا لقلمك كثيرا


تحيتي لك

صح صح لسااااااااااانك ابدعت شاعر جزل
كلمات في منتهى الروعه تباهت هذه القصيده بجمالها

تقبل مروري

عذبة تسمو بمعان وصور ..
سلمت ودمت للمميز شاعرنا ...

صح لسانك وقلبك

بيض الله وجهك

لاهنت

عبد العزيز

صح لسانك ولا هنت

صح لسانك

مي

عبدالعزيز العدواني ...


صح لسانك ولاهنت على هالرائعه